مساعدة في الجيم [ Gym ] ...

[Ultra]

المشاركة الأصلية كتبت بواسطة zexo عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بص أنا بروح الجيم بس أنا رفيع فهقولك على الحجات البشوفها للتخسيس ..

أنا لما باجي أسخن بسخن على المشايه 10 دقايق على سرعه تبدأ من 5 كيلو\ساعه .. لحد 17 كيلو\ساعه .. تدريجي بزود طول العشر دقايق ..

لو واحد بيخس .. بيسخن 30 دقيقه و السرعه بتتراوح بين 3 كيلو\ساعه لحد 8 أو 10 كيلو بالكتير .. بس بيكون بروجرام بحيث .. من 3 لي 8 في 10 دقايق ... و بعدين 10 كمان تريح فيهم فتبقى السرعه من 4 لي 8 .. و بعدين ال10 دقايق البعدهم من 6 لي 9 كدا ده بيكون مشي سريع شويه ..

لو فالتمرينات .. سواء كتف بطن ظهر رجل بنش باي و تراي ..

أنا بلعب 4 في 10 أو ممكن 3 في 10

لو واحد بيخس هيلعب 6 في 15 أو ممكن 5 في 15 ..

إن إنتا بتخس و بتبني عضله .. أما أنا ببني عضله بس .. فلو زودت زيك و عملتهم 6 في 15 مثلا كدا أنا هحرق من العضله الببنيها .. أما إنتا بالنسبالك عادي إنك بتحرق و تبني عضله ..

عندك حجات أنا نادراً لما أعملها بس دايما البيخسو بيعملوها ..

العجله .. و الجهاز البتحوطو على وسطك و بيهز الأرداف ده مش عارف إسمو .. دول أساسي عند البيخسو بس معرفش نظامهم إيه ولا كام دقيقه .. أنا ممكن أعملهم كدا تهييس و خلاص :)

أنا لما باجي ألعب بطن و قطانيه .. بلعب 5 في 10

إنتا هتلعب 6 في 20 أو 5 في 20 مش هتفرق كتير ..

لو أنا هخش حاجه بعد التمرين .. يبقى هخش ستيم بخار على 50 درجه لمده 10~15 دقيقه ...

لو إنتا هتخش هتخش سونا مش ستيم .. و هتكون درجه الحراره 90 (معرفش الله يكون في عونك هتستحملها إزاي عشان أنا بخش 49 أو 50 و بتلسوع) و لمده 20~30 دقيقه ..

ده تقريباً كل حاجه :)

أه قبل ما أنسى ..

أنا بروح 3 أيام و أريح يوم .. عشان بحرق التلت أيام دول و اليوم الأجازه ده أملا فيه عشان أعوض الأنا بحرقو ..

إنتا هتروح 6 و تريح يوم .. عشان إنتا عايز تحرق أكتر من البتاكلو .. و ممكن تروح ال7 بس 6 عشان تريح عضلاتك إن لو إستمريت كل يوم عضلاتك هتفرهض و ممكن تكون بتلعب و تتمزق .. و لو حصلك حاجه هتوحشنا شهرين..

نصيحتين ..

إلعب بالوزن اليريحك شوف بتشيل كام كيلو أو كام بلاطه و شيل متقللش و متخففش أهم حاجه إنك تعمل التمرين صح عشان يجيب نتيجه .. لو شلت وزن أزيد من طاقتك و كنت بتلق فيه كدا و التمرين مبيجيش صح كدا ولا هيفرق معاك في حاجه .. إلعب صح بي وزن خفيف أحسن متلعب غلط بي وزن تقيل .. يعني شوف التقدر عليه و شيلو..

التمارين و كدا الكابتن أكيد هيدهالك .. يعني كل يوم هيكون عندك حاجه يوم رجل يوم بنش يوم باي و تراي يوم كتف يوم ظهر كدا يعني .. و متدخلش تمرينين في بعض يعني تلعب في كل واحد ال6مجاميع بتوعو و بين كل مجموعه و التانيه من 20 لي 40 ثانيه راحه .. و إعمل التمارين ببطئ عشان لو عملت بسرعه و عضلتك حصلها حاجه هتوحشنا شهرين بردو ..

ربنا معاك :)

الراجل دة 100 100 بس حوار 90 درجة دة معتدقش انه صح انا سمعت ان اكثر درجة حرارة الانسان يستحملها 60 وبعد كدة بيبدأ يسيح

[™ThePuppet™]

انت لو عايز تخسس العضله و الدهوون و تحرق معااك كتر العداات فى اوزاان قليله
منها العضله تنشف و تكوون صافيه