مدونتي : كائن فضائي

[D3MoN]

انا عندى كلام كثير اقولة ...

اولا: المجلس العسكرى مش مقدس بس بردو هو الى كان زى درع للثورة ... هتقول لى انت مجنون؟ هقول لك افهمك

انت عندك اجمد جيش فى الدول العربية و اقوى جيش فى الدول الاسلامية بالتساوى مع تركيا و ايران و ممكن ايران تبقى متقدمة شوية بسبب المفعلات النووية

و عندك الساعقة رقم 2 على العالم مع العلم ان الصاعقة الخاصة بالهند اقوى صاعقة فى العالم .. هتقول لى ما احنا عرفين الكلام دة هقول لك ممكن تصبر عليا شوية

تعالى نعمل مقارنة بين الجيش المصرى و الجيش السورى.... طبعا من غير كلام الجيش المصرى اقوى

بصوا بقى الجيش السورى بامكانياتة المحدودة عامل اية فى شعبة .... تخيل ان الجيش المصرى كان نزل عمل فى المصريين زى ما الجيش السورى بيعمل فى السوريين ؟

طبعا كان هيموت مننا كام مليون و كان القائد الاعلى للقوات المسلحة الى هو المخلوع .... كان هيمشى احكام عرفية و كل سنة و انت طيب مكنش هيمشى دكر فى الشارع

و بعد كلدة تقول لى خاين؟
دة كان درع الثورة و اوعى تفتكر ان مبارك نزل الجيش لحماية الشارع >.. لا دة نزلوا لاخماد نار الثورة

و غير كدة مبارك دلوقتى بيتحاكم و الحق ابتدى يظهر و خصوصا بعد ما قال الشاهد الثامن فى المحاكمة انة سمع ان حبيب العادلى ادى امر بالتصدى للمتظاهرين بعنف يعنى استخدام الرصاص الحى و غيرك فى تونس شعب مش عارف يحاكم زين العابدين ... يبقى دى ثانى حاجة تتحسب لمبارك

نيجى بقى لسلبيات المجلس العسكرى

اول علامة سودة هى حكومة شرف الى وجودها زى عدم وجودها

و المحاكمات العسكرية و ان شاء اللة بمظاهرات يوم 9-9 هيكون لها حد

و بقيت السلبيات ان شاء اللة هتتحسن