اهـم الاحـداث / بـورسـعـيـد

[DeViL_MaSTeR]

المشاركة الأصلية كتبت بواسطة loleta عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تب وليه جماهير التراس اهلاوى الرجالة منزلوش يافطة (بلد البالة مفيهاش راجالة)
على فكرة لو فضلتو تتهمو بورسعيد بلشكل ده انتو الخسرانين مش بورسعيد


المصرى يستاهل الفوز وبجدارة وشوف المتشات الى قبل كده وشوف المصرى بيعمل ايه فى الاهلى كل ماتش

اليافطة نزلت لو حضرتك متابع وانت عارف كويس انها مش تبع الالتراس ومش موضوع اتهام بس فيه 74 واحد ماتوا وانتوا بتفكروا ازاي تدافعوا عن نفسكوا

يستاهل الفوز ازاي ؟ اذا كان المعلقين كلهم بيقولوا ان المصري عمروا ما كسب الاهلي بالنتيجة دي من زمان
والماتش كانت اللعيبة بتتحدف بالطوب عوزهم يكسبوا ازاي ده طبيعي ده الاهلي من ساعت ماتش الاسماعيلي مخسرش ماتش لحد دلوقتي وحضرتك فهمني دوافع المكسب والخسارة
1- عندنا لاعيبة نصها في المنتخب يعني احسن لاعيبة وده مش كلامي
2- الجهاز الفني الممتاز
3- الاستقرار
لكن اسباب فوز المصري هي كالتالي
1- اللعيبة بتتحدف بالطوب
2 خوفهم من اول الماتش ومعرفة ان الماتش مش هيعدي على خير

وانت اكيد عارف كل ده بس مش عايز تعترف صدق اللي قال ( الاعتراف بالحق فضيلة )

من الاخر كده محدش ليه عين يتكلم

[zewww]

السلام عليكم ورحمه الله وبركاته

اول حاجه انا من بورسعيد

طبعا اى انسان فى الدنيا ميرضاش بالى حصل وموت ناس عشان ماتش كوره

بس عايز افهم الناس حاجه طبعا الجمهور المصرى متعصب لفرقته ومعروفه للكل وبرده الاهلى متعصب لفرقته وبرده معروفه وبيحصل شغب فى بورسعيد لما الاهلى يجى وطبعا لما المصرى يروح لى اهلى شغب برده من زمان الزمان قبل ماحنا حتى نتولد

كمان على كلام الناس اللى من اهلى وفى الموضوع هنا برده ان اليافطه مرفعوه فى ماتش من فتره

وانا عايز اعرف الناس اللى الاغنيه برده بتاعت المصرى دى بقالها سنتيتن

طبعا اى انسان حس وشعره بفراق الغال عليه من ام اب اخت اخ جد صاحب كلنا شعرنا بهذا الشعور واظن لم يمر على اى اسره فى مصر الا لما مر عليه هذه التجربه

وطبعا اللى قتل الشباب لازم يتجاب واحسن حاجه ليه انهم يجمعوا كل الللى قتل ويجمعوا اسر الشهداء فى منطقه خاصه بهم ويعدموا كل واحد قتل امام اسر الشهداء يعدموا واحد واحد حتى لو طلعوا الف يعدموهم قدام اسر الشهداء

لكن مينفعش يتقال على كل بورسعيدى يهودى او بوريهود او الاخت بورسعيد زى متقال هنا فى الموضوع
اول حاجه احنا مصريين وكمان فيه ناس كتير من بورسعيد ماتوا فى الاحداث المبارة لكن لم يقال عنهم شىء ودفنوا كلهم انا اعرف من اللى ماتوا 3 على الاقل غير الباقى اللى كان فى الجنازه

وميرضيش اى مصرى اى اهلاوى ان حد من بورسعيد يسافر على الطريق يتقتل زى 2 شباب رجعين من الزقازيق ذبحوا وكمان السواق اللى راكب عربيه نقل كبيره رايح على الشروق اتاخد الحاويه والله اعلم هوا عايش ام ميت والاكل الممنوع وكمان الامهات اللى لازم تسافر القاهره تعالج من سرطان وغسيل للكبد والاطفال وعربيات تتكسر وفى الشغل نتهان وتشتم ويتشاكلوا معانا واحنا ملاناش ذنب

كل اللى بيبهدل ناس شرفاء ليس لهم ذنب

فى الاخير ان شاء الله هيبان الحق وكل من اجرم يعدم على قتله لى ابرياء

اخر كلام ان احنا مصرين ولسنا كفره او يهود

واختم بى
لا اله الا الله محمد رسول الله