تسجيل الدخول دائمآ
ط·آ§ط¸â€‍ط·آ¥ط·آ¹ط¸â€‍ط·آ§ط¸â€ ط·آ§ط·ع¾

الـجـروب الـخـاص بـالـمـنـتـدي Silkroad4arab Facebook | Official Group 



إضافة رد
 
أدوات الموضوع انواع عرض الموضوع
قديم 01-11-2008, 10:13 AM   #1

simpleblue
عضو فعال



الصورة الرمزية simpleblue


• الانـتـسـاب » Feb 2008
• رقـم العـضـويـة » 14044
• المشـــاركـات » 290
• الـدولـة »
• الـهـوايـة »
• اسـم الـسـيـرفـر »
• الـجـنـس »
• نقـاط التقييم » 10
simpleblue صـاعـد

simpleblue غير متواجد حالياً



افتراضي



قرار جمهوري
الى كل المصريين
تم تغيير تحية العيد
من (عيد مبارك ) الى (يا جمال العيد ) وهذا
يسري على جميع الاعياد الرسمية والدينية




بدوي تزوج بدوية كتب الخيمة بإسمها




فرخة اتجوزت فيل ..جابوا تـشكـِن فيليه





صاحب شركة كادليز دخل فى قضيه خرجوه بكافوله





مرة فار سكران على الاخر شافة قط جعان قعد يجرى وراة فعدت عربية بسرعة
فرمت القط.. والفار اغمى علية ولما فاق وشاف القط مفروم قال (يووة هو انا كل
ما اسكر اعملى مصيبة)




واحد سباك نفسه اتسدت غرقت الشقة




واحد بلديتنا راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر




نذل يبكي في جنازة سألوه تعرفه ؟ قال: لا بس سمعت ان البكاء يعذب الميت




مرة ضابط مصري وضابط اسرائيلي دار بينهم هذا الحوارالاسرائيلي: الا قوللي يا انتم بتاكلوا ايه ع الفطار؟؟
المصري: فول بالزيت.
الاسرائيلي: طب بتاكلوا ايه ع الغدا؟؟؟
المصري: فول بالطماطم.
الاسرائيلي: أمال بتاكلوا ايه بقى ع العشا؟؟
المصري: فول بالبيض.
الاسرائيلي (بتريقة): أمال ايه الفرق بينكم وبين والبهايم؟؟
المصري: سيناء





واحد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع!




تلاتة ركبوا طيارة ...واحد صعيدي و واحد فرنساوي و واحد امريكاني
جت المضيفة :"تشرب ايه يا فندم" رد الامريكاني قالها اشرب مانجة يا مانجا
و رد الافرنساوي اشرب فراولة يا فراولة
و رد الصعيدي اشرب لبن يا داموسة!!!!!!




مرة ممثل كبير جاله دور برد , رفضه !!




مرة مذيعة عملت عملية في ظهرها...شالولها فقرة ..و حطوا برنامج !!




مرة واحد حشاش بيلعب كورة اخد الكورة على صدرة طلعها من منخيرة




ما الفرق بين التليفزيون والغسالة.. ؟؟؟؟؟؟ مفيش فرق الاثنين بيستعملوا إريال ..





ما الفرق بين الزواج والكولونيا؟
الزواج .... قسمة ونصيب
الكولونيا .... قسمة والشبراويشي




ما الفرق بين المرسيدس والتعويرة؟
المرسيدس .... ألماني
والتعويرة ...... آلماني جداً




واحد حانوتي ربنا فتحها عليه و فتح محل فكهاني..كل يوم في المحل يقعد ينادي :
المووووووز علينا حق !!!



اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم



واحد من الشام راح لبنان و دخل علي محل مستحضرات تجميل و سأل البائع
الشامي: بدي ( لبنان بو)
البائع: شو ؟؟؟؟!!
الشامي : بدي لبنان بو
البائع: شو ها اللبنان بو
الشامي : مبتعرف شو اللبنان بو!!!
البائع: لا خيي مبعرف
الشامي : غريبة عندنا بالشام في ( شام بو)!!!!!






مره اثنين بلدياتنا راحوا امريكا لقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق




طلب مدرس من تلميذغني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء!!!!



