2Handed Sword : أنت أقوى المهاجمين والمدافعين (( تجارب شخصية )) لتهزم أقوى الشخصيات

[king_of_Silkroad]

المشاركة الأصلية كتبت بواسطة _abdoo47_

معلش في كلام مبني علي دليل وده كلام منطقي ومقبول لكن انت كلامك مستفز ويضايق لأنك علي الاقل حتي لو بتقول التوهاندد جامد وخارق علي الأقل معندكش قبول للطرف الأخر ومش عايز تعترف لكل بيلد بمميزاته وأبسط مثال ردك علي أخر واحد اللي ببساطة كلمك بكل منطقية وأنا احترمت كلامه مع إني توهاندد وبحب الشخصية دي جدا ً لكن إنت ردك ليه وضح أنك متحيززززز جدا بشكل يضايق وشايف ان كلامك يمثل حقائق غير قابلة للنقاش وكلام أي حد كلام قديم ملاوش لازمة (الا الكلام اللي في صفك) واللي حتي عمل موضوع حلو ونسي يعمل اللي بتسميه (خبرات الاجيال) بتقول ببساطة "بسبب الانانية" طبعا بالنسبة للرد اللي صاحبه كلمك بالمنطق في حاجة هي عبارة عن مسألة ذوق شخصي لكن انت مصر تخليها حاجة مفهاش نقاش وكاتب كلامك بالخط الكبيير واللون الأحمر كأنك بتعللي صوتك يعني في عبارتك الخالدة :

طبعا ً السرعة اللي انت تقصدها من كلامك مع الراجل هي قوة هجوم الويزارد والقوة هي قوة دفاع التوهاندد بغض النظر عن إن مسألة الاختيار بينهم مسألة ذوق ومفيش حاجة أسمها أحسن والمعروف ان البارتي الاوروبي مينفعش من غير ويزارد يعني ممكن نستبدل فيه التوهاندد بوان هاندد سورد أحسن لأن التوهاندد في الدفاع أقل واحد بالنسبة للواريور
واذا كان الدفاع أحسن اللي هو القوة في وجهة نظرك ليه مأخدتش شخصية دفاعها أعلي زي
وان هاندد أو البليدر أو الجليفر
ولو جمال الشخصية بيتقاس بـ (أعرف أموت بارتي وجاينت في لفلي أو أعلي) يبقي في شخصيات كتير أحسن من التوهاندد في النقطة دي
وياريت تعرفني ايه الحاجات اللي ممكن تحطها تزودلك الهجوم

الميزة اللي تخلي التوهاندد سلاح انه سلاح متوازن الي حد ما بين الدفاع والهجوم وإن كان يميل أكتر الي الدفاع لكن مش دفاع مفرط بدون هجوم زي مثلا البليدر str ولا هجوم مفرط بدون دفاع زي الويزارد مثلا ً وفي نفس الوقت هجومه كافي الي حد ما أنه يموت أي بيلد في لفله (اقصد انه ميعدش ساعة عشان يموت واحد)
وبردو مش معني كده ان باقي البيلدات مش كويسة بالعكس دي مسألة شخصية اللي عايز يختار دفاع أعلي أو هجوم أعلي
انا مش عارف انت في الموضوع ده بتدعو لأيه ؟ طريقة نقاشك بتقول انك عايز كل الناس تفتح توهاندد وبس ؟ انا بتصور شكل السيرفر ساعتها هتبقلي لعبة فقيعة , لولا أختلاف الأذواق لبارت السلع

بالراحة يا أستاذ شكلك محموق أوى على الرد ...
فى أكتر من مقطع أنا قلت كل بيلد ليه مميزاته و كل بيلد يقدر يغلب بيلد و ينهزم من بيلد لكن الجميل إن فى التوهاندد سيورد أنه بيغلب الكثير من البيلدات و بينغلب من بيلدات قليلة ... ركز فى الـ 15 صفحة مادام إنته ما حضرتش الحوار من الأول ...

[king_of_Silkroad]

المشاركة الأصلية كتبت بواسطة _Abdoo47_

شكرا يا مان
أولا النويكر سورد وشيلد مش بتاع PVP خالص وواله أنا مجربه لأن ضرباته بطيئة جدا بالنسبة لكونه شخصية INT يعني هو حلو في حاجات تانية لكن تعبان في ال PVP يعني تخيل شخصية ضعيفة "ال HP قليل" وكمان ضربتها بطيئة

إنته بتتكلم فى أيه - عذراً - شكلك مش بتفهم فى الـ S/S البيلد ده دفاعه جبار و هجومه جامد جداً ولا بطئ ولا حاجة لأنه نيوكات .. والبى فى بى بيبقه جامد جداً لأنه معاه بفات الدرع الجليدى و درعه ..

الجليفر و(التوهاندد سورد / كليرك)
الجليفر ليه مميزات عن التوهاندد سورد لكن بغض النظر عن المميزات والعيوب انا هقولك ال PVP بينهم بيبقي عامل ازاي عن تجربة
ضربات الجليفر مش قوية اوي لكنها كافية انها تموت التوهاندد لان ال HP بياخد وقت عنده
التوهاندد بيعمل بفات ال Skin ودي بتخلي دفاعه قوي جدا ً لمدة 45 ثاينة
خلال ال 45 ثاينة التوهاندد بيضرب أقوي الضربات عنده لكن الطبيعي انها متموتش الجليفر (ال HP بتاع الجليفر بيتملي بسرعة) وساعتها بيفضل في انتظار كريتيكال لو جت بتبقي قاضية , لو مقدرش يموته خلال ال 45 ثانية وال Buff خلص بتبقي فرصة الجليفر وساعتها المفروض ان التوهاندد يحاول انه يتجنب الضربات ويعتمد علي الضربات اللي بتعمل Knock Back و Knock Down عشان يضيعلو حركاته أو يغير السلاح ويمسك كليرك يعمل Bless Spell ويظبط نفسه بفات ويرجع يضرب تاني لحد مال Skin تيجي طبعا ً اول ما ال skin بيخلص بتبقي الفرصة أكبر للجليفر وبيبقي في أحتمال انه يموت التوهاندد

إنته جربت الديفيجن ولا البليس سبيل - مرايات - ؟ دى حاجات لو الجليفر اتنطط مش ممكن يجيب ربع دمك تكون إنته قضيت عليه .. خاصة و إنه معندوش بفات دفاعية إلا حاجات بتعد 15 ثانيه ....

