سؤال غريب جدا

[zombiezoom]

يا جماعة أنا قريت موضوع لسه نازل قريب علي Rev6 forums ، خلاصة القول ال بيعمل كده أتراك و عندهم موقع بيبيعوا عليه الاكونتات و الناس في الموضوع استنتجت ان الطريقة الوحيدة هي مشكلة من عند Joymax و هي Database leak يعني حصل تسرب أو ثغرة في الداتا بتاعت سرفرات اللعبة و دي واقعة حصلت فعلا قبل كده.

دلوقتي الطريقة الوحيدة ال تضمن بيها انك تحمي اكونتك حتي لو في ايه ، انك تشترك في خدمة MOTP لو انت عندك Android أو iPhone

و الخدمة دي للـ مش عارف ، مش هتخليك تخش علي اكونتك لو عملت ايه ، الا لما تجيب الرقم السري ال هيظهر في البرنامج ال هتنزله علي موبايلك و كل ما تيجي تخش بيبقي فيه رقم جديد بيتولد من البرنامج :D

طبعا هتلاقوا شرح الخدمة بالتفصيل في الموقع هنا اكيد ، دوروا عليه

بالنسبة بقي للـ معندهمش Android أو iPhone ، يبقي يا معلم لازم تغير الباس و تخليها أرقام و حروف و Special characters
هتقولي هي ايه السبيشيال كاراكترز دي ، دي يا سيدي زي الأندرسكور _ أو % أو $ و غيره
و بكده حتي لو حاولوا يهاكوا الاكونت من خلال الثغرة و وصلوا للهاش Hash بتاع الباسوورد ، هيبقي صعب جدا جدا عليهم يفكوه عشان السبيشيال كاراكترز.

أتمني أن اكون جيت بفايدة :)