مش عارف فى ايه كله مستعر وخايف من تطبيق شريعه اعظم دين فى العالم ليه بقى ؟

[! FiRe !]

بصوا يا جدعان ، الدولة الدينية وحدها الان لا تكفى
وبعدين الموضوع اوسع من الكلمتين دول بشوية
انا طبعا ضد الدولة العلمانية لانها هتبقا مسخرة
عايز اسألك ، لما تبقا الدولة دينية ، مين اللى هيكون ليه السلطات؟
المفروض الرئيس والبرلمان والوزارة
لو تتخيل كده بس ، تبقا غلطان
لان كل واحد فاهم حبتين فى الدين ، هيطلع يفتى ، ولانه عالم جليل لازم كلامه يبقا دستور تسير عليه الامه من بعده !
سيبك من دى
دلوقتى ، فيه ايه فى الدولة المدنية غير موجود فى الدولة الدينية ؟
الحقوق مكفولة - مشترك بينهم
حق الرجوع للشريعة عند اللزوم ( الطلاق والمواريث ) - مشترك
استمداد القوانين من الشريعة الاسلامية - مشترك
الفرق الوحيد ، ان فى الدولة المدنية السلطة الوحيدة هتبقا للبرلمان والرئيس ، انما فى الدينية ، كل من هب ودب هيطلعلك ويرميلك كلمتين ويقولك اعمل استفتاء شعبى
هل كلامى فيه حاجة غلط؟