طبعا ً لو قلنا مين الاحسن قصاد باقي الشخصيات بدون تحيز انا شايف انه التوهاندد لان في سكيل عند التوهاند اسمه Sprint Assault ده زي السحبة اللي عند الصيني لكنه أحسن بكتير انت لو بعيد عن الشخص اللي بتلاعبه وهو بيضرب من بعيد زي النيوكر او الويزارد أو الكروسبو بتدوس السكيل ده في لحظة بيلاقيك قدامه والميزة التانية ان الحركة دي بنسبة معينة بتعمل Knock back يعني هتضيعلو ضربته وبنسبة تانية تعملو Stun يعني يقف لمدة 5 ثواني وانت تختار أنهي أحسن ضربة تضربها فيه طبعا دي أفيد حاجة قصاد الشخصيات اللي ضربتها مبتديكش فرصة أساسا تجمع ال HP طبعا السحبة اللي عند الصيني ملهاش لزمة في ال PVP لأنك بعد مابتعمها بتلاقي الشخصية بتاعتك متنحة مكانها ومش بتتحرك لمدة 1.5 ثانية تقريبا ً وكمان ملهاش أي تاثير لأنها مش ضربة
غير كده التوهاندد عنده بفات ال Skin بستخدمها وقت الزنقة وساعتها يدخل وهو مستريح
غير كده يقدر يقف قصاد الوورلوك لكن الجليفر ميقدرش

طبعا ً عيوب التوهاندد معروفة انه من غير بفات الحماية دفاعه أقل بكتير من الجليفر يعني أضعف وممكن يموت أسهل وكمان طالما فاتح كليرك هيبقي بطئ جدا ً وهيفضل طول عمره يشتري رسايل سرعة ولو ناوي تلعب بوت هتتفقع عشان تخلي البوت يغير السلاح ويعمل بفاته غير كده الملل بتاع تغير السلاح نفسه
مش مبرر ...
لكن الجليفر أحسن في المواضيع دي وفي ال PVP حلو بردو وعنده ضربات حلوة بس فرضا ً حتي انه زي التوهاندد في ال PVP لكن الاوروبي كله أحسن في شغل البارتي وكمان تقدر تقول الاوروبي مش بيستهلك HP و MP زي الصيني يعني انا ممكن أفضل العب طول اليوم بي 500 MP و 200 HP وميخلصوش كمان لكن الصيني بيستهلك أكتر من الاوربي بحولي 5 مرات أو أكتر وكمان معظم الاوروبي ضرباته أسرع وأقوي وان كان دفاعه أقل ومش محتاج سكيلزات كتير(SP) زي الصيني

مش التوهاندد بس اللي حلو في ال PVP اوروبي في بردو الداجر والكروسبو هما كمان جامدين جدا ً بالنسبة لل STR

كلامك صح ..

[king_of_Silkroad]

المشاركة الأصلية كتبت بواسطة maqra2a9394

guard tambour.dances,noise(: Need comment from you

لو جيت قارنته قدام الأستفادة اللى بتاخدها من الكليرك هتسيب الهارب خالص ....
ديفيجن - المرايات - تزود دمك بسرعة خرافيه - 15 ثانية دمك بيزيك كل 3 ثوانى

[king_of_Silkroad]

المشاركة الأصلية كتبت بواسطة _Abdoo47_

معلش في كلام مبني علي دليل وده كلام منطقي ومقبول لكن انت كلامك مستفز ويضايق لأنك علي الاقل حتي لو بتقول التوهاندد جامد وخارق علي الأقل معندكش قبول للطرف الأخر ومش عايز تعترف لكل بيلد بمميزاته وأبسط مثال ردك علي أخر واحد اللي ببساطة كلمك بكل منطقية وأنا احترمت كلامه مع إني توهاندد وبحب الشخصية دي جدا ً لكن إنت ردك ليه وضح أنك متحيززززز جدا بشكل يضايق وشايف ان كلامك يمثل حقائق غير قابلة للنقاش وكلام أي حد كلام قديم ملاوش لازمة (الا الكلام اللي في صفك) واللي حتي عمل موضوع حلو ونسي يعمل اللي بتسميه (خبرات الاجيال) بتقول ببساطة "بسبب الانانية"
اهدا عشان أعرف أناقشك ..
طبعا بالنسبة للرد اللي صاحبه كلمك بالمنطق في حاجة هي عبارة عن مسألة ذوق شخصي لكن انت مصر تخليها حاجة مفهاش نقاش وكاتب كلامك بالخط الكبيير واللون الأحمر كأنك بتعللي صوتك يعني في عبارتك الخالدة :
لأ يا أستاذ عشان الناس تعرف ردى و يكون أسلوب مميز فى الكتابة عشان اللى يجى ميعدش يقرا الاقتباس الطويل العريض كله ....

