Silkroad في رمضان

[™Alhawi]

بسم الله الرحمن الرحيم

أولاً أحب أمسي على مشرفي المنتدى الكرام والأعضاء والزوار


زي ما كلنا عارفين إنو رمضان شهر الصيام جه وطبعاً الكل عايز يحافظ على صيامه في نهار رمضان ,, وكتير من الناس قالت حتلعب اللعبة في رمضان ,, مفيش مشكلة بس لو كنت عايز تحافظ على صيامك من دون ما يتأثر فلازم تنفذ الشرطين دي (بس للي هيلعب سيلك رود):
1- انت صائم متشوفش صور مخلة بالآداب .
2- انت صائم متقراش او تكتب كلام بذيء حتى لو على سبيل الهزار .

ومع الأسف غصب عنك حتشوف صور ملهاش داعي ومن بداية تشغيل اللعبة قبل ما تضهرلك Start او عند الدخــول على اللعبة ( شاشة التحميل ) ,, غير الشخصيات الـFemale اللي جوه اللعبة ,, واحتمال إنك تسمع كلام ملوش داعي لو كنت عند ناس بيلعبوا pvp او كنت في Party او صاحبك ييهزر معاك بكلام ممكن يأثر على صيامك ,, ولو اتغظت من حد (سب أو شتم)ـك وانت متعرفش تمسك نفسك علشان متغلطش عليه ,, احتمال انت هتغلط عليه وتفسد صيامك نفسك بنفسك لو ممسكتش نفسك ,, دي بعض الأسباب اللي ممكن تفسد صيامك في نهار رمضان ..

طيب حتقول إزاي ألعب سيلكرود؟؟؟ عندك طريقتين :
1- يا اما إنك تلعبها بعد الفطار لحد أي وقت بس ميتعداش الفجر ..
2- إنك تلعبها بعد الفطار أو اي وقت بعد الفطار وتشغل البوت قبل الفجر لو كنت عايز ,, وتبعد عن جهازك بدون ما تروح تشيك عليها ( ولو أخدت DC مفيش مشكلة استنى بعدما تفطر روح أدخل وهكذا ... ) ..


كده تمام ,, طيب حتقضي يومك إزاي؟؟؟؟

ده جدول أحد الأعضاء جزاه الله خير:

اولا : تصلى الخمس فروض فى وقتهم
ثانيا :الفترة الى بين صلاه الظهر و العصر تقرا القران فيها .
ثالثا : الفترة الى من بعد صلاه العصر تخليها للعب الكرة قبل الفطار عشان ده مفيد جدا خصوصا لو فى رمضان وفى الحر .
رابعا :الفترة الى من بعد اذان المغرب لحد العشاء الجلوس امام التلفاز ومع الاسرة عشان صلة الرحم .
خامسا : الفترة الى من بعد صلاه الترويح جرءاخر من القران .
سادسا : هتبقى الساعة 11 تقريبا ممكن تقضى سيلك رود لحد السحور .
وبكدة تكون وفقت بين الصلاه والصوم وقراءه القران و الترفية

لو تمشي على نفس النسق حيكون صيامك صحيح بإذن الله ..


في النهاية أحب أقول دي مجرد نصيحة للي عايزين يلعبوا Silkroad في نهار رمضان اعمل بيها ووفقك الله ,, متعملش بيها فيبقى تأكد إن الصيام مهمكش ولا على بالك ..


وكل عام وأنتم بألف خير
رمضان مبارك علينا وعليكم ..