|
||||||
 |
|
|
أدوات الموضوع | انواع عرض الموضوع |
23-06-2011, 06:14 AM
|
#1 | ||||||||||
  
|
السلام عليكم يا شباب ~¤¦¦§¦¦¤~ تعلم كيفية تكوين بارتي اوربي سليم ~¤¦¦§¦¦¤~ اعتقد في اللعبه دي برغم ان فيها اوربي وصيني بس محدش بيلعب صيني غير بنسبة قليلة جدا قد لا تتعدي ال5% من اللى بيلعبوا لان طبعا كلنا لعبنا في جميع السيرفرات الخاصة وزهقنا من الصيني وانو على طول لوحدوا فى البارتيات فالكل كان مشتاق للاوربي وعمل الكراكتر بتاعو اوربي بس ظهرت مشكلة بواجهها كتيير جدا في اللعبه من جميع الجنسيات وهيه ان كتير من اللى بيلعبوا مش عارفين يلعبوا ازاى يعني انا نفسي لما بدخل بارتي او لما افرمت بارتي بمجرد ما بجمع الناس بقول لكل واحد حيعمل ايه وحتي الاسكيلات اللى حيستخدموها بقولهم حيعملوا ايه فيها عشان كدا انا حبيت اني اشرح كدا شرح بسيط للبارتي الاروبي ممكن يكون فيه اخطاء اكيد بس من وجهة نظري عشان البارتي يكون سليم لازم يكون كل واحد عارف هوا بيعمل ايه وبيستخدم ايه اولا البارتي الاوربي زي ما كتير منكم عارف بيتكون من 8 افراد بالتقسيمه التالية 2 واريور 3 ويزارد 1 كليرك 2 بارد احيانا بتكون فيه اختلافات شكليه مش بتأثر كتير عالمضمون لو بارد اتبدل بويزارد او واريور بويزارد بتختلف على حسب اللفلات اللى في البارتي وبكدا يكونوا 8 بس ياتري ايه وظيفة كل واحد في البارتي؟ اولا عشان تبدا تعمل بارتي بالاسلوب دا بيبدا من لفل فوق ال30 يعني ممكن من اول ما بتوصل لموبات الاونج والكوكارو يعني في الفلات اللى اقل من كدا اعتقد البارتي بيكون اي حاجة لانك كدا كدا بتلفل بسرعه جدا مش محتاج تعمل نظام معين لكن كل لما بتعلي بتحتاج بتبدا تحتاج اكسبرينس اكتر وبتطول عشان تجيب اللفل علي عكس مثلا لما تكون لفل 1 وتضرب موب لفل 4 يجيبلك لفل 3 هههه اولا عشان كلكم تكونوا فاهمين اى تقاعص في دور اي واحد من اللى فى البارتي اما البارتي بيموت او الاكسبرينس بيقل وطبعا انته بتلفل عشان توصل لاعلي لفل وباقل خساير ممكنة من غير ما تموت يعني البارتي الاوربي عبارة عن شبكة اى جزء بيقع منها الباقي بيقعوا اى بيكونوا اقل حتي البارد اللى زي ما انتوا اكيد عارفين مش بيعمل حاجة بيدخل يدي لنفسوا مانا وخلاص لما ميضربش الاسكيلات بيقلل الاكسبرينس البارتي وحتعرفوا السبب ~¤¦¦§¦¦¤~ تعلم كيفية تكوين بارتي اوربي سليم ~¤¦¦§¦¦¤~ اولا انا حاسرد السكيلات المهمة جدا اللى هيه تعتبر بفات للويزارد والكليرك والواريور والبارد كمان warrior اول ما بيتجمع البارتي الواريور بيكون عندوا بافات معينه لازم يديها للويزارد وللكليرك وهي كالتالي بشرح عملها phy fence ودي مهمة جدا عشان لما اى موب بيضرب الويزارد او الكليرك الواريور بيمتص جزء من الضربة وبتنزل عليه هوا واحيانا مش لازم الواريور يديها للكليريك عشان ممكن يموت وهوا بيجمع موبات دا لو كان الكليريك STR pain qouta ودي برضو مهمة لان اى ويزارد او كليرك بيتضرب بتمتص جزء من الضربة وتقسمها على البارتي كلوا وبتلاحظها وانته بتضرب على هيئة رقم اصفر بيظهر فوق افراد البارتي magical fence ودي مش مهمة اوي بس وجدودها مهم لو رحت تضرب في موبات