طبعا ً السرعة اللي انت تقصدها من كلامك مع الراجل هي قوة هجوم الويزارد والقوة هي قوة دفاع التوهاندد بغض النظر عن إن مسألة الاختيار بينهم مسألة ذوق ومفيش حاجة أسمها أحسن
لأ يا أستاذ الويزارد عمره ما يقدره يلفل نفسه من غير بريميوم بلس أو لبس فل بلو + 5 ...
والمعروف ان البارتي الاوروبي مينفعش من غير ويزارد يعني ممكن نستبدل فيه التوهاندد بوان هاندد سورد أحسن لأن التوهاندد في الدفاع أقل واحد بالنسبة للواريور
إنسه يا عمرو ... التوهاندد سيورد ركيزة أساسية فى البارتى الأوربى لأنه يقدر يقتل وحوش أعلى منه بسهوله إضافة إلى قدرته على الهجوم لكن الون هاندد سيورد ضربته ضعيفة إلى حد ما و أديك قلت -- أذواق..
واذا كان الدفاع أحسن اللي هو القوة في وجهة نظرك ليه مأخدتش شخصية دفاعها أعلي زي
وان هاندد أو البليدر أو الجليفر
مين قال كده يا أستاذ فى أول فقرة خااااااااالص إتكلمت إن البيلد ده يجمع بين الهجوم القوى .. أقوى هجوم STR و دفاعه الجيد ...
ولو جمال الشخصية بيتقاس بـ (أعرف أموت بارتي وجاينت في لفلي أو أعلي) يبقي في شخصيات كتير أحسن من التوهاندد في النقطة دي
مقلتش كده برضه .. أنا ضفتها كـ نقطة ثانوية للدلالة على قوة الشخصية رغم إنى :- Full Npc + Gap
وياريت تعرفني ايه الحاجات اللي ممكن تحطها تزودلك الهجوم

إنته يا عم الحج ما تشلنيش ده أنا اللى قايل لك إنك ما تقدرش تلعب فى الهجوم ... و إن اللعب هيكون فى سرعة الضربة و ممكن تضيفها بـ Ston أو Scroll ودى بقت متوفرة جداً 30% increase ...
الميزة اللي تخلي التوهاندد سلاح انه سلاح متوازن الي حد ما بين الدفاع والهجوم وإن كان يميل أكتر الي الدفاع لكن مش دفاع مفرط بدون هجوم زي مثلا البليدر str ولا هجوم مفرط بدون دفاع زي الويزارد مثلا ً وفي نفس الوقت هجومه كافي الي حد ما أنه يموت أي بيلد في لفله (اقصد انه ميعدش ساعة عشان يموت واحد)
أمال أيه الرغى اللى فات ده ؟! .......
وبردو مش معني كده ان باقي البيلدات مش كويسة بالعكس دي مسألة شخصية اللي عايز يختار دفاع أعلي أو هجوم أعلي
مقلتش كده ..
انا مش عارف انت في الموضوع ده بتدعو لأيه ؟ طريقة نقاشك بتقول انك عايز كل الناس تفتح توهاندد وبس ؟ انا بتصور شكل السيرفر ساعتها هتبقلي لعبة فقيعة , لولا أختلاف الأذواق لبارت السلع
بشرح التوهاندد سورد للناس اللى تحب تلعب بيه .....
أنا مش فاه إنته عايز أيه ..

داخل تتخانق ولا داخل عايز تخالف و خلاص ... رغم إنك توهاندد سيورد

[zxxxkingxxxz]

thnx ya man
bas ana 3awez ashof ba2y el 7l2at

[khaledboppo]

انا باق H2 $ bard يا ناس كل حاجه وليه شغاله الخاص يعنى انا سريع جدا وى بقدر اموت ناس كتير لكن لو واحد زى كليرك بتبقا موز طبعنا ابقا كداب لو قلت العكاس لكن لو انت صيع صح تو هند لزم تستفد بى الهارب فى حاجه انو ماش بيخد سكيل بوينت كتير فا تقدر تفتح الشيلد بتاعت الون هند وكد جبت الدفينس والسرعه والقوه اى ريكم بقا

[_Abdoo47_]

انت رديت عليا في كذا جزء لذلك عشان ارد عليك هرد في أكتر من جزء
الجزء 1

بالراحة يا أستاذ شكلك محموق أوى على الرد ...

محموق ؟ ,طيب مقبولة مع انها كلمة بايخة
حاضر هتكلم براحة , معلش اذا كنت انا خرجت في الموضوع عن سياق المناقشة وانا هكلمك بهدوء من الان عشان انا اتمني أوصل للصح حتي لو كان رأيك , مفيش مشكلة , بصراحة انا دخلت نفسي في حوار بالرد عليك وعايز أنهيه من غير تطويل فيايريت لما تتكلم عن حاجة لو متأكد منها وعندك دليل عليها قوله ولو مش متأكد قول بردو .

فى أكتر من مقطع أنا قلت كل بيلد ليه مميزاته و كل بيلد يقدر يغلب بيلد و ينهزم من بيلد

جايز قلت كده لكن لما اتكلمت عنهم قلت كلام عادي ولما اتكلمت عنه بقيت تجيب الفاظ غربية زي "الخارق - الجبار - الاسطوري - وهكذا , انا فاكر اني قريت الكلمات دي" اللي يسمعها ياخد انطباع انه لايمكن المقارنة أساسا

لكن الجميل إن فى التوهاندد سيورد أنه بيغلب الكثير من البيلدات و بينغلب من بيلدات قليلة ...

فعلا ً دي ميزة موجودة فيه لكن متنفيش عيوبه
بس معلش خطأ لغوي بسيط أسمه سوورد مش سيورد (سو مش سيو)

ركز فى الـ 15 صفحة مادام إنته ما حضرتش الحوار من الأول ...

حاضر , انا قريتهم قبل كده كلهم , وحضرت الحوار قبل كده ورديت عليك

|||||||||||||||||||||||||||||||||||||||||||||||||| |||||||||||||||||

إنته بتتكلم فى أيه - عذراً - شكلك مش بتفهم فى الـ S/S ..

