|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
02-02-2012, 10:27 PM
|
#1 | ||||||||||
  
|
احنا كنا رايحين الماتش عادى خالص وكنا عرفيين ان هيحصل شغب بسبب الكلام اللى التراس الاهلى بيقولة و بردو مش هقولكم ان احنا ملايكة الجانبين فيهم متعصبين كتير المهم لما رحنا الاستاد لقينا فى كذا اتوبيس موجودين من بدرى و افتكرناهم تبع الاهلى ولما شفنا مناظرهم (من الاخر كدا ناس جايا تقول شكل للبيع) وعمالين يسيحو و خلاص قلنا نستنى لحد ما ندخل الاستاد عشان الحكومة برة الاستاد كانو كتير المهم دخلنا الاستاد و بقدر قادر لقينا الناس دى بتقول مصرى مصرى قلنا يلا زيادة الخير خيرين اول جون جه فينا لقينا واحد فى مدرجات الاهلى رافع لوحة وكاتب عليها (بلد البالة مجبتش رجالة)تخيل دى بقى و احنا خسرانين يعنى موتا وخراب ديار طبعا بقى المسخناتيا اشتغلو وبدأ الشتايم ومما زاد الطين بلة ان مانول جوزية لما دخل فيهم الجون التانى قام باصص لجمهور المصرى وطلع فلوس وعمل بإيدة حركة كدا قال اية ياعنى ان الحكم مرتشى و ان احنا مقباضينة على اساس يعنى ان الجون اوف سايد وعينك ما تشوف إلا الشماريخ و الصواريخ المدرج اللى كنا فية كان فية شماريخ بس المدرج اللى فى النص دا كان بيضرب صواريخ زى بتاعت الافراح وكانو برضو بيضربو على اللعيبة و جمهور الاهلى لما لقينا الحكاية كدا قلنا نروح عندهم نشوف اية النظام وطبعا زى ما انتم تابعتم ان مع كل جون للمصرى كان ينزل كام واحد كدا يسلمو على اللعيبة ويطلعو تانى دول كانو بينزلو من المدرج اللى ورا حارس المرمى إكرامى وجبنا الجون الثالث والناس كانت طايرة من الفرح و الناس كانو نازلين الملعب عشان يسلمو على اللعيبة و حسام حسن اقسم بالله لقينا الناس اللى فى المدرج اللى فى النص نزلت الملعب وجرت ورا اللعيبة بتوع الاهلى احنا قلنا عادى بتحصل كتييييييييييييييييييييييير وبيصلو لحد السور و بيرجعو تانى و احنا رحنا نسلم على اللعيبة ونسلم على حسام حسن ولقينا الناس اللى نزلت من مدرج نص الملعب طلعت تجرى ورا اللعيبة بس الامن وبعض الناس وقفوهم لحد ما اللعيبة خرجو بالسلامة لكن سيد عبد الحفيظ هوا اللى كان فى الاخر والناس اتلمت علية وكان هيموت ضرب لولا ستر ربنا وان حسام حسن كان واقف جمبة وحاش عنة الناس لحد ما خرجو و انا افتكرت ان الموضوع كدا خلص لكن لقيت الناس كلها بتجرى على جماهير الاهلى وجماهير الاهلى فاكرين ان الامن هيقدر يدافع عنهم و فضل ناس منهم يشتمو و يسبو لكن تأتى الرياح بما لا تشتهى السفن الامن عمال يكلم الناس وبيمنعم بالكلام مش اكتر وطبعا فى وسط الزيطة دى محدش هيسمع كلام حد و اقسم بالله كان معظم اللى رايح هناك رايح يتفرج مش اكتر والناس دى كلها طالعين يجرو على باب تقريبا عرضة ميكملش متر واللى كان بيقع مكنتش هتشوفو تانى ولقيت اسلحة بتطلع ودم واسعاف عمال يشيل فى ناس وحسيت ان الحرب قامت كإن المصريين بيضربو فى اليهود ناس كتير اتجمعت و حاولنا نفصل مابين الناس اللى بتضرب و مابين جمهور الاهلى و اقسم بالله لولا ستر ربنا وجماهير المصرى (مش كلهم طبعا لان كان فى ناس بردو بتضرب)مكنش هيبقى فى 74 حالة وفاة دا كان ممكن يعدو ال150 واحد والله لحد ما الجيش وصل و الناس طلعت تجرى برة الاستاد و الناس بقت تمسك اى حد معاه سلاح و تسلمة للامن لحد لما الامور هدت رحت عشان اتجمع تانى انا وبقيت صحابى لقينا اتنين راحو المستشفى واحد 10غرز فى دماغو والتانى كان فى غيبوبة لسة فايق منها النهاردة الصبح وعندة رجل مكسورة __________________________________________________ ________________________ ارجو من الله ان الناس تفهم ومتخدش اهالى بورسعيد بذنب المتخلفين الاغبية دول |
||||||||||
|
| إعلانات google |
|
|
|
02-02-2012, 11:21 PM
|
#2 | ||||||||||
  
|
الموضوع واضح انو متخططلو و بورسعيد بريئة 100% |
||||||||||
|
|
|
03-02-2012, 02:15 AM
|
#3 | ||||||||||
  
|
 انت شايف كده |
||||||||||
|
|
|
03-02-2012, 02:53 AM
|
#4 | ||||||||||
  
|
اللوحه بتاعت "بلد الباله مفهاش رجاله " دى مش عارف انتوا شفتوها فين ! |
||||||||||
|
|
|
03-02-2012, 03:23 AM
|
#5 | ||||||||||
  
