امَّه باله مفيهاش رجاله

[WELFA]

اخيرا الواحد رجع من شرم الحمد لله
بس سؤال بسيط كده هي الناس اللي هناك هما هما الناس اللي هنا

احساسك ايه لما تلاقي هنا ابوك بيبهدل أختك عشان لفه الطرحة غلط ولا مثلا لابسه حاجة محزءة شوية
و يطلع ترابنتين اهلك عشان مسقط البنطلون ولابس حظاظة و بقولك يا شاب &@#

و الجميل بقا تروح هنا تلاقي أب مسلم عربي بيهزء بنته عشان لابسه محتشم
( هو اه مش محتشم اوي )
بس اهو احسن من مفيش .. و تلاقي الأب بيبوس ابنه و بيقوله راجل عشان راح كلم واحدة و ظبطها

هناك الاجانب لا دين لهم .. تمام و كله عارف كده
بس لما واحدة من روسيا تنزل معايا البحر و تقولي ماتيجي عدم الا مؤاخذة نعمل واحد في الحلال
و انت تفكر اعمل ولا ,, لا دي اجنبية ده عادي دي مش حتبقا فضيحة
و يجيلك تفكير تاني طب ازاي هي قالت كده و هي عارفه ان الشرق الحاجات دي غلط فيه !!

احساسك ايه لما راجل لسا متجوز و شايل مراته في المياه و عمال يقولها بحبك و بعبدك و بعشق و هي قفله عنيها مستمعه و هو عينه على واحدة أجنبية !!

حنروح بعيد ليه سيبك من شرم .. مارينا و الاجر على الله !!!
حقيقي ضاعت النخوة من قلوبنا

احساس وحش أوي لما تعرف ان احنا في يوم من الايام فتحنا الاندلس و حررنا القدس و كنا أكبر ولاية في العالم ..

و دلوقتي مش عارفين نتفق على رأي واحد ولا حتى نسدد ديونا للبلاد التانية و مكانة العرب بقت في الأرض

صدق سيدنا محمد عليه أفضل الصلاة و سلام لما قال : " يوشك أن تداعى عليكم الأمم، كما تداعى الأكلة إلى قصعتها .. فقال قائل: أو من قلة نحن يومئذ يا رسول الله؟ .. قال: بل أنتم يومئذ كثير، ولكنكم غثاء كغثاء السيل، ولينزعن الله من صدور عدوكم المهابة منكم، وليقذفن الله في قلوبكم الوهن .. فقال قائل: يا رسول الله وما الوهن؟ .. قال: حب الدنيا وكراهية الموت "