مش بفهم ؟ , مكدبش عليك اناملعبتش بيه كتير , وعادي لو مش بفهم فهمني انت (مش بهزر)

البيلد ده دفاعه جبار و هجومه جامد جداً ولا بطئ ولا حاجة لأنه نيوكات .. والبى فى بى بيبقه جامد جداً لأنه معاه بفات الدرع الجليدى و درعه

ادي يا عم طريقتك في التوضيح ودي أحد أسباب المشكلة , لما تيجي تتكلم عن حاجتين داخلين في مقارنة مثلا هنقول حاجتين هنقارن بينهم من حيث السرعة (طائرتين , سيارتين) مينفعش تقول علي واحدة "سريعة جدا ً" والتانية "سرعتها جبارة " , كنت انت موضحتش حاجة ,الاتنين سرعتهم كبيرة لكن لما تيجي تدخلها في مقارنة لازم تقول علي اللي سرعته أعلي "سريع" واللي سرعته أقل "بطئ" .
يعني شيل المبالغة والاعجاب من الكلام واتكلم بحياد .
انا ايه اللي خلاني اقول عليه تعبان , الويزارد والنيوكر سواء سبير او سورد كلهم شخصيات INT يعني بيجمعهم انهم ال HP بتاعهم قليل وان كان النيوكر ممكن يكون أعلي من الويزارد وكمان ال Potions عنده مش بياخد وقت وممكن يمسك شيلد يعني دفاعه أعلي لكن ضرباته أضعف من الويزارد وأبطأ (وأبطأ كمان من أي بيلد تاني) غير كده معندوش حيل في الضربات (زي الضربة اللي بتعمل KB عند الويزارد) ومعندوش ضربة بتعمل حالة غير قابلة للازالة بال Pill زي ال Dull و ال Fear اللي الويزارد بيجيبها
يعني من الاخر ضربته أضعف من الويزارد بكتير ومعندوش حاجة يخبي فيها ضعفه يعني الاوروبي اللي دفاعه ضعيف ممكن تلاقي عنده سكيل يخليه يختفي بحيث انه يختار الوقت المناسب لهجومه لكن ده لأ بين ال INT وال STR
مسألتش نفسك ليه بالرغم من إن الويزارد ضعيف الا انه بيعمل حركة بتضعفه أكتر (Life Control) في ال PVP وفي أوقات كتير , لأن سعات بيبقي لازم متديش للي قدامك الفرصة انه يتصرف أو يلمسك أساسا لكن النيوكر ضربته متقضيش عليك وكمان بطيئة يعني بالنسبة لي النيوكر لو حتي ضربني الضربة الاولي مش بيموتني وانا بلحقه قبل مايضرب التانية وبكون ضربته ضربتين علي مايكون هو جمعها واذا مكانش في حد بيضرب معاه بيبقي ميت
لكن الويزارد لو في نفس ليفلك وعامل لايف كنترول وانت مش عامل اي حماية هتلاقي ضربته بتعدي التوتال بتاع دمك أساسا , يعني مفيش فرصة تفكر , ده السبب اللي بيخلي الويزارد من من أرخم الاعداء في الايفنت بالعكس من النيوكر ده حتي النيوكر ممكن يموت في ضربة من الويزارد اللي نفس لفله بالرغم من ان دفاعه ماجيك يعني مش نافع خالص , ده غير عيوبه كأي بيلد صيني انه ملوش دور في الفريق .
بس ده مينفيش عه مميزاته في التلفيل وفي حاجات تانية .
===============================================

إنته جربت الديفيجن ولا البليس سبيل - مرايات - ؟ ....

سؤال مستفز , اه مجربهم ومقلتلكش انك هتموت وانت عاملهم (جايز بعد ما يخلصو) لكن الجليفر صعب انه يموت حتي لو مش عامل حماية (اذا كان لابس أرمور مش جارمينت) اذا مجبتش فيه كريتيكال , ده غير ان عنده سكلزات تعملك KB و Stun يعني ممكن يضيع حركاتك , وبعدين بخصوص انك تفضل تغير سلاحك خلال ال PVP وتعمل Buff لنفسك حاجة غلسة , الواحد يحب ينهي الموضوع علي طول

دى حاجات لو الجليفر اتنطط مش ممكن يجيب ربع دمك تكون إنته قضيت عليه .. خاصة و إنه معندوش بفات دفاعية إلا حاجات بتعد 15 ثانيه

احتمال تكون قضيت عليه بافتراض ان التوهاندد ممكن يجيب كريتيكال لكن من غير كريتيكال صعب خصوصا في اللفلات بعد لفل 50 مثلا لما الدم بتاعه بيبقي كبير وهو عند ال Potions زمنه قليل يعني بيبقي غلس وصعب يموت خصوصا لو لابس أرمور وممكن يموتك يعني مش دايما ً هتنتهي معاك نهاية سعيدة

مش مبرر ...

هو ايه اللي مش مبرر , انا بذكر العيوب ببساطة , ايه اللي مش مبرر لإيه ؟

[modyrocker]

؟؟؟ ؟؟؟ ؟؟؟ ؟ ؟؟ ؟ ؟

[_Abdoo47_]

الجزء 2

اهدا عشان أعرف أناقشك ..

حاضر , وآسف ان كان ردي الاول ناتج عن اني كنت متضايق

لأ يا أستاذ عشان الناس تعرف ردى و يكون أسلوب مميز فى الكتابة عشان اللى يجى ميعدش يقرا الاقتباس الطويل العريض كله ....

اوك ماشي

لأ يا أستاذ الويزارد عمره ما يقدره يلفل نفسه من غير بريميوم بلس أو لبس فل بلو + 5 ...

مش فاهم بردو يعني ايه , الويزارد عبارة عن التضحية بالدفاع في سبيل امتلاك أقصي هجوم ممكن , وشخصيته مش مملة تماما وممتعة وبيلفل بسرعة كبيرة جدا ً جدا ً ولا كأنه في تاكسي ولا بلو +5 ولا يحزنزن الويزارد الحاجة الوحيدة اللي ممكن يلفل وهو ملط لأنه مبيعتمدش في تلفيله علي احتكاكه بالوحش اللي قصاده لأنه دايما بيقتله هو واللي حواليه في نص ضربة , لكن التوهاندد لازم يهتم بلبسه والا مش هينفع في الدفاع وكمان لازم يهتم بسلاحة , وبخلاف كده تكون الشخصية ناقصة , وان كان ولابد طبعا ً ان الويزارد لازم يهتم بلبسه لاكن حكاية انه ميقدرش من غير بريميوم او لبس فل بلو +5 , كلامك مش واقعي , لو لبس لبس عادي بردو هيسد وان كان هيبقي عنده مشكلة بالنسبة للبارتي و الجاينت اللي في لفله يعني في احتمال انهم يموتوه وان كان هو مش محتاج يموتهم , كده كده بيعلي بسرعة , بيسيبهم لما يلاقيهم بيضربو حد ويروح يضرب في الزحمة وبتتطلع من نصيبه .
لبس فل بلو دي كلمة مش طبيعية معناها انك لازم الاول تعرف ايه البلو اللي الويزارد محتاجه لأن فل بلو دي كلمة كبيرة , يعني بتقول الويزارد مستحيل يلعب .
الويزارد فيه مميزات كبيرة وكتيرة ومش موضوعنا اننا نتكلم عنه .

