べ مابين الكاتب والشخصيه べ

[a7lashabab]

احـــــــــم احـــــــــم

a7Lashabab
عــاد من جديد xD

السلام عليكم

ازيكوا يا شباب ؟

احب اعرفكوا بنفسى قبل ما نبدأ نتكلم ف اى حاجه

اسمى : الاستاذ هيثم برعى السيد.......
استوب استوب اظاهر اننا انهارده حنوقف المحاضره كتير
لوسمحت يا افندى ياللى قاعد هناك انتا .... قوم اقف

الطالب : انا يا استاذ ؟!
الاستاذ : ايوه انتا ...... قوم
الطالب: نعم ؟؟
الاستاذ : انا دلوقتى بقول اسمى ايه ضحك سعادتك ؟ !
الطالب: ابدا يااستاذ انا اصلى افتكرت نكته مش اكتر
الاستاذ:امممممممممم .. طب اتفضل اقعد لو سمحتم عايزين نتعامل مع بعض بأحترام عشان السنه دى تعدى عليكم بخير .

< وفعلا ابتدى الاستاذ محضرته وعاش فيها
تعالوا اعرفكوا عليه عبال ما يخلص محاضرته >

الاسم : هيثم برعى سيد.
السن : 30 سنه
العمل : معيد ف جامعه القاهرة
الشهادات الحاصل عليها : دكتوراه ف القانون الدولى م جامعه شيكاغو ,
ليسانس حقوق م جامعه القاهره .

< ايه ده ايه ده ...... سامعين ده الاستاذ خلّص تعالوا نرجعله بسرعه >

هيثم : فهمتوا المحاضره يا محترمين ؟!
طالب م الطلبه : الحمد لله يا استاذ وبارك الله فيما رزق
هيثم : بارك الله فيما رزق
احنا واقفين ف سوق العتبه هنا
بقولكوا ايه متفتكروش عشان انا كنت عايش ف امريكا انى محترم ولا حاجه
انا ابويا عربجى حنطور اساسا

<هيثم لقاهم بيضحكوا قلهم اوعوا تصدقوا ده كان سباك قد الدنيا >

طالبه من الطالبات : والنعمه انتا دكتور عسل

هيثم : لو عايزه ايه كميه عسل انا ف الخدمه

< طبعا المحاضره كلها قلبت ضحك والطلبه مش كانوا مصدقين الدكتور شخصيته مرحه ومضحكه مش زى ماكانوا فكرينه >

<خلص المحاضره واتوجه الدكتور الى مكان الاستراحه بتاعته وكان مكان جميل جدا وهادى بس اللى حصل فيه لا جميل ولا هادى بالمره >

<هيثم كان قاعد بيشرب كوبايه الشاى بتاعته
واذ بصوت خفى مش عارف مصدره بيكلمه !! >

الصوت الخفى : ولكن استاذنا لم يدرك ان حياته لن تكتمل
هيثم : ايـــــــه ؟!
ف حد هنا ؟!
الصوت الخفى : انا هنــــــا .... ايه مش سامعنى

هيثم : انتا مين يا عم

الصوت الخفى : متخفش متخفش ..واساسا مينفعش تخاف لانى مش كاتبك كده .

هيثم : كاتبنى ايه وبتاع ايه ...... مش فاهم وربنا
وضح كلامك .

الصوت الخفى : اهدى بس متتعصبش
الاول اعرفك بنفسى انا الاستاذ الكاتب
*وليد رشـــاد*
كاتب القصه اللى انتا عايش فيها ناو

هيثم : كاتب ....... قصه .......... ايه ايه ايه
ده لو حلم يبقى ايه ايـــــــــــــــــــــــــــــــــــه .

الكاتب : لا لا مش بتحلم انتا ف حقيقه خيالية
يعنى انتا عايش ناو ف قصتى اللى انا مؤلفها

< طبعا هيثم مش مصدق اللى بيسمعه وعمال يشد ف شعره
لدرجه انه م شده الزهول ساب الاوضه وطلع يجرى >

< وهو بيجرى م بعيد شاف حاجه بتترسم قدامه >

الكاتب : دى حبيبتك .

