بس يا حج خلينا واقعيين شوية كلامك مش هنكر فيه و لا كلمة بس انت قولي الطفل دلوقتي لو قدامة خيار من 2 الاول مثلا قناة mbc3 و الخيار التاني قناة إقرأ مثلا انت تتوقع هيختار ايه ؟ اكيد mbc3 بنسبة 99% هتقولي يعني هو هيفضل الكرتون على دينه هقولك اه هتقولي ليه يعني هقولك لان القنوات الدينية قنوات متعصبة دينيا و نص كلامها مش مفهوم انا عن نفسي لما اجي مثلا اتابع قصة من قصص الرسول (ص) نص الكلام مش مفهوم لانه باللغة العربية الفصحى و فيه كلمات انا عمري ما سمعت عنها ف رد فعلي التلقائي بيحولني اني اجيب اي فيلم اجنبي او حتى عربي على الاقل انا فاهم كل كلماته شوف انا بكلمك عن نفسي و انا داخل على 19 سنة فتخيل الطفل بقى و هو قاعد مش فاهم اي حاجة هيكون رد فعله ايه ؟ اكيد هيطنش القنوات الدينية 100% و يتجة لقنوات الاطفال.
نيجي بقى لدور الاهل هتقولي طب هو اهله فين علشان يعلموه مكارم الاخلاق و يفهموه دينه و يكون فاهم اللي بيتقال في القنوات الدينية هقولك انا هتلاقي ابه طالع عينه في الشغل و لما بيجي البيت مبيكونش عايز غير الراحة و كمان مش بيكون عايز يكلم حد هتقولي و امه ؟ هقولك هي كمان تلاقيها متنرفزة و طالع عينها في شغل البيت. انا طبعا مش بتكلم عليا خالص بس 75% من العائلات اللي انا عارفها كده. انا عن نفسي مش بعمل غير 3 حاجات يا اما قاعد على الجهاز يا اما في الجامعة يا اما خارج مع صحابي ده ابويا و امي و اخواتي مش بشفهم في اليوم اكتر من ساعة كل واحد بقى مشغول في حاله ف انا طبعا نفسي يحصل اللي انت بتقول عليه ده بس هل من مستجيب ؟ ....
11-11-2011, 11:00 PM
.gif){kind=icon}
العرض المتطور
