انت كلامك صح 100%
انا كنت في سنة 2 ثانوى عام ومجبتش مجموع حلو عشان الظروف
المادية مكنتش كويسة عشان اخود دروس
فمجبتش مجموع حلو اصلا وانت تخيل كيدة واحد في ثانوية عامة ومبيخودش دروس وبيلعب silkroad هيجيب كام المهم نجحت
بس انا قررت ونفذت كمان
1_كان معايا 2 اكونت واحد لفل 108 والتاني 106
بعتهم
2_قولت دة اخر شهر في النت ومش هجدد اشتراك تاني
3_هبدء دروس من اول النهاردة 7/22
والظروف المادية بقيت احسن من السنة اللي فاتت فبقي مفيش عذر اتمسك بية
وقررت اجيب مجموع في سنة 3 والله المستعان
دة قرارى عشان دة مستقبلي ولو متعبتش دلوقتي هتعب بعدين الي ما لا نهاية
فقررت اني اتعب بجد عشان استريح بعدين
واللعبة دى خدت مني مدتنيش ولو متعبتش السنة دى هيبقي ولا ليا اى لازمة بعد كيدة
دة قرارى والله المستعان
اقتباس:
المشاركة الأصلية كتبت بواسطة _d34d_
و الله العظيم انا كنت كل سنة ( الاول ~ الخامس ) .. لحد ما عرفت سيلكرود مش عارف ايه اللي جرالي خليت اني اجيب اللفل ده اول اولوياتي و بعد كده المذاكرة .. و عمال اضحك علي نفسي و اقنع نفسي اني بذاكر ( في مدرستنا النتيجة كانت بالتقدير مش بالدرجات ) و امتياز كان ( 85% ~ 100% ) ف كنت فاكر ان درجتي كويسة لغاية الشهادة لقيت ال90% مش هتدخلني غير حقوق
بس انا املي كبير ان شاء الله في اخر 3 سنين لاني كنت عارف ان المجموع ده بسبب ان انا مش بذاكر مش بسبب مستوايا و الحمد لله سبت سيلكرود خالص و ابتديت اقرب من ربنا شوية و ان شاء الله اصلح حاجات كتيرة في حياتي في رمضان الجاي و ادخل الكلية اللي نفسي فيها
اقتباس:
المشاركة الأصلية كتبت بواسطة fightercool55
الموضوع حلو و فكرته حلوه ولازم نحلم و نتخيل علشان نعيش ....
انا نفسي اكون حاجه كويسه في الجيش علشان نحرر فلسطين و اموت شهيد املي في حياتي اني اموت شهيد ( لدرجه في يوم و انا صغير كنت عاوز اروح فبسطين ) و انا بحرر بلد عربي و ان شاء الله هيتحقق و انا السنه الجايه هدخل الحربيه وانا بجهز نفسي من دلوقتي .....
اقتباس:
المشاركة الأصلية كتبت بواسطة hema 2010
احنا هنفضل نحلم لامتى !
هو مش هيجى يوم واحلامنا تتحق؟
اما انا نفسى اجيب مجموع كويس فى الثانوية وادخل كلية عالية والناس تفتخر بيا
انا فى الابتدائية جبت 96% او 95% وكنت فرحان جداااااا وكلو فرحان
لعبت سيلك رود من اول تالته اعدادى لقيت نفى مستواى نزل ل90% واستقر عند كده
وبنجح بالعافية وكنت ايام الامتحانات بافتحها برضو
عشان كده هابطلها ان شاء الله
واى حد رايح الثانوية العامة يبطلها يا جدعان عشان هى دى اللى هاتحدد مستقبلك
وشكرا
اقتباس:
المشاركة الأصلية كتبت بواسطة poiu
أكيد أنا معاك في كل كلمة إنت جولتها يا بيبي
و إن شاء الله أنا ناوي علي طب أسنان القاهرة إن شاء الله
أنا جبي النة دية 95.6 طبعا زفت بس أنا معترف إني أنا كنت مقصر السنة دية أوي :(
بس إن شاء الله هجتهد أكتر و هعمل أكتر و أكتر و هقترب من الله أكتر
عشان يوفقني إن شاء الله و أدخل الكلية إلي أنا عايزها إن شاء الله
موضوع حلو - بجد عايزين نقاش هادف
اقتباس:
المشاركة الأصلية كتبت بواسطة 7amomagzara
والله انت كلامك زاي الفل بس خلاص بعد ايه انا حلمي اتكسر بعد ما جبت 70% في تانية ثانوي كان نفسي ادخل كلية علوم قسم كيمياء بس خلاص باقا النصيب انا خلاص اذاكير و ادخل اي كلية و خلاص
اقتباس:
المشاركة الأصلية كتبت بواسطة fire33
موضوع جميل يا احمد
بس للاسف لما تبقا انطباعاتك عن اتلعليم زفت
وشايف المؤسسة التعليمية زفت
وعارف ان نوابغ كتير من المصريين بيتظلمو فى الثانوى بسبب النظام الخرا ده
وفى نفس الوقت ، الكلية اللى نفسك فيها محتاجة مجموع عالى من مواد مش هتحتاجها فيها !!!!!!
العامل النفسى عليه شغل كبير بردو
انا جبت 90% وشفت الورق بتاعى شفت الاستهبال بتاع التصحيح
حتى لو بقيت 91% فيها فرصة انى اعوض السنة الجاية
عارف كل ده ، بس حرام يبنو مستقبل انسان على قدرته على الحفظ والصب فى ورق الامتحان
وربنا هيحاسب كل القائمين على الكلام ده يوم الدين
وافتكر كلمتى ساعتها
والف شكر على النقاش الحار ده ، ياراجل انا عرقت ^^