اية اللى اصغر من الحشرة............ .....التسحة



مرة واحد حاطط راسة فى بلاعة , صاحبه بيقول له بتعمل اية , فرد عليه : بفكر بعمق



مرة واحد بلديات نام بالمقلوب صحى لقى رجلو معمصة



مره واحد بلديتنا اشتغل فى الكويت بعد سنه بعت لاهله فلوس ودسته جاتوه بعد اسبوع اهلوا بعتوله جواب بيقولولوا اهلك يبسلموا عليك نفر نفر وبيقلولك الصابون الى انت باعته بي*** الهدوم



مسطول بيسأل مسطول الساعه كام؟ قاله معرفش، قاله غريبه أنا عندي معرفش إلا خمسه




بيقولك مره واحده حامل ابنها بيقول لها: ايه اللي في بطنك ده يا ماما ؟
قالتله: ده ابني وبحبه قوي
قالها: لما هو ابنك وبتحبيه اكلتيه ليه ؟




واحد كمسري بيقول لابنه تذاااااااكـــــــــــــــــــــــر ............ . تنجح



مرة واحد بلديتنا خرج من محطة مصر لقا بتاع الانابيب بيخبط
قلوة افتحلى وحدة بس تكون سقعة



واحد بيقول لخطيبته لما ازمرلك انزلى قالتله هو انت اشتريت عربيه قاللها لأ اشتريت زماره



واحد بلدياتنا اتعزم فى حفلة تنكرية قام غسل وشه



ومرة مدرس بيسأل تلميذ
المدرس: الثعلب يا حبيبى بيبض ولا بيولد
التلميذ: أصل التعلب ده يا استاذ مكار وممكن يعمل أي حاجة





مره اتنيين مساطيل مااشيين على شريط القطر فواحد بيقول للتاني
يآخي السلم ده طويل بشكل....
رد التاني عليه
الي مضايقني ان الدربزيين واطي أوي....






واحد بلدينا قال لابوه انا عاوز موبايل ابوه قاله موافق بس بشرط تركب اخواتك معاك


مرةواحد بلديتنا راح محل جتوه قال للراجل عنداك جتوة قاله ايوه قاله طب اديني قفصين

واحد بتاع موبيلات نظره ضعف فراح لدكتور العيون ...كشف عليه وقاله :نظرك ضعف بقى ستة ستمية





مره واحد بيقول لمراته اعملى حسابك هنتغدى بره جه من الشغل لقاها حطه الاكل فى الشارع

رئيس عربى فى مرض الموت قاله السكرتير الشعب جاى يودعك يا ريس
قال الرئيس ليه هو الشعب مسافر ولا إيه



حشاش بيقول لصاحبه:

انا حلمت امبارح أننا بقينا فنانين

.. أنت فنان تشكيلي ..... وأنا فنان أشكيلك


توقيع simpleblue :


التعديل الأخير تم بواسطة oOoMANDoOo ; 17-06-2009 الساعة 01:18 AM

رد مع اقتباس
إعلانات google

قديم 01-11-2008, 10:17 AM   #2

simpleblue
عضو فعال



الصورة الرمزية simpleblue


• الانـتـسـاب » Feb 2008
• رقـم العـضـويـة » 14044
• المشـــاركـات » 290
• الـدولـة »
• الـهـوايـة »
• اسـم الـسـيـرفـر »
• الـجـنـس »
• نقـاط التقييم » 10
simpleblue صـاعـد

simpleblue غير متواجد حالياً



افتراضي



>
مرة واحدعندة كتكوت كل ما يحطة فى قفص الفراخ ياكلهم فى قفص القرود ياكلهم فى قفص القطط ياكلهم راح رامية فى الصحرا صعب علية الكتكوت وراح يشوفة بعد 3 ايام لقى الكتكوت مرمى فى الارض والنسور بتحوم حوالية فقالة يا حبيبى انت مت؟
قالة يخرب بيتك بوظت الكمين


بلدينا راح يبيع حماره فى السوق رجع الحمار لوحده و فى بقه 10 جنيه


مرة صرصار دخل المستشفى بيسال الصرصار اللى جنبة بيرسول؟
قالة لا زنوبة


مرهواحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟

قاله طبعا.. بس هي فين اللوحة؟


ثعبان قابل واحد مكوجى فى الطريق الاثنين بخوا فى بعض


واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له يا سكران راح قايل لها طب انا سكران حفوق بكرة .. وانتي


جماعة مساطيل بيتفرجوا على الاخبار .... فنشرة الاخبار طولت الاولانى قال للتانى :هى لية نشرة الاخبار طولت النهارد كدة؟ فراح التانى رد علية وقال معلش اصل شكلها كدة النهاردة اخر حلقة





مذيعة عملت لقاء مع أبو العربي ، سالت ممكن تحكي لنا عن حروبك ، قال لها وماله انا دخلت حرب 48 و56و67 و73 سالته كنت بتعمل ايه لو دخل عليك 10عساكر؟ قالها هفرغ فيهم خزنتين 10مللي قالت له طيب لو دخل عليك 10دبابات و20عسكري ومدرعة؟ قالها هنسفهم قالت له كويس جدا طيب لو كان دخل عليك 20عسكري و5 دبابات وطيارتين؟ قالها هو فيه ايه ؟مفيش حد كان بيحارب غيري ولا ايه؟