ماجيك زي مثلا الnacha فى الكهف وغيرها وهيه بتكون بديلة لل phy fence لو الموبات ماجيك protect ودي بتبقي مهمة جدا برضو لان الويزارد بيكون دمو قليل زي مانتوا عارفين لانو كمان بيضرب الLife Control اللى بتقلل دمو النص الاسكلاية دي بتخلي الموب وانته بتضربه يسيبك ويروح للواريور بتاع البارتي screens ودي 3 اسكلات بتنزل في لفلات مختلفة بتديها للى معاك في البارتي لو عليه موبات كتيير مثلا لو الكليرك ضارب الRecovery Division الموبات كلها بتتجمع عليه لو لقيت دمو بيقل بسرعه وحيموت بتديهالوا طبعا كل دي بفات مش ليك انته لكن بالنسبة للبفات المهمة ليك انته كواريور ثلاثة iron skin + mana skin ودي بتقوي الدفاع بتاعك لو انته مجمع موبات كتيير وطبعا علي حسب الموب ضربته ايه بتضرب الاسكلايه اللى زيه vital increase ودي بتزود دمك بحيث ان ممكن يبقي لفلك 81 واريور 15 الف لو ضربتها ممكن يبقي دمك 23 الف ودي طبعا لا غني عنها مع ان كتيير جدا مش بيستخدموها او بينسوها بعد ما بتخلص او غيروا ودا بيكون سبب كبير في موته لانه لو كان ضاربها وخلصت وهوا بيجمع موبات وهوا متعود لمدة نص ساعه انه مش حيموت لانه عارف دمو عالي بيها فلما بتخلص وهوا مش مركز في اسكلاته بيموت بسهوله واكتر حاجة بتكون سبب في موت البارتي ان الواريور ينسي يدي الويزارد والكليريك الPain qouta وتلاقي يا عيني الويزارد ولا الكليريك عمال يعيط ويقول ايديني كذا واديني كذا وانته مركز في الموبات ومنفض باقي الاسكلات دي بتاعتك انته انا عن نفسي شايف ان مش لازم الواريور يجيب دامج انا ماسك سوس 42 في ايدي وبجيب 20 في الموب وقشطة يعني المهم بالنسبة ليا الباف بتاعتي واكون فول فارم فيها وكدا كدا حيجي وقت واعمل فارم براحتي لما ينزل بوت في موبات 98 ويفضل انك تكون بتستخدم ون هاند وشيلد عشان تقلل من الضربات عليك بالشيلد وكمان تاخد بيه بلوك ~¤¦¦§¦¦¤~ تعلم كيفية تكوين بارتي اوربي سليم ~¤¦¦§¦¦¤~ cleric تاني حاجة فى البارتي هيه الكليريك والكليريك منو نوعين int ودا بيكون نسبيا حلو في البارتي وطبعا دمو قليل فبيحتاج لبفات واريور كامله str ودا كويس برضو ودمو عالي بس طبعا لو البارد مش مركز او مش بيديلوا مانا على طول البارتي بتبوظ بسهولة واحيانا مش بياخد الphy fence طبعا اسكيلات الكليريك معروفة وللتاكيد عليها str + int + body blessing + soul كلهم مهمين وبيكونوا موجودين في اخر اسكلات الكليريت تحت يمكن الاخيرة اللي مش شرط تستخدمها لان غالبيه الموبات اللى بتضربها بتكون فيزيكال اخر اتنين دول بتديهم لكل افراد البارتي حتي الواريور وحتي انته ذات نفسك لازم تديها لنفسك عشان تزود الديفنس بتاعك الاربع بفات دول بتديهم بمجرد ما البارتي بيتجمع وقبل ما تتحرك من مكانك طبعا بتدي من اول بافتين اللى هما بيزودوا نقاط الصحة والسحر int + str للويزارد اللى في البارتي ودول بتحددهم لما بتسال لان احيانا بيكون فيه كذا واحد بارد ومش بتعرف مين فيهم اللى ويزارد وبكدا بيتفضل واحدة وواحدة من الint + str ودول بيكونوا بمزاجك بس الاحسن تدي الstr للواريور اللى لفلوا اقل من الاتنين اللى فى البارتي وتدي الint للبارد اللى