مجرد قصة

[Wally]

بسم الله الرحمن الرحيم


اولا انا هبداء و هقول على اللى حصلى النهردة بـ 3 كلمات

- البلد دى و**ة

- الشعب بالحكومة زبالة

- مفيش قوانين


. . . . . . . . .


قاعد يا عم الحج بذاكر كل يوم على امل انى ادخل الكلية اللى عايزها و امتحانى كان النهردة مدته 4 ساعات , صاحى من 6 الصبح علشان الامتحان الساعة 9 .. الامتحان كان فى مدرسة فى طريق مصر الاسماعلية ( طريق سريع ), و طبعا ابويا وصلنى بدل ما اخد مواصلة فى الطريق اللى كله نص نقل و قرف.

المهم قربت من المدرسة مفيش بينى و بينها 500 متر و لا حاجة .. لقيت العربية بتطير و رذعت على طوبة بوظت الدنيا من تحت على الاخر y.png" border="0" alt="" title="Who Let Rip Smiley" class="inlineimg" />

المهم نزلت انا و ابويا من العربية لقينا العربية شبه من ورا مش موجود يعنى كله اتشال من ورا و الاتوبيس اللى ورانا صاحبه رشق فى الازاز و كسره و طبعا وشه كله دم .. اتضح فى الاخر ان كان فى اتوبيسين بيعملوا سباق ( اصل كان طريق امهم .. -.- ) و طبعا ده رشق فى ده و كله رشق فى بعضه.. و فى الاخر ترله نص نقل محملة اسمنت كانت هتقع على العربية و كنا ممكن نموت فيها بس الحمد الله عرف يتحكم فيها و طلع برا الطريق و الاسعاف جه و الطريق وقف على الاخر و الشرطة جت و طبعا زى كل مرة ( القضية بتقعد فى المحاكم 5 سنين او اكتر ) و مش هتستفيد حاجة و الكلام الفكسان ده

المهم العربية ضاعت من تحت و من ورا و الكاوتش اتنفخ و العربية علشان تتفتح و نجيب منها كاوتش احتياطى اخدت مدة علشان طبعا الكاوتش فى شنطة العربية و العربية مش موجودة الحتة دى اصلا تعتبر طارت .. و طبعا انا اسف فى الكلمة اتفشخت علشان انا اللى كنت قاعد ورا و صاحبى قدام .. فــا الضربة انا اللى اخدتها كلها

و انا نازل من 6 الصبح علشان الامتحان الحقه و فى الوقت الزفت ده بيبقى معظمهم مبرشمين و حصل اللى حصل ..


انا مش عامل الموضوع علشان الناس تقولى جت فى العربية و كويس ان مفيش حد اتصاب


السوؤال هنا و ليه كل ده ؟ ليه ميبقاش فى نظام و تمهيد طرق و قوانين و مفيش تجاوز سرعة الخ .. !? فى واحد صاحبى اجنبى قلتله الحوار ده و قالى انت عايش فين يابنى الاسلوب ده مش حمير و لا بهايم

دى ناس متخلفة و بلد زفت عمرها ما هتتعدل .. الموضوع مفتوح للمناقشة اى شخص يقدر يتكلم

[SmartMad]

اهم حاجه رُحت الامتحان؟
:dots:

[m_mm622]

يا ابنى الحمد للة الاول ان محدش حصلة حاجه
وايه النظام بخصوص الامتحان ؟؟
بخصوص البلد فالفوضى بقت شئ عادى وبقت عاده
عادى انى اكسر اشاره
عادى انى ازود فى السرعه
عادى انى احب اوصل قبل غيرى
عادى انى امشى ورا عربية الاسعاف علشان اوصل اسرع ( ما هيا هتفضى السكه وكله بيوسعلها )
عادى انى اركن فى اى حته وباى شكل !!
عادى انى محبش اقف فى الصف ( لو بعمل حاجه او بخلص ورق )
وحصل معايا اكتر من موقف ولما اقول يا جماعه النظام الرد الى بسمعه .. يا عم هوا انت الى هتنظمها !!
طب يا عم مش انا الى هنظمها بس ابتدى بنفسك .. يا راجل هيا كده كده بايظه جت عليا !! .. وهكذا


كلة باصص لنفسة
علشان كده بقولك ان الفوضى بقت عاده ولا يغير الله ما بقوم حتى يغيروا ما بانفسهم

[°•.♥ Taxilion ♥.•°]

كل مصرى معرض لكدة

[™_King_Redsea_™]

ده العادي من بنك مصر يا يوسف هيا البلد كده وعمرها ما هتتعدل :(

[BoGo]

هى ديه ام الدنيا

[™~BeSo~™]

هيه ديه بلدك

[™xXDarkNessXx™]

يا والي انا عايش في الامارات من 15 سنة تأريبن من اول ما اتولدت
و بنزل مصر كل سنة في الاجازة .... بس من السنة اللي فاتت و انا كاره النزول ليها
مفيش نظام مفيش امن مفيش اي حاجة حلوة من الاخر ..... والله العظيم يا رجالة
اللي انتو شايفينو في مصر دة مسموش شارع اصلا تعالة شوف هنا في الامارات
شوارع و نظام من افضل ما يكون و جميع الخدمات متوفرة حتى لو فين !!!

انا لسة حاطط موضوع هنا في القسم تغطية لحفلات على البحر في ابوظبي
و الحفلات دي كلها ببلاش يعني اللي يدخل يدخل و مش جاين فيها ناس عادين
دول كلهم من اكبر الفنانين زي تامر حسني و غيره بس قابلني لو شفت واحد
بيتحرش ببنت واحد بيستظرف واحد حاول بس انو يسرق و متنساش ببلاش
بس طبعا في امن و طقم شرطة كامل ... بلد تستحق تعيش فيها !!!!

بس فالاخر بقول دي بلدي و مصيري هرجعلها شأت ام ابيت y.gif" border="0" alt="" title="Guiltyy" class="inlineimg" />

[Little.Tornado]

اول كلمتين هما دوال اهم كلمتين وهما دول الصح الصح الشعب والحكومة والاحد نفسو يسافر ويستريح حتى لو متغرب بس عايش فى امان ومفيش ظابط هيجى يصيع علية او بلطجى يضربك ويهرب من غير متاخد حقق

[winnie]

انة القدر

[PUFFY]

مفيش مستقبل في البلد ديه
بلد اعوذ بالله

[! FiRe !]

يا ابنى مرحبا بك فى كوكب مصر

[iZexo]

أنا عربية أبويا عملت حادثه من بتاع شهر و نص بردو الكبوت دخل لحد التبلوه و الشنطه دخلت لحد الكنبه الورا و ممشيتش تاني و شالوها بي ونش و حوار . . طرق مصر زباله -.-

[HiGhVoLTaGe]

هـو دهـ الـعـادى مـنـ بـنـكـ مـصـر :glare:

[°•.♥ Taxilion ♥.•°]

المشاركة الأصلية كتبت بواسطة zexo عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

أنا عربية أبويا عملت حادثه من بتاع شهر و نص بردو الكبوت دخل لحد التبلوه و الشنطه دخلت لحد الكنبه الورا و ممشيتش تاني و شالوها بي ونش و حوار . . طرق مصر زباله -.-

يلاهوى دى تلاقيها بقت علبة سردين
معلش ربنا يعوض عليكم بواحدة احسن منها و ياخد السواقين الحشاشين