إنسه يا عمرو ... التوهاندد سيورد ركيزة أساسية فى البارتى الأوربى لأنه يقدر يقتل وحوش أعلى منه بسهوله إضافة إلى قدرته على الهجوم لكن الون هاندد سيورد ضربته ضعيفة إلى حد ما و أديك قلت -- أذواق..

بصراحة الجزء ده ضايقني أوي لأنك ولمرة تانية عايز تخلي التوهاندد أحين في كل حاجة حتي بالنسبة للاوروبي , يعني الوان هاندد معمول لحاجة وهي انه اكتر واحد ممكن يدافع وده مجاله وانت بتقول ببساطة "انسه يا عمرو" بدل ما تقول الواريور كله حاجة واحدة , انا مثلا فاتح وان هاندد للأسباب دي ومش عارف ازاي انت تنكر حقه , انت كده وقعت في خطأ جسيم :p
بص يا بوب انا هشرحلك حاجة بسيطة مفيش حاجة بتجمع كل المميزات , التوهاندد واخد نبذة من الدفاع لأنه في الواريو لكنه اقلهم في الدفاع
حاجة تانية اسمها Taunting (بص علي الضربات) دي معناها الغيظ والمقصود بيها شد الانتباه يعني الضربة دي مثلا هتجذب انتباه الوحش ليك انت بمقدار اد ايه واكتر واحد ممكن يجذب الوحش ليه هو الوان هاندد يعني ضربته من الاخر بتجذب انتباه الوحش ليه (بتفقع الوحش) حتي لو انت بتضرب معاه الوحش هيسيبك ويضربه هو وبعد كده الدوال اكس وبعد كده التوهاندد وكمان احيانا تلاقي الوحش بردو سايبك وبيضرب في الويزارد , الوحيد اللي يقدر يخلصه من الموقف ده بكفائة هو الوان هاندد لإن ضربة الشيلد عند بترجع بنسبة 80 % ولمسافة كبير جدا ً , يعني بتحدف الوحش بعييييد وبتأثر في 3 في نفس الوقت ده غير انها بتجيبله Dull يعني بتسببلهم بطئ الحركة , ده غير ان جميع سكيلزاته صديقة مع البيئة :D يعني معندوش سكيل ممكن يخلي البارتي يشيط لما تقلبه مثلا وتضيع ضربات باقي البارتي ويقفو يتفرجو عليك , ده غير انه أشد في الدفاع أوي يعني مش هيموت حتي لو الوحوش اعلي منه , كل المميزات دي تشيل عيب بسيط ان ضربته اضعف , طز في الضربة امال الويزارد محطوط في البارتي ليه ؟ عشان يبقي تانك ؟ ولا عشان يموت عشان في ناس فاكرة البيلد بتاعها الكل في الكل وهدفه انه يعمل كل حاجة في البارتي دفاع وهجوم وغيره والباقي قراطيس

مين قال كده يا أستاذ فى أول فقرة خااااااااالص إتكلمت إن البيلد ده يجمع بين الهجوم القوى .. أقوى هجوم STR و دفاعه الجيد ...

كلامك صح بالنسبة لأنه بيجمع بين الهجوم والدفاع لكن مش أقوي هجوم STR (اقوي هجوم بالنسبة للواريور) كده انت بتشتم اللي عملو اللعبة , لأن علي أساس ايه الداجر والكروسبو دفاعه قليل ؟ علي اساس هجومهم القوي , دورهم مش قوي في البارتي (في التلفيل)
الداجر والكروسبو اقوي هجوم فيزيكال
وبعدين انت عاجبك ده عشان متوازن لكن في واحد تاني بيميل الي الاقوي في الدفاع وواحد تاني بيميل للاقوي في الهجوم , أذواق , يبقي مش من حقك تقول "القوة أحسن طبعا ً , مبتتعوضش , السرعة بتتعوض"

مقلتش كده برضه .. أنا ضفتها كـ نقطة ثانوية للدلالة على قوة الشخصية رغم إنى :- Full Npc + Gap

عندك حق لكن زي ما حطيط دي ميزة للتوهاندد حط الميزة دي عند الويزارد "بموت 5 وحوش في محيط 10 متر في ضربة واحده , وهما في لفلي"

إنته يا عم الحج ما تشلنيش ده أنا اللى قايل لك إنك ما تقدرش تلعب فى الهجوم .

ما تشلنيش ؟ الله يسامحك , انا كلامي كان مستفز لكن قلت كلام منطقي , مش بفرض رأيي

.. و إن اللعب هيكون فى سرعة الضربة و ممكن تضيفها بـ Ston أو Scroll ودى بقت متوفرة جداً 30% increase ...

طب ما دي في زيها بيزود الدفاع , بالعكس اللي بيزود الدفاع كان في الايفنت اللي فات بييجي بال 10 مش بالواحدة "Dodging Scroll" ده غير ان الويزارد اللي فاتح كليرك ممكن يزود دفاعه بالBless Spell عشان يعرف يموت الجاينت والبارتي لكن مفيش بيلد مساعد في حاجة تزودلك قوة ضرباتك مثلا ً , يعني اعترف ان دي ذوق شخصي مش حاجة واجبة , وعلي فكرة ال Attack Rating مش معناها سرعة الضربة

أمال أيه الرغى اللى فات ده ؟! .......

الرغي اللي فات ده يوضح سبب لعبي به وانه ذوق شخصي والي مش عايزه براحته لكن مش بقول الباقي نوبات وانا اللي جامد

مقلتش كده ..