هوا مثلا strenth يعني هوا بارد وواريور او بارد وكروس بو عشان بيكون الmp بتاعو قليل ومش بيعرف يستخدم الmana cycle الى هيه بتزود الام بي بتاع البارتي وبعد كدا ممكن البارتي يبدا ودوره وقتها بيكون الهيلات يعني بيستخدم اسكيلات تزود دم البارتي بس طبعا المفروض ان لو انته int متستخدمهاش بهبل خصوصا لو مش سايب الجهاز ومشغل الكي بريسر وقايم يعني طبعا قاعد المفروض انك بتستخدم الheal بتاعتك بذكاء يعني من الطبيعي ان اما واحد من الواريور بيجمع موبات والتاني بيعمل دفاع للبارتي من الموبات او الاتنين بيجمعوا موبات وانته اللى غالبا بتستقبل الموبات لانك بتكون ضارب اسكلايه recovery division ودي بتخلي الموبات تسيب اللى فى البارتي وتيجي عليك الا لو واحد ويزارد بيضرب فيه ممكن يروحلة او واريور بيضرب او مديلك سكلايه protect زي ما قلت فوق الهيلات مش بتستخدم فيها غير healing cycle + healing division + group healing + group recovery وطيعا لما الاسكيلات دي بتتمكس بينزل غيرها وبتضطر تفتحها هيه كمان عشان تكون كليريك مستوي احسن الhealing cycle حاول دايما تديها لنفسك وللواريور وهوا رايح يجمع موبات عشان دموا ميقلش اوي ويموت دا لو انته اكتف يعني ومش عاوز البارتي بتاعك يموت والهيلات دي حاول متستخدمها كتيير لانها بتخلي الموبات كلها تجري عليك group healing طبعا لو الواريور مات يفضل تديلوا الريس السودا Reverse oblatin وبيكون اسمها اما لو واحد ويزارد مات تديلوا الريس العادية reverse افضل لان كتيير منهم بيستهبوا وميشيلوهاش غير لما تخلص لوحدها عشان ميموتوش وطبعا الdmg بتاعهم بيكون قليل جدا وطبعا في ال blessin sbell ودي مهمة جدا لما تكون الموبات كتيير والبارتي حيموت بتضربها بتقعد 40 ثانية بتدي لكل افراد البارتي ديفنس عالي وكل ما بتعليها طبعا كل ما الديفنس بيكون اقوي في لفل 80 بيكون فيه اسكلايه اسمها healing orbit ودي بتوفر على الكليريك انو يفضل يدوس علي كل واحد ويديلوا healing cycle لانها بتدي لكل افراد البارتي hp لمدة 16 ثانية ~¤¦¦§¦¦¤~ تعلم كيفية تكوين بارتي اوربي سليم ~¤¦¦§¦¦¤~ wizard اما الويزارد فدوره سهل يعني ومش محتاج شرح هوا مش بيضرب ولا موب لغايه ما بياخد البافات بتاعته كاملة زي ما قلت في الواريور لازم اهم 3 فيهم يكونوا معاك pain qouta + protect + phy fence وحاول تستخدم كمان الearth barier لانها بتزود نسبة امتصاص الضربات لمدة كام ثانية لو الموبات كتيير لو برضو الكليريك نايم ومضربش bless spell وطبعا بمجرد ما تاخد بفاتك بتضرب عادي جدا بس تستخدم الlife control الاول طبعا عشان الdmg بتاعك انته الوحيد الى بيجيب الاكسبرينس البارتي لكل الواريور والكليرك والبارد التانين لو انته بتضرب على طول ومش بتريح خالص عشان الام بي ميخلصش منك وتفضل تشتم في البارد عشان يديلك mana cycele يفضل انك تعمل التالي دا لو انته اقل من ال80 لان بتجيلك ضربة الايرث والسنو فبيتحسن انته تضرب واحدة fire bolt وبعدها ضربه earth shock وبعدها ضربة ice bolt اللى بتضرب موب واحد بعدها snow wind اللى بتجمع وتبدا تعيد من اول وجديد لان fire bolt وice bolt