مناقشة حول التعليم الخاص

[Ryback]

عايز اشوف اراء الناس بخصوص التعليم الخاص , مثلا طالب يجيب مجموع قليل بس مستواه المعيشى كويس و بدل انه يخش كليه من الكليات العادية هيبقى فى كليه من كليات القمم و يتساوى مع طالب الى سهر و تعب بمجهوده اتساوى معاه بشوية فلوس .
فى الناحية التانيه طالب عنده نفس الطموح بس مجبش مجموع الكليه و نفسه يخش خاص بس للاسف معهوش فلوس اظن فكرتى وصلت للناس . هل انت مع ام ضد التعليم الخاص و ليه؟ اكيد فى ناس من الى هترد داخلة تعليم خاص ياريت الحيادية فى الجواب و لما تجاوب حط نفسك مكان الطالب الفقير و مكان الطالب الغنى .

[Ryback]

مش فاهم انا الناس خايف ترد ولا مكسوفة ترد ولا مفيش حد اساسا فى المنتدى ولا ايه ده موضوع للمناقشة يا رجالة يعنى يقبل الخلاف عادى سوا مع او ضد

[ST0P_IM_T0P]

الصراحة انا محتار اكون مؤيد او معارض

بس انا اميل اكتر انى اكون معارض

لان مينفعش لان معاك فلوس تتساوى باللى ذاكر من اول السنة
وتعب بجد

[lokysayed]

بص يا بشمهندس التعليم الخاص بالذات في مصر يعتبر احسن من التعليم الحكومي خصوصا هندسة
دي نقطة تاني نقطة عايز أقول لحضرتك انها معدتش بتتقاس بالمنظور اللي حضرتك بتقول عليه
بمعنى ان مش معنى انه تعليم خاص أنه واقع قوي فالتعليم أو بيشتري شهادة بفلوسه
عندك انا مثلا جايب 92.5% السنة اللي فاتت و الهندسة الحكومية كانت واخدة 94.2 يعني تقريبا فرق 1.7%
هل دا معناه أني فاشل مثلا و مستهلش أدخل هندسة ؟؟
حضرتك التعليم الخاص بقى بيحط تنسيق عشان عايز يوصل لمرحلة التعليم الحكومي و يتفوق عليه
على فكرة المكان اللي انا فيه اقل شخص داخله جايب فثانوية عامة 91.8% يعني اكيد دا واحد تعب بس النصيب بقى :D
نهاية القول التعليم في مصر واحد حكومي زي خاص بالظبط
و اللي مميز طبعا خريج Guc او AUC غير كدا كله واحد
و غير كدا انت بتروح تعمل interview يعني لو انت كفتة هتتقفش و مش هتشتغل :D
هو بيشوف اللي قدامه يعرف يمشي الشغل ولا لاء ملوش دعوة بخاص ولا عام طالما درس أساسيات المجال
واسف على الاطالة :D :D

[ST0P_IM_T0P]

انا عن نفسى انتقادى للماديات وليس لاسلوب التعليم
ازاى ؟!
يعنى واحد جاب 92.5% ووقفت معاة فى هندسة على 1% ( انا عارف ان دة شخص اجتهد وذاكر ومتميز كمان ) بس قدر يدخلها خاص

اكيد فية غيرك جاب نفس المجموع وعلشان الماديات مقدرش يدخلها

دة نقدى .. وليس نقد لاسلوب التعليم نفسة

[!- Prince -!]

اصل فى ناس بتحسبها ب ازاى يعنى مثلا احيب 92.5 ومدخلش هندسة ف لازم يدخل خــاص حرام مجهودة يروح

[CHI-VA]

ممتـــــــاز !!