< طبعا هو كان بيجرى واول ما اترسمت قدامه غصب عنه خبط فيها
وكان معاها كتب وحاجات وقعت منها >

هيثم : انا آسف بجد ..... ث ث ثوانى المهملك

ياسمين ^ وهى بتبسم ابتسامه رقيقه ^ : ولا يهمك ولا يهمك ........ انا حلمهم

< وهما الاتنين بيلموا الكتب الاتنين مسكوا ايد بعض م غير قصد
اخينا هيثم وشه احمر وبقى عامل زى برطمان الصلصه >

هيثم : سورى ......

< ياسمين اخدت كتبها ومشيت ونفس الابتسامه مرسومه ع وشها >

الكـــاتــب : ايه رأيك يا هيثومى ..... مش بزمتك انا منقيلك بطله مزه

<طبعا هيثم كان طاير م الفرحه ومنسجم مع الحاجه اللى حصلت دى وعمال يحلم
انه وهى ف ارض خضرا وطايرين و .......... الافلام العربى دى
بس لما سمع الكاتب ده فاق م اللى كان فيه >

هيثم : ايه ياعم انتا ورايا ورايا ....... خنقتنى

الكاتب : يابنى افهم ..... انتا مهما تروح حتسمع صوتى
مفيــــش مفـــــر منى يا اهبـــــــل ....... انا الكاتب بتاعك
افـــــــــــهـــــــــــم بقـــــــــــــى

هيثم : مش عارف ...... مش حاسس ......... مش فاهم
< وطلع يجرى تانى بس المره دى ع العربيه بتاعته
ركبها وطلع ع الرابع >

<وقابل انسان جميل اوى وهو والده الاستاذ برعى تعالوا
اعرفكوا عليه وبعد كده نرجع تانى >

الاسم: برعى سعيد

السن : 90 سنه

العمل : لواء سابق

الحاله الاجتماعيه : ارمل ^مراته مفرقاه م زمـــــــــان ^

هيثم ^ وهو بينهج ^ : از از ازيك يا بابا ؟

برعى : اهلا يابنى ........ انا كويس
انتا عامل ايه ومال وشك مخطوف كده

هيثم : انــــا .................

< ولا حظ هيثم انه كل ما يجى يتكلم بحاجه عن الكاتب
مش يطلع الكلام ده م بقه ومحدش بيسمعه وهو بيقولها
حتى استاذ برعى استعجب م انه بيتكلم كلمه واحده ومش بيكمل >

برعى : انتا ايه ماتكمل ؟!

هيثم: يا بابا افهمنى انا بســـمــ.......

برعى: بتسمع ايه ........ اوف خنقتنى
وانا مش طايق نفسى اساسا
بقولك ايه انا رايح اجيب أكل ........ســــــــلام

هيثم: يا بابا لااااااا استنى اسمعنى

< الحج برعى طبعا اتخنق منه وشوحله بأيده وقاله بلا بابا بلا نيله
وسابه ومشى >

هيثم ^ بيكلم الكاتب ^ : انتـــــــــا مين وعايز منى ايه
رد عليـــــــــــــــا ...........

الكاتب : وطى صوتك وانتا بتكلمنى
احترمنى يا دوج ده انا الكاتب بتاعك

هيثـــم ^ وهو متنرفز^ : متفورش اعصابى قولى انتا مين م سكات

الكاتب : اوووووف انا كان عندى حق لما خليت ابوك يسيبك ويمشى لان
انتا بجد خنيق ........ وقولتلك انا الزفت الكاتب بتاعك افهم بقى
هيثم ^ وهو بيعيط م كتر الخنقه ^ : مش عارف اعمل ايه ومش فاهم اى حاجه خالص
........... انتا اكيد حد وعامل فيا مقلب

< هيثم قعد يعيط جامد .... لدرجه انه نام ف الشارع وهو عمال يعيط
الكاتب احتار يعمل ايه ......... قال مفيش غير ياسمين هى اللى تنقذه م الحالة دى >

ياسمين ^ بصوت رقيق ^ : يا استاذ ...... اصحى .......مالك ف ايه ؟!

هيثم ^بيمسح دموعه وبيحاول يدارى وشه عشان مش تشوف دموعه^ : انا .....انا لا مفيش حاجه
.......... هو انا شوفت حضرتك فين قبل كده ؟!

