عرفني بنفسك

[Mandren]

اولا الموضوع دا عشان كل واحد يقنع التاني بمرشح لرئاسة الجمهوريه باسباب مقنعه انا ابدا

بالدكتور محمد البرادعي

1. باحترام البرادعي عشان هو أول من نادى بفكرة الحشد والمظاهرات المليونية والعصيان المدني. كلمات مكناش نسمع عنها أصلا ولا نتخيلها في سياق مصر. هو اللي راهن على الشباب من أول يوم واعتمد عليهم كلياً. رجوعه إلى مصر من كام سنة هو اللي أعطى زخم لحركة التغيير وحرك الماء الراكد. حتى وائل غنيم قال على تويتر إن رجوع البرادعي لمصر هو اللي أعطاه أمل فلما جات حادثة خالد سعيد تبنى القضية بحماس موقنا أن التغيير ممكن.



2. البرادعي كان من الناس اللي دفعت التمن بدري لما اللي كان بينادي به ضرب من الخيال محدش كان يحلم يفكر بيه. مش جاي ينظر ويعمل فيها المعارض المغوار دلوقتي بعد أما مبارك ما مشي.



3. من الناس القليلة اللي موقفها ثابت على طول الخط. يعني تسمع حوار ليه مع مني الشاذلي من أكتر من سنة تلاقي هيا هيا نفس المطالب اللي بيطالب بها وهو هو نفس الخطاب واللهجة اللي بيتكلم بيها دلوقتي. بالعربي بالانجليزي مواقف الراجل واحدة. مش متلون ولا انتهازي. وأهم من كدة عند رؤية واضحة واهداف ثابتة ماتنازلش عنها.



4. وجه عالمي نضيف. سياسي محنك وراجل قانون. عند خبرة في العلاقات الدولية و مصداقية عالمية و اتصالات بجهات عديدة. على الرغم من الحملة الشرسة اللي نظام مبارك شنها عليه ماسمعناش عنه شبهات فساد مالي ولا إداري وهو ده اللي أظن كلنا عايزينه. واحد نضيف بره مؤسسة الفساد دي كلها وفوق كده عند الخبرة.



5. متواضع ومعتقد باهمية العمل الجماعي. دايماً يقول أنا مقدرش أعمل ده لوحدي محتاج الشعب محتاج الشباب. علطول بيعتبر نفسه لاعب ضمن فريق مش القائد الملحم اللي عامل سبع رجالا في بعض.



6. راجل بيقدر الشباب وبيفهم في التكنولوجيا ودي كان أدوات اللي اعتمد عليها في ظهوره في الأول أصلا. يعني باختصار نظام تاني خالص عن اللي عرفناه الستين سنة اللي فاتت. راجل فعلاً فاهم لغة العصر وبيتكلم كلام الشباب اللي علطول محاوطينه. مش واحد من المدرسة القديمة اللي عفا عليها الزمن بالعافية متابع اللي بيحصل حواليه.



7. اللي تابع حوار امبارح في أون تي في وتابع لقاء عمرو موسى في ساقية الصاوي هايفهم بالظبط قصدي. البرادعي كل كلامه عن المؤسسات والدستور ورؤيته لمستقبل البلد. قاعد تلات ساعات يتكلم مافتحش بقه على نفسه وتاريخه ومكانته وشغله العالمي وجوايزه غير أخر تلات دقايق لما سألوه يوجه رسالة للشعب فعرف نفسه باختصار مش أكتر! قارن ده بعمرو موسى اللي كان تلات اربع كلامه عن تاريخه و"ما ينبغي" و"يجب" فعله. واللي هو "نادي" و"طالب" بيه قبل كدة . واللي "شجبه" و"استنكره". اترك ليكم المفاضلة.



8. لما اتسئل البرادعي عن عمرو موسى اللي هو مفروض منافسه رد بكل ذوق وأدب ورفض انه يوجه ليه أي إهانة أو اتهام وهو مش موجود.



9. راجل مش متكالب على السلطة. عنده السمعة الدولية وتقلد أعلى المناصب. يعني مش هيا دي اللي هاضيف ليه. مستعد انه يكون في مجلس رئاسي إذا الشعب اختاره وبالتالي يحرم نفسه من الترشح للرئاسة عشان هو مؤمن إن المرحلة الانتقالية أهم واخطر مرحلة في الطريق لبناء دولة ديمقراطية وهو مستعد يخدم من أي منصب مادام هايحققلو الغرض ده



10. بيعرف نفسه انو اشتراكي ديمقراطي. سياسته الداخلية قائمة على العدالة الاجتماعية. الدستور عنده قضية مقدسة. دولة المؤسسات هيا هدفه اللي بيشتغل ليه.



11. سياسته الخارجية ترمي لعمل توازن في المنطقة واستعادة دور مصر القيادي. هيعمل على إنه يقوي علاقات مصر بمحيطها الاقليمي وامتدادها الاسلامي ومن ذلك إعادة علاقة مصر بإيران.