|
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] |
||||||||||
|
|
|
03-02-2012, 04:21 AM
|
#6 | ||||||||||
|
Just_Warrior يابو الكباتن لو متابع الفيس كويس او لو ليك صحاب فى التراس اى حاجة كنت هاتعرف انها مش بسبب اللافتة ولا اى حاجة هى كانت متحضرة من الاول...كل اللى عملته اللافتة انها سخنتهم زيادة مش اكتر |
||||||||||
|
|
|
03-02-2012, 04:26 AM
|
#7 | |||||||||||
|
اقتباس:
ادخل هنا و انت تشوفها واضحة جدا عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] |
|||||||||||
|
التعديل الأخير تم بواسطة Just_Warrior ; 03-02-2012 الساعة 04:32 AM
|
|
03-02-2012, 04:30 AM
|
#8 | ||||||||||
 
|
و الله حرام كدة :disgust1: |
||||||||||
|
|
|
03-02-2012, 04:30 AM
|
#9 | |||||||||||
|
اقتباس:
عندك حق اللافتة سخنت الموضوع و مانول جوزية سخنة اكتر و اقسم بالله يا جدعان البلد عندنا فى ميتم الناس كلها مش مصدقة اللى حصل امبارح دا حصل ازاى |
|||||||||||
|
|
|
03-02-2012, 04:31 AM
|
#10 | |||||||||||
|
اقتباس:
انا بقلكم اللى انا شفتة بعينى |
|||||||||||
|
|
|
03-02-2012, 04:57 AM
|
#11 | ||||||||||
 
|
والله والله والله العظيم ثلاثة كلمك دة هتتحاسب علية يوم القيامة بس بوص اصلى فى واحد من جمهور رابطة النادى المصرى كاتب على الفيس وانتى جاى بورسعيد اكتب لامك وصية واضح يعنى اية الكلام دة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !! |
||||||||||
|
التعديل الأخير تم بواسطة meso@elking ; 03-02-2012 الساعة 05:00 AM
|
|
03-02-2012, 05:01 AM
|
#12 | |||||||||||
 
|
اقتباس:
وفي كمان أغنية كانت طالعة بس اتمسحت من ع اليوتيوب النهاردة الصبح  |
|||||||||||
|
|
|
03-02-2012, 05:45 AM
|
#13 | ||||||||||
|
علي فكره يا شباب ادمن الرابطه دي عيل عنده 16 سنه لول يعني لا ياخذ بكلامه اصلا اموضوع مش التراس مصراوي خالص الموضوع ان في ناس غريبه فعلا كانت جوا بورسعيد وعملوا اللي عملوه وخلعوا ممكن يكون في ناس من التراس مصراوي اشتركوا في الضرب بس مش معني كده ان بورسعيد كلها كانت بتضرب |
||||||||||
|
|
|
03-02-2012, 05:57 AM
|
#14 | ||||||||||
  
|
[size="5"]سلام عليكم[/size يا جدعان انا من بورسعيد و مرحتش الماتش ! ! عشان لا بفهم في الكوره ولا بحبها بس ادمن الصفحه الي انتم بتتكلمو عاليه ده مش 16سنه دا شاب كبير دا الي اسمعو و حوار اغنيه لو جاي علي بورسعيد اكتب لامك وصيه عشان هتموت اكيد و ملكش اي ديه .... ديه قدييييييييييييييييييييمه اوي !!!!!!!!! و ماكنش قصدهم علي الماتش ده دي نزلت من زماااان و كان قصدهم علي ماتش تاني مش عارف ماتش ايه الي قصدهم عاليه عشان انا مش متابع بس انا سمعت الاغنيه ديه من حوالي 6-7شهور او اكتر و كانت نازله من قابلها كمان ..... و ولله ولله ولله العظيم بورسعيد فيه منهم مضروبين و مش عارفين منين و انا انا نزلت الساعه 9 تقريبن انا وصحابي بنبص عند الاميري لاقيت ناس من بورسعيد مضروبين و بيقولو الحكومه ضربتهم انا مقدرش ااكد دا صح ولا لاء بس انا بقول الي سمعته و دخلت الاميري لاقيت اقسم بالله في اوضه فيها 3 اهلاويه من مصر بين الحياه و الموت الناس مداخلنهم في الاوضه و بيعالجوهم و عاينين حاجتهم و كل حاجه !!!! و ناااس بتتبرع بدم و المكان الي بيتبرعو فيه ده كان مليان ناس زي ماتقول بيوزعو لحمه ببلاش !!!!!!! مع انهم مش كاسبانين حاجه !!!! انا ياريت تكونو فهمتوني ... |
||||||||||
|
|
|
03-02-2012, 06:08 AM
|
#15 | |||||||||||
|
اقتباس:
بس انا بفهم للكوتش مين هو اللي قال يعني |
|||||||||||
|
|
|
| يتصفح الموضوع حالياً : 1 (0 عضو و 1 زائر) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| موعد انطلاقة مباراة النصر والاهلى مباشر اليوم الجمعة 21-10-2016 | watny1 | قـسـم الـريـاضـة الـعـامـة | 0 | 21-10-2016 07:09 PM |
| §ô¤*~حصريا :برومو مباراة القمة ورسالة لجماهير الزمالك والاهلى باســـــم المنتدى ~*¤ô§ | f_h_u | قـسـم الـريـاضـة الـعـامـة | 12 | 30-06-2011 08:16 AM |
| لجنة تحقيق في أحداث مباراة الزمالك | f_h_u | قـسـم الـريـاضـة الـعـامـة | 9 | 05-04-2011 08:05 AM |
| فيديو - قناة تونسية تعرض أحداث مباراة الأهلي والترجي بطريقه مختلفة! | Un_Wanted | قـسـم الـريـاضـة الـعـامـة | 9 | 06-10-2010 11:48 PM |
.gif){kind=icon}
العرض العادي