ياسمين ^ وشها احمر م الاحراج ^ : انا اللى حضرتك خبطها الصبح .

هيثم ^ بردوه وشه احمر م الاحراج^ : آه افتكرت بجد انا آسف جدا ......
انا كان نفسى اعتزرلك الصبح بس حضرتك مشيتى بسرعه وسبتينى .

ياسمين : لا لا ولا يهمك

هيثم : بس حضرتك بتعملى ايه هنا ؟ّ!

ياسمين ^ اتصدمت م السؤال^ : امممممممممممم ........... تصدق .... مش عارفه

هيثم ^ وهو مستعجب ^ : ممكن اعرف اسمك ؟

ياسمين:انا ياسمين ......... وحضرتك ؟

هيثم : وانا هيثم .......... مش عارف ليه انا فرحان انى واقف معاكى

ياسمين ^ وشها تانى بقى صلصه طماطم ^ : وانا كمان فرحانه

هيثم : ايه رأيك نشرب حاجه ونتمشى شويه ؟

ياسمين : يلا بينا

< وفعلا اتمشوا وبيشربوا وبيهيصوا وكان الاتنين فلاحانين جدا
عشان ماشيين مع بعض ومش كانوا عايزين يسيبوا بعض ولكن الوقت اتأخر>

ياسمين ^ وهى بتبص ف ساعتها ^ : ياااااه ده الوقت اتأخر اوى ..... معلش انا لازم امشى

هيثم ^ وهو زعلان عشان حتسيبه وتمشى ^ : طب انا مش حشوفك تانى ؟

ياسمين : إن شاء الله .... اللى ربنا عايزه حيكون

<ووقع منها خاتم دهب فوطى هيثم عشان يجيبه وطلع ملقاش ياسمين
راح اخد الخاتم وراح بيته وقال اكيد حشوفها تانى واكيد حتجيلى >

< روح هيثم وغير هدومه وهو ف حاله من السعاده مش عارف اوصفهالكوا
وكان عمال يسترجع ف ذاكرته كلام ياسمين وشكلها الجميل وضحكتها وكسوفها
وكل حاجه كل حاجه ...... لغيط ما جه اللى بيعكنن عليه ديما >

الكاتب : سيدى ياسيدى على الناس الرايقه

هيثم ^ والدم فاير ف دماغه ^ : انتا تانى

الكاتب : انتا المفروض تشكرنى عشان البطله المزه اللى بعتهالك ديه

هيثم ^ وهو ماسك اعصابه ^ : ابوس ايدك سيبنى ف حالى بقى

الكاتب : فعلا انا لازم اسيبك ف حالك عشان بكره حتقابلها الصبح بدرى

هيثم : وحيـــــــــــات ابوك .......؟؟!!

الكاتب : بس لازم تنام دلوقتى يأما ....... انتا نمت

< نام هيثم م شدة لهفته لمقابلة ياسمين وهو نايم كان
عمال يتقلب يمين وشمال ويقول كلام غريب وينادى ع ياسمين
لغيط ما الصبح شقشق وقام هيثم ع صوت جرس الباب >

هيثم ^ وهو رايح يفتح الباب ^ : طيب طيب جـــــــــــاى

< ويتفاجئ بياسمين قدامه >

ياسمين : صباح الخير

هيثم ^ وهو عمال يشكر الكاتب ^ : صباح النور يا جميل

ياسمين : معلش انا جايه بدرى اوى ....بس انا نسيت الخاتم بتاعى معاك

هيثم : آه فعلا معايا .... انا قولت انتى اكيد حتيجى تاخديه اصلك مشيتى مره واحده

ياسمين : معلش بقى .... الوقت اتأخر وكان لازم اروح

هيثم : طب ثوانى حجبهولك........بس انتى عرفتى بيتى منين

ياسمين ^ وشها جاب الوانات زى عادتها ^ : امممممممممم ....