12. راجل بيتكلم بصراحة. لما مبيعرفش حاجة بيقول. لما بيتسئل أسئلة تفصيلية مالهاش إجابة دلوقتي عنده بيقول كدة مش يرمي شعارات كبيرة علشان الفرقعة الاعلامية وخلاص. واقعي مش بتاع كلام كبير هو مش قده عشان يرضي الناس. راجل محترم بيعرف يتكلم بالعقل ومابيستخفش بعقول الناس زي الخلق التانية.. خلونا ننضف بقي!



13. في الحوار ماتهربش من إجابة أي سؤال (قارن ده بشفيق اللي مجاوب ولا سؤال ولا عمرو موسى اللي مداش عقاد نافع ويقعد يتوهك) اجاباتهه واضحة مافيهاش لبس تصلح ان تكون مانشيت في حد ذاتها. ولو مجاوبش سؤال بيرجع تاني ويجاوبه.



14. تحس إن الراجل فعلاً صادق في كلامه. اللي يهم هو رؤيته مش شخصه بدليل أنا معجبة جدا بالحوار بس لما أخت بالي لاقيت احساسي ده نابع من الكلام اللي قاله البرادعي مش شخصيتو ولا "كاريزماته" اللي بقيت كلمة مستهلكة وفارغة من مضمونها. لاول مرة تجاوزنا السطح والشكل ولقينا المضمون مية مية.



واخيرا محدش يسمع مني ولا كلمة. خش على اللينك ده واسمع كلام الراجل بنفسك.

http://www.youtube.com/watch?v=wczjh...2D91FA4E84604D



حد ممكن يقولي ماشي كلام مش بطال بس مش البرادعي ده هو اللي اتسبب في إن أمريكا احتلت العراق جاي دلوقتي يعمل بطل؟ ارد بصراحة؟ بجد دي أكذب واغلس تهمة بشوفها بتتوجه للبرادعي. يا جماعة انتو جبتو المعلومة دي منين ممكن حد يقولي؟ ده فيديو اهو للبرادعي يوم سبعة مارس يعني قبل غزو العراق 13 يوم وهو بينفي تماماً وجود أي نشاط نووي للعراق قدام مجلس الامان.

http://www.youtube.com/watch?v=WllVGulwP20

ممكن تقولي أنت مصدرك ايه بقي؟ يا ريت نفكر شوية بعقولنا ومانرددش إشاعات كدة إحنا مش عارفين أصلا جبناها منين.



أينكان برضو الراجل كان عايش طول حياته بره يعرف ايه عن مصر ده؟

اقولك واللي كان عايش جوه اسم الله عمل ايه يعني؟! نهبها وخربها وقعد على تلها! الموضوع مش قصة بره ولا جوه. الرجل مكانش بره بيتفسح ولا في رحلة. ده كان بيشتغل في أكبر المؤسسات الدولية. اشمعنا يعني مابسمعش حد بيقول زويل عايش بره بالرغم إن ده بقي اللي بيحمل جنسية أمريكا علما إن البرادعي معندوش غير الجنسية المصرية واتولد وعاش ودرس هنا لحد الجامعة.يا ريت نركز في مضمون كلام البرادعي مش مكان إقامته.



بس ده راجل بيتأتأ،"التون" بتاعه مستفز وشكله عامل زي عم شكشك بتاع بوجي وطمطم؟ اقولك يا عم تجاوز المظهر شوية وحاول تركز في الجوهر. سيدنا موسى كان بيتلعثم هل ده قلل من قدره ولا من عظم ونبل رسالته؟ خلينا نتفق نقيم المرشحين بافكارهم وخططهم مش شكلهم ولبسهم وصوتهم!

ودمتم :)







بعد قراءة المقال هل انت مع ام ضد البرادعي؟

[Mandren]

مش المفرود المشرف يخش يمسح م خلاص لو الموضوع مخالق كلمني الاول

[Mandren]

http://ar.wikipedia.org/wiki/محمد_البرادعى

http://www.lahona.com/show_news.aspx?nid=32356&pg=13

[Mandren]

محمد البرادعي





واشنطن : شنت وزيرة الخارجية الامريكية كونداليزا رايس اليوم الاربعاء هجوما لاذعا على المدير العام للوكالة الدولية للطاقة الذرية محمد البرادعي، على خلفية انتقاده للتلويحات بشن حرب على إيران بسبب برنامجها النووي، ودعته لعدم التدخل في السياسة.وذلك في الوقت الذي تعد فيه واشنطن مشروعا جديدا بفرض عقوبات على إيران لتناقشه في اجتماع الدول دائمة العضوية بمجلس الأمن إضافة لألمانيا الجمعة القادمة.