امال قلت ايه , مانت قلتله "القوة احسن طبعا ً"

بشرح التوهاندد سورد للناس اللى تحب تلعب بيه .....
أنا مش فاهم إنته عايز أيه ..

اشرحه بالعدل وماتديهوش اكتر من حقه عشان متخليش الناس تاخد عنه فكرة اكتر من حقه ,انا شايف موجه كبيرة اوي من الناس نازلة من جديد بيه بسبب الحاجات دي
قول عيوبه مثلا زي : - ممكن تمل منه بعد فترة خصوصا ً انك مش هتجيلك أي ضربة جديدة من لفل 40 لحد 70 وتقريبا ً الاسكلزات قليلة جدا ً وان كانت منكن تبقي ميزة لأنه كده مش بياخد SP كتير

داخل تتخانق ولا داخل عايز تخالف و خلاص ... رغم إنك توهاندد سيورد

مش داخل اتخانق وخلاص ولا عايز اخالف , وده واضح

[_Abdoo47_]

نا باق H2 $ bard يا ناس كل حاجه وليه شغاله الخاص يعنى انا سريع جدا وى بقدر اموت ناس كتير لكن لو واحد زى كليرك بتبقا موز طبعنا ابقا كداب لو قلت العكاس لكن لو انت صيع صح تو هند لزم تستفد بى الهارب فى حاجه انو ماش بيخد سكيل بوينت كتير فا تقدر تفتح الشيلد بتاعت الون هند وكد جبت الدفينس والسرعه والقوه اى ريكم بقا

انو ماش بيخد سكيل بوينت كتير >> دي ميزة
لكن مش هيبقي عندك دفاع ضد ال States تماما مع العلم انه في حالات بتنجح بنسبة كبيرة اوي ومش بتتشال بي ال Pill ولو نفعت فيك بيبقي امرك انتهي
ال HP بتاعك بيبقي اضعف شوية لأنك بتعتمد علي ال Potions بس بشكل أساسي

[khaledboppo]

طيب ما فى بلوك وى فى حاجة كتير اوى والشيلد بيديك دفنس عالى يعنى ساعة الدفع استخدم one handedو ساعة الهجوام 2h وى طبعنا انت سريع لنك هارب

وى دى عنا تجربه والله اعلم

[king_of_Silkroad]

أنا مش بتكلم عن الون هاندد سيورد بشكل سئ لأ هو رجل المهام الصعاب و ساعات تحتاجه لما تعمل إبعاد للخصم و لكن ما أكذبش عليك ضربته ضعيفة جداً ...و نادر ما تلاقى ون هنادد سورد منفرد من غير توهاندد ولو توهاندد معاه ونهاندد يبقى جب اعلى حاجة - لو بيعرف يغير أسلحة بسرعة ...

[king_of_Silkroad]

المشاركة الأصلية كتبت بواسطة khaledboppo

انا باق h2 $ bard يا ناس كل حاجه وليه شغاله الخاص يعنى انا سريع جدا وى بقدر اموت ناس كتير لكن لو واحد زى كليرك بتبقا موز طبعنا ابقا كداب لو قلت العكاس لكن لو انت صيع صح تو هند لزم تستفد بى الهارب فى حاجه انو ماش بيخد سكيل بوينت كتير فا تقدر تفتح الشيلد بتاعت الون هند وكد جبت الدفينس والسرعه والقوه اى ريكم بقا

فكرة حلوة برضه مش هقول حاجة لكن لو عملت فارم كويس و شغلت الأكونت كليرك + توهاندد سورد + ون هنادد سيورد
هتبقى خارق ولا ليك رأى تانى ... ؟

[king_of_Silkroad]

بسم الله الرحمن الرحيم

لما سيادتك مش مقتنع بسلاحك إزاى بتلعب بيه ... عامة مش مهم ...
بقى يا راجل مش عايز الناس تلعب ب 2 Handed Sword عشان الملل من لفل 40 لحد لفل 70 بذمتك ده سبب وجيه ؟ .
ثانياً بالنسبة للويزارد .. شكلك لعبت بيه و ما وصلتش بيه أكترم من لفل 15 :D لأنك بتقول إن الويزارد لما يلفل نفسه مش بيحتك بالوحوش أقلك مشاى فى حالة واحدة و هى إنه يكون نوب لسه قبل لفل 10 لأنه مبيكونش فى وحوش بارتى ولا جاينت لكن لما يبدا يشوف البارتى اللى ما بيموتش من أول ضربة ولا تانى ولا تالت يبقى محتاج للدفاع فعلاً ...
وتخيل كمان لو عامل فارم والله أنا كان عندى أصحاب ويزاردات كانو بيعيطوا عشان بيلعبوا ويزارد ...
بالنسبة لأقوى هجوم فى اللعبة أحب أقولك إن التوهاندد سورد أقوى من الداجر ... و الكروسبو أضعف من الأتنين لأنه بيضرب من بعيد و اللعبة عامله توازن بص يا فندى الداجر سيادتك بتقول أقوى عشان الكريتيكل العالى اللى فيه بس لكن من حيث الضربات الاعتيادية التوهاندد احسن ..
مادام ماجربتش الكليرك يا ريت ما تتكلمش عنه لأنه من الأسلحة اللى ممكن تغير حرب بالكامل ...
وياريت تفهمنى بقى

[_Abdoo47_]

إلى الأخ _ِAboo47_ ومن الآخر ...