واحد ومراته وعياله التلاته كانوا ركبين القطر وبعدين طلع عليهم حرامي فقال للراجل "طلع الفلوس الي معاك" فقلهم مش معايا فلوس وضحك وبعدين الحرامي قلوا"حتطلع الفلوس ولا نرمي عيالك من القطر" قالهم مش مطلع قام الحرامي رامي عيالوا وقال "حتطلع الفلوس ولا نرمي مراتك" قالهم مش مطلع وقعد يضحك قام الحرامي رامي مراتوا من القطر وقالوا "يا راجل رمينا عيالك ومراتك وبرضوا بتضحك قام قالهم"""" منا عارف انتوا الكاميرا الخفيه""


مرة واحد كهربائي ابوه مات دفنه ف الحيطة


واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق


واحد بيسال صاحبه هو ايه الفرق بين تجارة الحشيش وتجارة عين شمس ؟
قام صاحبه قال تجارة عين شمس 4 سنين انما تجارة الحشيش اقلها 25 سنة.


الابن : هل تعلم يا أبي أنني الوحيد الذي أجاب على سؤال المعلم اليوم !
الاب : وما هو السؤال ؟
الابن : من الذي لم يكتب الواجب



مرة شحات بيقول لله رد علية واحد قالة ربنا يسهلك
قاله وان ماسهلهاش ارجعلك


واحد مجنون بلاى ستيشن ابوه مات كتب على قبره : جيم اوفر


مرة واحد صعيدى اول مرة ينزل القاهرة عشان يزور ام هاشم واوليا الله الصالحين بص شاف اتوبيس مكتوب عليه العتبه ام هاشم راح يحط ايده على الاتوبيس ويقول بركاتك يا ام هاشم نزل السواق يضربه على قفاه والصعيدى يقول براحه يا هاشم براحه يا هاشم


مرة اربعة راكبين قطر-- امريكى وافغانى وبنت و ست عجوزة دخل القطر فى ممر ضلمة فسمعوا صوت بوسة و بعدين صوت ضربة فلما خرج القطر من الممر فى النور لقوا الامريكى بيحسس على خدة ووشة احمر فالست العجوزة قالت فى نفسها يااة دية بنت مؤدبة اوى الامريكى باسها و ضربتة على خدة وقالت البنت فى نفسها ياااة دة امريكى غبى يبوس الست العجوزة ويسبنى انا وقال الامريكى فى نفسة يااة دة افغانى محظوظ يبوس البنت وانا اللى اتضرب وقال الافغانى فى نفسة انا فعلا ذكى بوست ايدى و ضربت الامريكى على خدة


مرة واحد عجلاتى قعد على قهوة طلب كاوتشينو


لية الفراعنة بنو الاهرامات فى وقت كتير؟
علشان كل ما يرصو حجرين البوليس يقبض عليهم


واحد حانوتي فتح محل فاكهة قام كتب يافطة المـوز علينا حـق


مره واحد عداه العيب اخد الي بعده


مرة واحد طلع على المعاش ماعرفش ينزل


مره واحد خان الخليلى قام الخليلى قتله.



صرصار ندل عزم 4 اصحابه علي الغدا ولما اتجمعوا كلهم ... شد عليهم السيفوووووون


واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين "


عرض سارى ..... لوكاندة المفاجات ... تنام على السرير ب 10 جنيه .. تنام على البلاط ب 3 جنيه ..... تنام عليك حيطة .. على حساب الاوتيل




ولد مغلّب مدرس الجغرافيا معاه ليه؟؟؟؟؟؟؟ عاوز يعرف خط الاستواء ده كليك ولا موبينيل


توقيع simpleblue :


التعديل الأخير تم بواسطة oOoMANDoOo ; 17-06-2009 الساعة 01:19 AM

رد مع اقتباس
إضافة رد


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
`·.¸¸.·¯`··._.· ( مقهي سيرفـر PhoeNiX للتسلية والفرفشة ) `·.¸¸.·¯`··._.· !!DonTAsk!! Bellona 34 28-01-2012 03:07 AM
`·.¸¸.·¯`··._.· ( مقهي سيرفـرMalazgirt للتسلية والفرفشة ) `·.¸¸.·¯`··._.· ScAry_MAN Ceres 0 12-05-2011 05:38 PM
`·.¸¸.·¯`··._.· ( مقهي ρєяѕια للتسلية والفرفشة ) `·.¸¸.·¯`··._.· ™KeroMan™ Bellona 19 28-12-2010 12:33 PM
`·.¸¸.·¯`··._.· ( مقهي سيرفـر Mercury للتسلية والفرفشة ) `·.¸¸.·¯`··._.· Mysterious Feronia 42 18-11-2010 04:27 AM


الساعة الآن 09:27 AM.