ونقل موقع قناة "العالم" الاخباري عن رايس في تصريحات للصحافيين على متن الطائرة التي اقلتها الى الشرق الاوسط، قولها أنه لا يحق لاحد التقليل مما اسمتها الواجبات المفروضة على الايرانيين.

وأضافت رايس بلهجة غاضبة:" يعود لمجلس الامن الدولي وحده أخذ القرارات"، معتبرة أن هناك الكثير من الاشياء التي يجب أن تهتم بها الوكالة في ما يتعلق بايران.

واضافت:" اسمحوا لي أن ابدأ بالقول إن عمل الوكالة الدولية للطاقة الذرية ليس صنع الدبلوماسية، فهي وكالة تقنية لها مجلس حكام والولايات المتحدة احد اعضائه".واوضحت:" إن دور الوكالة الدولية هو اجراء عمليات تفتيش وتقديم تقارير عن النشاطات والتأكد من احترام الاتفاقات المختلفة التي وقعتها الدول".

وأكدت رايس أن الولايات المتحدة ما زالت تفضل الخيار الدبلوماسي تجاه ايران، وقالت:" نعتقد أن الطريق الدبلوماسي بامكانه ان يعمل، ولكن يجب ان يعمل على السواء مع سلسلة من الحث وسلسلة من التهديدات".

وكان مدير عام الوكالة الذرية محمد البرادعي قد حذر من ان القوة يمكن ان تستخدم فقط كحل اخير لحل الخلاف حول برنامج ايران النووي. ودعا البرادعي منتقدي ايران إلى التعلم من دروس العراق.

وشدد البرادعي على ان اي هجوم على طهران لا بد ان يحظى بتفويض من مجلس الامن الدولي.

ومن جانبها نقلت هيئة الاذاعة البريطانية" بي بي سي" عن المتحدث باسم الخارجية الأمريكية شون مكورماك إن بلاده تعمل على صياغة المشروع وأنها وضعت بالفعل أفكارا تحدد إطاره العام.

وأضاف في مؤتمر صحفي:" أن واشنطن تجري مناقشات مع الدول الخمس الأخرى( روسيا وفرنسا وبريطانيا والصين وألمانيا)".

ويرأس نيكولاس بيرنز مساعد وزيرة الخارجية الأمريكية وفد بلاده في اجتماع الجمعة الذي يعقد على مستوى المديرين السياسيين بوزارات الخارجية.وقال مكورماك إن المحادثات ستتناول عناصر القرار وتوقيت صدوره.

كما ستلتقي وزيرة الخارجية الأمريكية كوندوليزا رايس بنظرائها من الدول الخمس الكبرى في نيويورك في 28 سبتمبر/ أيلول الجاري.

وكان مجلس الأمن الدولي تبنى حتى الآن ثلاث قرارات ضد إيران بسبب برنامجها النووي تضمن اثنان مجموعة من العقوبات إثر رفض طهران التخلي عن أنشطة تخصيب اليورانيوم.

وكان وزير الخارجية الروسي سيرجي لافروف عبر عن قلق بلاده تجاه التهديد بالحرب مع ايران.

وعقب مباحثات مع نظيره الفرنسي برنارد كوشنر في موسكو الثلاثاء قال لافروف:" اننا قلقون بسبب تقارير عن النظر بجدية في امكانية القيام بعمل عسكري ضد ايران". وأضاف لافروف "ان هذا يمثل تهديدا للمنطقة التي تشهد بالفعل مشكلات هائلة في العراق وافغانستان".

وكان الوزير الفرنسي قد قال إن على العالم ان يستعد لاحتمالات الحرب على ايران لوقف طموحات ايران النووية.

وصرح كوشنر على نحو اعتبره مراقبون بالمفاجئ، بالقول:"علينا أن نستعد للأسوأ، والأسوأ هو الحرب." لكنه قال ايضا انه ينبغي الاستمرار على مسار المفاوضات "إلى نهايته"، لكن حصول الإيرانيين على سلاح نووي سيكون "خطرا حقيقيا على العالم بأسره."

وفي معرض تعليقه على هذه التصريحات دعا الأمين العام للأمم المتحدة بان كي مون إيران للتعاون التام مع الوكالة الدولية للطاقة الذرية ودعا مجددا لحل دبلوماسي للأزمة.

وعلى الجانب الآخر قال الرئيس الايراني محمود احمدي نجاد انه لا يأخذ تصريحات كوشنر على محمل الجد. واضاف نجاد في تصريحات نقلتها وكالة الانباء الايرانية الرسمية "ايرنا" ان التكهنات التي تنقلها وسائل الاعلام تختلف عن واقع الحال. اننا لا نأخذ مثل هذه التصريحات على محمل الجد".

[SmartMad]

بجد حاجه مستفزه جدا
المشرف يقول ممنوع وانتم تعملوا ولما يحذف تزعلوا

[Mandren]

ممنوع ايه يا كبير؟

[SmartMad]

ممنوع اى مواضيع من النوع ده