حاضر انا هجيب من الاخر , بس إسمي Abdoo مش Aboo :D
وأحب أقوللك حاجة , انا رديت عليك في الموضوع ده لسبب , لأنك مش زي أي عضو عادي يكتب موضوع , لأ انت رأيك الناس هتاخد بيه واللي ملعبش اللعبة قبل كده او لعبها بس مش عارف البيلدات مش هيتردد انه ياخد السلاح ده لأنك تقريبا ً محطلوش عيوب , كفايه عنوان الموضوع "أنت أقوي المهاجمين والمدافعين" طب إزاي ؟ , ببساطه عضو زيك مثلا مفروض ميبقاش رأيك زي باقي الناس اللي كل واحد فيهم يدخل يشرح البيلد بتاعه ويقول "الويزارد الجبار" , "الجليفر اللي جايب الديب من ديله" , "الكروسبو الخارق" وميجيبش الا المميزات والناس تتصدم بعد كده وطبيعي اللي ميعرفش العيوب مش هيتردد , يعني اذكر المميزات والعيوب بحياد حتي لو حاجة كانت ممكن تبقي ميزة وعيب في نفس الوقت اكتبها زي مثلا ً انه أقل واحد عنده عدد ضربات في اللعبة كلها بدون مبالغة في ناي هتعتبرها عيب وفي ناس هتقول طالما نافع في اللعب بالسكيلزات القليلة يبقي أحسن لأنه هيوفر سكلزات , يعني قول الحاجة وسيب الحكم للناس

لما سيادتك مش مقتنع بسلاحك إزاى بتلعب بيه ... عامة مش مهم ...

مين قالك اني مش مقتنع بيه , انا مقتنع بيه لنفسي , عشان انا ذوقي كده وعارف مميزاته وعيوبه وموافق عليهم , وعلي فكرة انا عملت 2 اكونت قبل ده توهاندد سورد وجالهم بلوك وبردو مفكرتش أغير بالرغم اني جربت حاجات تانية

بقى يا راجل مش عايز الناس تلعب ب 2 Handed Sword عشان الملل من لفل 40 لحد لفل 70 بذمتك ده سبب وجيه ؟ .

كل واحد حر انا مش فارقة معايا لكن في ناس هتقولك نعم ؟ من لفل 1 لحد لفل 90 يجيلي 6 ضربات بس ؟

ثانياً بالنسبة للويزارد .. شكلك لعبت بيه و ما وصلتش بيه أكترم من لفل 15

شكرا ً يا عم انت عرفت منين :p ؟ مش مهم انا لعبت بيه او ملعبتش بيه , ناقش الكلام اللي بقوله اذا كان صح أو غلط , انا مش بسألك انت وصلت لفل كام ومفيش لفل معين مطلوب للنقاش , صح ؟

لأنك بتقول إن الويزارد لما يلفل نفسه مش بيحتك بالوحوش أقلك مشاى فى حالة واحدة و هى إنه يكون نوب لسه قبل لفل 10 لأنه مبيكونش فى وحوش بارتى ولا جاينت لكن لما يبدا يشوف البارتى اللى ما بيموتش من أول ضربة ولا تانى ولا تالت يبقى محتاج للدفاع فعلاً ...

بص , انا لعبت بالويزارد , وحتي لو ملعبتش بيه , روح دور علي مكان فاضي مفيش فيه حد عامل بارتي والعب فيه مش هينزلك بارتي ولو نزل ابعد عنه ولو معاك بليس سبيل اعمل لايف كنترول او دوس الزيرك وانت عامل الحماية واديها في 5 ثواني هيكون ميت وكمان ممكن تعمله Fear يفضل يتفرج عليك لمدة 10 ثواني , ولو كنت مظبط نفسك ولابس لايت ارمور يبقي تمام ده غير انك في الغالب أساسا ً مش هتحتاج تموت بارتي وجاينت لإنهم مش هيبقو بيدوك EXP مغري لأنك تموتهم , في ضربة واحدة ممكن توقع 5 وحوش عادي يدوك نص ال EXP اللي بتاخده من البارتي والحياة بتبقي حلوة وبيلفل في ثواني , الويزارد ضعيف لكن كل ضرباته فيها حيل يحمي بيها نفسه ويقلل نسبة انه يموت

وتخيل كمان لو عامل فارم والله أنا كان عندى أصحاب ويزاردات كانو بيعيطوا عشان بيلعبوا ويزارد ...

لو عامل فارم بيبقي أسهل واحد ممكن يعمل لأن زي مابقولك لو عامل جاب 9 , ايه اللي هيتغير بالنسبالو ؟ السلاح مالوش دعو بالماسيتري , الهدوم هي الفرق , هو ممكن متفرقش معاه , يبعد بس عن البارتي والجاينت والمسألة تبقي محلولة , لكن انت الهدوم اقل من لفلك وعشان تضرب الوحش لازم هيضربك , يعني هتفرق معاك أكتر منه بكتيييييييييييييير , انت شكل حبك ليه خلاك تقلب عيوبه مميزات
اللي انت بتقول عليهم بيعيطو دول لأنهم أكيد بيلعبو بوت , لأن الويزارد مينفعش بوت , وجايز قرو موضوع بتاع واحد كتب موضوع وكان عنوانه "الويزارد انت اقوي المهاجمين والمدافعين" ومكتبلهمش عيوبه فاتفقعو لما اكتشفوها في اللفلات العالية وبقو مصدومين وقعدو يعيطو :D

بالنسبة لأقوى هجوم فى اللعبة أحب أقولك إن التوهاندد سورد أقوى من الداجر

لتاني مرة تقع في خطأ جسيم وبقول كلام من غير دليل خلينا نناقش الحكاية دي مع بعض
علي أساس إيه انت بتحسب قوة الهجوم , علي اجمالي الضربة الواحدة بتنقص كام ولا علي اجمالي البيلد نفسه ممن يوصل لكام
خلينا نشوف الاتنين وأرجو انك تكون بتعتبر ال Dagger Disparate وال Crossbow Extreme جزء من خصائص السلاح , يعني انت متقدرش تنقص دفاعك وتزود هجومك لكن هو يقدر
أولا أقصي ضربة غير مجزأة يعني الدمج بيطلع في ضربة واحدة مش متقسم علي كذا ضربة :
التوهاندد عنده ضربة المادينج قوتها : 487 % , تأثيرها : Knock back
الداجر عنده ضربة بتنقص 375 % وبال Dagger Disprate بنزود عليها 75 % بتبقي 656.25 % وتأثيرها :
بتجيب Bleed وممكن تجيب أطول Stun شفته في حياتي , لمده 10 ثواني !!!!!!!!!!!!
الكروسبو 320 وبالكروسبو اكستريم 560 % , ملهاش تأثير
ده غير ان الروج لو عامل Poison Weapon بتزود من قوة الضربة بنسبة حوالي من 5 الي 10 %
الكلام ده اذا كنت انت عايز تلغي مميزات البيلد نفسه
طبعا ً التوهاندد عنده ضربة بتاعت لفل 80 بتنقص 600 % بس علي جزأين
لو جينا نقارن مقارنه صح :
التوهاندد ان كانت عنده ضربة قوية فالميزة اللي عنده انه بيضربها وهو في كامل دفاعه الي أقصي درجة والعيب انها بطيئة ً وضرباته عموما بتاخد وقت
لكن الداجر بيبقي أضعف بكتير , لكن ضرباته أسرع يعني مش مهم الضربة هتنقص كام انت ممكن تضرب اللي قدامك ضربتين وهو ميكونش ضربك واحدة
ده غير انك متقدرش تفصل مميزات الداجر نفسها يعني مينفعش تقول من غير كريتيكال , لأن بالنسباله الكريتيكال ده جزء منه وجزء من قوته ومميزاته

