عذرا يا أستاذ أحمد .. سامحنى على التدخل ..
بص يا عم .. بغض النظر عن كلام أستاذنا الغالى و ده ليه الأولويه طبعا ..
اياك تظلم حد كل ذنبه انه حبك بإخلاص .. يعنى اياك تحب واحده عشان فارقت واحده .. لأن و الله العظيم ربنا مش بيسيب حق حد و هتتردلك .. صدقنى هتتردلك .. ده بوجه عام يعنى ..
أما بالنسبه لصاحبك ده .. فبص هو انا اعرف ان اللى بيتجوز واحده مش مسلمه بياخد ثوابها و ثواب عيالها ..
انا بس عايزك تبقى واخد بالك كويس ان الأوضاع محتقنه جدا جدا هنا فى البلد .. يعنى حاجه زى دى ممكن تلاقيها اتقلبت لفتنه طائفيه و الدنيا مولعه عشان صاحبك بيحب و للأسف ده عيب الحب .. انه مش ميشوف حدود .. بس لازم يحك عقله .. هل هيقدر انه يخلى البنت تسلم و اهلها يوافقوا على ده ؟ و الله لو الموضوع هيتم سلميا يبقى المبدأ معليهوش اعتراض اما لو مش هيقدر .. يبقى ميعملش إلا حاجه واحده .. يدى ضهره للبنت و يطلع يجرى بكل ما أتاه الله من قوة و ميقفش إلا لما نفس اللى جابوه يتقطع ^^ و حكاية الفتن الطائفيه دى بالمناسبه بتبقى أشد خطورة بره القاهره ..
فخلى بالك من صاحبك الله يكرمك و انت متظلمش حد و اياك تفكر متجاوبش على الأستاذ أحمد ..
انا متأكد إن رده ممكن يبقى قاسى بس هتلاقى فيه الصح صدقنى .. سلام
بـــــــــــاهى
13-11-2008, 12:01 PM
المواضيع المتشابهه
.gif){kind=icon}
العرض الشجري