للاسف تم اساءة استخدام قسـم Elite

[OoMasterOo]

ياباشا الغلطة من الاول ان المشرفيين بيحاول يرضوا الاعضاء حتى لو كان دة غلط وبالذات حكاية ان اى حد قتل يونيك او عمل بلس يروح يعمل موضوع ويبقى يتمسح بعد 12 ساعة او حاجة زى كدة انا مش فاهم لما حد يقولولك Gz هيحصل اية يعنى وكمان كمية مواضيع مثبتة وفى مواضيع كتير ممكن تجمع مع بعضها زى مثلا الموضوعين دول
( القوانين المطبقة على اى موضوع يحتوى على روابط تحميل ...) و ( ۞۞ قوانين قسم EliteSRO الرجاء منكم المساعده علي تنظيم القسم ۞۞ ) القوانين كلها تبقى فى موضوع واحد مدام متعلقة بقسم واحد
وكمان موضوعين زى دول
( ... أقسم بالله دة التحذير النهائى ...) و ( ... تحذير تانى يا رب نخلص ...) دول مكتوبين فى نفس اليوم وفى موضوعين مختلفين لية مش عارف . وأحب اعلق على حاجة تانية بردوك اللى هيا ((ممنوع تداول الجولد بيع او شراء )) ازاى يعنى مش فاهم هو مش المفروض المنتدى يشتغل لمصلحة الاعضاء ولا اية ! ازاى تحصر بيع الجولد فى كام واحد وفى ناس بتبيع ارخص منهم انتا كدة بتضر العضو وبتشتغل لمصلحتك انتا بس. لازم تفتخ المنافسة بين اللى بيبيعوا والعضو يقرر هيشترى من مين والسعر المناسب لية لان كدة الاسعار عمرها مترخص ومش معقولة فى حاجة بتفضل ثابتة على سعرها على طوول . والقانون لا يحمى المغفلين يعنى لو واحد اتسرق دى تبقى مسئوليتة وعشان كدة عندى طلب للمشرفيين انهم يبقوا وسطاء فى عملية البيع والشراء عشان السوق يمشى واللى عندة حاجة يبقى بيبيعها وهوا مطمن لان لو هنفضل خايفين ان مشرف يكون فاسد ويسرق الاعضاء يبقى عمرنا ماهنعمل حاجة وبعدين الفاسد يتشال ونجيب واحد غيرة وتحاولو تخدموا الاعضاء على قد ماتقدر وتقدموا خدمات جديدة .
وفى الاخر احب اقول ان دة نقد للعمل وليس للشخص والمشرفيين كلهم اخواتى وربنا يوفقهم فى مهمتهم ويعينهم
فى امان الله