هيثم : آسف آسف .... والله ماقصدى حاجه

ياسمين : لا ولا يهمك ... انا عرفت بيتك امبارح لماعديت ولقيتك
نايم ف الشارع وكنت قدام بيت مكتوب عليه هيثم برعى ..... عرفت انه بيتك

هيثم : شوفتى م سعادتى بيكى..... نسيت اقولك اتفضلى... اتفضلى يا جميل

< دخلت ياسمين وكانت معجبه بالبيت اوى >

ياسمين : انتا اللى مختار الديكور دة

هيثم : آه ..... ايه رأيك ؟

ياسمين : بجد زوقك تحفه

هيثم: شكرا .... ثوانى اجبلك الخاتم

< دخــل هيثم يجيب الخاتم ولقى الكاتب بيكلمه >

الكاتب : سيدى يا سيدى ع الناس الرايقه .... ايوه ياعم ماشيه معاك

هيثم : بجد انتا لو قدامى ناو .... كنت بوستك....... بجد متشكر جدا يا استاذ وليد

الكاتب: العفو العفو ...... اخيرا اقتنعت بيا

هيثم :طبعا معقول محدش يقتنع بالعسل ده !

الكاتب : طب اخلص بقى عشان ياسمين حتمشى

هيثم : ماشى

<ياسمين بتنادى عليه عشان مستعجله >

ياسمين : يا استـــاذ هيثم

هيثم : سورى اتأخرت عليكى .... اتفضلى

ياسمين : لا لا ولا يهمك ... ثنكس كتير انك حافظتلى عليه

<ياسمين كانت مستعجله جدا وعايزه تمشى >

ياسمين : انا مضطره امشى بقى يا هيثم

هيثم : طب استنى البس واوصلك

ياسمين : لأ لأ مش ليه لازمه

< مشيت ياسمين .... واذ بصوت الكاتب >

الكاتب : ايه رأيك يا هيثوم ؟

هيثم : بجد انتا راجل جامد .... وانا لو ف قصه تانيه كنت حبوس ايد الكاتب
عشان اجى هنا

الكاتب : ها مش كفايه كده ؟!

هيثم : كفايه ايه ؟!!

الكاتب : كفــايه ... يعنى عايز احط نهايه للقصة بقى

هيثم ^ وهو مرعوب ^ : قصدك ايه ؟!

الكاتب : حقولك ....... المفروض البطلة تموت ف آخر القصه ودى اللى هيا ياسمين..
...فلازم تموت عشان اخلّص القصه

هيثم ^ وهو مزهول ^: ايــــــــــــه ................ ميـــــــــن .......... فيــــــــــــن ......... ازاااى

الكاتب : اهدى بس ......اهدى يا حبيبى دىقصه .. يعنى خيال...يعنى لازم يكون ليها بدايه ونهاية

هيثم : وبدايه القصه دى كانت امتى ؟

الكاتب : امبارح الصبح

هيثم ^مزهول ^ : م المحاضرة

الكاتب : آه ............. بالظبط كده

هيثم ^ وهو مش مصدق اللى بيسمعه ^ :انتـــــــــــا كداب .... كــــداب ....كداب

الكاتب : طب انا حثبتلك ...... تقدر تقولى

اول امبارح كنت بتعمل ايه ؟
لما كان عندك 29 سنه كنت بتعمل ايه ف حياتك ؟
ولا تقدر تقولى انتا متجوزتش ليه لغيط ناو ؟

هيثم ^ وهو بيعيط م كتر التفكير والزهول ^ : ............. مش فاكر حاجه خــــــــــــــالـــــــــــص ...............

الكاتب : ايوه يابنى لازم مش تفتكر
عشان يوم ميلادك وميلاد القصة دى هو امبارح بس
والقصه بتدوراحداثها ف يومين بس .......يعنى آخر اليوم اللى احنا فيه ده
ياسمين حتموت وانتا حتفضل زعلان عليها طول عمرك او ممكن تكمل
حياتك عادى ........ لسه مش رسمت النهايه صح ف خيالى

..................

انتهى الجزء الاول م べ مابين الكاتب والشخصيه べ

انتظروا الجزء الآخـــــر

[ღ♥Franky♥ღ]

جميلة اووي بصراحة ..
في انتظار الجزء الثاني

[ST0P_IM_T0P]

بجد روعة

انامنتظر الجزء الثانى

بفروغ الصبر

[™_King_Redsea_™]

جااامد .. في انتظار الجزء التاني ..

[™~Mody~™]

فى انتظــــــــار الجزء الثانى

[omar34]

أنا وصلت لحد هيثم سوري
هبقى أكمل بعدين