... و الكروسبو أضعف من الأتنين لأنه بيضرب من بعيد

وحرام لما تقول الكروسبو ضعيف الكروسبو ضرباته اضعف من الداجر لكن عند حيل ميخليكش تلمسه بيها زي الضربات اللي بتبعدك عنه واللي بتقلبك وضرباته برضو قوية جدا ً وسريعة والكريتيكال بتاعو عالي

و اللعبة عامله توازن بص يا فندى الداجر سيادتك بتقول أقوى عشان الكريتيكل العالى اللى فيه بس لكن من حيث الضربات الاعتيادية التوهاندد احسن ..

اللعبة عاملة توازن فعلا ً بس انت مش قادر تفهمه .
يا فندي ؟ ههههه, انا بكلمك اهو باحترام , وبقبل تريقتك .
يعني ايه من حيث الضربات الاعتيادية التوهاندد أحسن , "أحسن" دي مش كلمة تتقال في مقارنة , مفيش احسن وأوحش لكن فيه اقوي وأضعف , كفاية ان الداجر يقدر يختار الوقت المناسب اللي يضربك فيه وكمان لما بيبقي مختفي ويضربك ضربته بتبقي اقوي

مادام ماجربتش الكليرك يا ريت ما تتكلمش عنه لأنه من الأسلحة اللى ممكن تغير حرب بالكامل ...
وياريت تفهمنى بقى

بصراحة انا مش عارف انت طريقة كلامك كده ليه , بتشتم بس بالذوق , انت عارف اني أكيد مجربه , يا أخي جربته مجرتوش مش المهم اتناقش معاك صح ومجبش كلام أهبل مثلا ً ومش مبني علي دليل ؟
الكليرك بيغير مجال الحرب , ماشي يا سيدي لكن البفات اللي انا بعترف بيها انها حلوة هي البفات الي بتفضل معاك لمدة طويلة وانت ماسك سلاحك الاساسي لأن مش هدفي الوحيد من الشخصية ال PVP ومش هينفع وانا طالع تريد واحد يبقي مختفي ويجي يموتني في ضربتين واقله استني اغير السلاح واعمل Buff لنفسي , الايرن سكين مثلا قوتها في إنها سريعة جدا ً , انا شخصيا حاططها في البكرة بتاعت الماوس عشان وقت الزنقة لاكن اول مايجي هتغير السلاح وتعد تعمل حماية وتعمل Buff مينفعش الكلام ده مع واحد ضرباته مش بتديك فرصة وأخرك معاه ضربتين وكمان البليس سبيل مثلا من السهل تضيعها لأنه بتاخد وقت , جرب خلي حد بيعملها واديله Sprint او اقلبه , هتضيع عليه الحركة , وكذلك في ناس تانية ممكن تضيعهالك , انت شكلك مقضيها PVP بس وبتعملها في ال Safe Zone , انا هقوللك حاجة في التريد والحاجات دي الويزارد والروج فرصتهم كبيرة لأنهم عندهم عنصر المفاجئة أبسط حاجة يا سيدي لو حتي هو ضربته ضعيفة ممكن يفاجئك وهو دايس الزيرك ودي ميزة عندهم ومينفعش تنفضلها أنا مرة في الايفنت كنا احنا اللي كسبانين ومستنينهم أول مابيطلع واحد بنموتو , وحظنا في مرة واحد كروسبو قدر يهرب ويختفي واستني أول ما اتفرقتنا ووبقينا 3 بس اللي في الغرفة بتاعنهم والباقي كان راح ورا واحدفي للقاعدة بتاعتنا احنا , وظهر مرة واحدة وداس الزيرك وموتنا احنا التلاته في 3 ضربات , محدش لحق يفكر , ولا لحق يعمل Buff ولا يحزنون ولا لحقنا نلمسه , مع ان كان معانا صيني STR بردو مات من ضربة , هو بدأ بيا أنا وموتني من ضربة واحدة , من الضربة اللي بتقلب , وقعت ومحدش سمي عليا :D

انامش بقلل من التوهاندد خالص , التوهاندد الكريتيكال بتاعو بيعلي في اللفلات العالية وكمان عندو سكيل اسمه Damage Return بنسبة 20 % بيعكس جزء كبير جدا ً من الضربات الفيزيكال اللي بتيجي فيك , يعني ممكن واحد يضربك ضربة جامدة وتلاقي طلع عليه بالاصفر تقريبا نفس الرقم يعني ضربته اترديتله وكمان معظم ضرباته ليها تأثيرات دفاعية حتي اقوي الضربات اللي زي المادينج وال Dare Devil بيعملو Knock Back بنسبة 50 % يعني بعد ماتضربها هتضيعلو ضربتو وكمان بيعملو Damage Reduce 35 % , وبجد في وجهة نظري هو سلاح مميز لكن ميمنعش انك تتكلم عليه بحياد وتقول ان زي ماليه مميزات ليه بردو عيوب من وجهة نظر بعض الناس

وفي النهاية اختلاف الرأي لا يفسد للود قضية