الى بتضرب موب واحد بس مش بتسحب مانا كتيير وبتخليك تعمل توازن بين ضرباتك والام بي اللى بتستخدمة وطبعا بما ان الجولد بيكون كتيير فيستحسن انك تكون شاري ام بي اعلي من مستواك ~¤¦¦§¦¦¤~ تعلم كيفية تكوين بارتي اوربي سليم ~¤¦¦§¦¦¤~ bard والبارد طبعا دوره سهل جدا وبيكون في امان اكبر بكتيير من باقيه افراد البارتي مع ان مش بيكون معاه بفات كليريك ولا بفات واريور بس عندوا سكلاية بتخلي الموبات اعلي منو ب10 لفلات متشفهوش فبيفضل واقف مش بيموت كتيير الا لو بيضرب في موبات اعلي من مستوي الاسكلايه بتاعتو زي مثلا لو لفل 70 ودخلت موبات 82 في كهف جنجان لو اى موب واقف جمبك وانته ضارب الاسكلايه دي حيضربك برضو لان مستواه اعلي منها اما اسكلاته عباره عن 4 حجات غالبا هما اللى بيستخدموا فى البارتي لو واحد من الاتنين البارد streanth يفضل ان هوا اللى يضرب الguard tambour لو الاتنين streanth يبقي واحد يضرب الtambour واالتاني يضرب الdance of magic والhit march وبيطلب التاني من الكليريك يديله واحدة int عشان الmp بتاعه بيكون بيقل بسرعه لان guard tambour + damce of magic + hit march بيسحبوا من الام بي بتاع البارد اما بالنسبة للهيلات هيه هيله واحدة يتيمة بيستخدموها وبيدوا بيها وهيه الmana cycle لو الكليريك str مهم جدا انك تفضل تديلو مانا على طول والا مش حيعرف يعمل بفات وحيموت البارتي يعني برغم انك مش بتعمل حاجة ولا بتضرب ولا غيروا بس ممكن بسببك البارتي كلوا يموت ومن بعد لفل 90 بتجيلك واحدة زي المانا سايكل بس بتدي لكل اللى فى البارتي مانا على طول لمدة 16 ثانية وبيكون اسمها mana orbit للعلم مينفعش واحد بارد لوحده يضرب الdance of magic هوا بيقدر يضرب الgurard tambour او الhit march ولازم بارد تاني عشان تضرب الدانس والdance دي بتزود dmg بتاع الويزارد بنسبة بتكون موجودة على الاسكلايه لو جيت عليها بالماوس ممكن 22-27 وغيروا احيانا لو الكليريك عالي او مش حيموت بسهوله بيتم استبدال واحد منهم بويزارد بياخد بفات الواريور بتاعت الكليريك ~¤¦¦§¦¦¤~ تعلم كيفية تكوين بارتي اوربي سليم ~¤¦¦§¦¦¤~ warlock واحيانا بيستبدل واحد وارلوك مكان واحد من الويزارد صراحة انا مش عارف فيه كتير ولا في اسكلاته بس فيه debuffs بتديها للموبات بتخلي الديفنس بتاعه يبقي ضعيف جدا وممكن بدل ما الويزارد بيجيب 10 الاف دامج بيجيب 16-17 الف دمج ودا طبعا كويس جدا وبيعوض عدم وجود ويزارد مكانوا بالاضافه ان عندوا شوية ضربات برضو وبيسحب دم من الموبات وكدا اما بقي الكروس بو والداجر مش بيكون ليهم اى قيمة في البارتي الاوربي لان ضرباتهم بتكون لموب واحد بس مش زي الويزارد ولو واحد البيلد بتاعو كروس بو او داجر يفضل انو يعلي شوية في السلاح التاني بتاعو سواء كليريك او بارد والا مش حيعرف يدخل في بارتي اوربي سليم بس لو في البارتي واحد ويزارد عالي شوية بيتم استبدال واحد ويزارد بالكروس بو عشان يجمع موبات من بعيد وكدا بس طبعا مش دايما بتلاقي حد ويزارد عالي يدخل البارتي يساعد الا لو صاحب حد في البارتي او مش لاقي بارتي لفلو ~¤¦¦§¦¦¤~ تعلم كيفية تكوين بارتي اوربي سليم ~¤¦¦§¦¦¤~ طبعا زي ما قلت هوا دا البارتي الاوربي اى خلل ممكن ياثر فيه حتي البارد ممكن يكونوا سبب موت البارتي انا كنت بلعب في سيرفر بيلعب باسلوب legit يعني شرعي ممنوع فيه البوت وكنت متعود على البارتيات دي وكنا بنتأسس وبنأسس اى حد جديد مستوي قليل او مستوي عالي مش فاهم يعني ايه بارتي اوربي بحيث اننا كنا بنروح لموبات اعلي مننا ب15 لفل وبنضرب فيها يعني الكهف واحنا مستوي 50 كنا بنروح نضرب فيها اي نعم كنا بنموت بس في المقابل الاكسبرينس كان زي اللوز وفي لفل 57-58 كنا بنروح للنايا جوارد 73 بس طبعا لما جربت اني اعملها في ايليت فشلت لاني محتاج اعلم كل واحد حيعمل ايه بالاضافة ان بيطلع كذا واحد يقول اتنه فاكر نفسك فاهم وبيألس وكدا فبقيت بعمل زيهم وبدل ما بكون لفل 57 واروح النايا جوارد موبات 73 باحتاج اكون لفل 59-60 عشان ادخل في بارتي كهف موبات 62-64 الى مصبرني بس ان الاكسبرينس زي اللوز وطبعا بنلفل بسرعه ~¤¦¦§¦¦¤~ تعلم كيفية تكوين بارتي اوربي سليم ~¤¦¦§¦¦¤~ وفي النهاية حابب اراجعلكوا على اكتر الحجات اللى بتموت البارتي تاني 1- الواريور بينسي يضرب الvital increase اللى بتزود دمو وبيقول انا عاوز ضربتي تبقي قوية برغم ان ضربته تعتبر ولا حاجة جمب ضربه الويزارد 2- الواريور كل لما تخلص الpain qouta ينسي برضو يديها للناس اللى فى البارتي ودا بيخلي الديفنس اللى كان مع الويزارد او الكليريك يقل وبيكون عرضه انه يموت 3- الكليريك مش ضارب الrecovery division 4- الواريور بيجمع موبات كتير برغم انو شايف ان البارتي بتاعو الويزارد فيه لفلات صغيره 5- وكمان بيكون نفس رقم اربعه ان الكليريك مش بيضرب الbless spell عشان يحمي البارتي 6- ان يكون كل الويزارد او غالبيتهم ويزارد بارد فلو الكليريك مات مفيش حد يتصرف بسرعه وبكدا باقي الناس حتموت لان الrecovery وقفت والهيلات وقفت وكمان البفات خلصت 7- لو الكليريك str او حتي ان كان int وبيعمل هيلات والبارد مش بيديلوا mana cycle 8- ان البارد اللى فى البارتي مش ضارب الdance of magic فضربه الويزارد بتقل فالموبات تكتر وهما لسه بيموتوا في الموبات الاولانية فيموتوا 9- ودي الاخيرة وبتبقي لو البفات الاساسية للكليريك او الواريور اللى المفروض بتتجدد كل نص ساعه مش بتضرب فيموت ناس من البارتي يلا طولت عليكوا فى الكلام معلش بس حبيت اوضح للعرب اللى بيلعبوا اللعبه اسلوب اللعبه للى ميعرفش وطبعا كتيير ممكن يقول انته قديم وكدا بس صدقوني كتيير جدا مصريين بيلعبوا ميعرفوش مثلا ليه انا باطرد واحد كروس بو من البارتي وليه اطرد واحد واريور مات مرتين ولا حاجة برغم اني بقولوا اضرب الفيتال انكريس وهكذا منتظر الردود ~¤¦¦§¦¦¤~ تعلم كيفية تكوين بارتي اوربي سليم ~¤¦¦§¦¦¤~ |
||||||||||
|
| إعلانات google |
|
|
|
23-06-2011, 06:20 AM
|
#2 | ||||||||||
 
|
تسلمممممم  |
||||||||||
|
|
|
23-06-2011, 06:23 AM
|
#3 | ||||||||||
 
|
الموضوع الصراحة عجبنى تسلم يا جامد  |
||||||||||
|
|
|
23-06-2011, 06:32 AM
|
#4 | ||||||||||
 
|
جااااااااااااااااامد جدا جدا وتقيييم منى خمس نجوووووم بس بجد انا اول مره فى حياتى العب اوروبى وبلعب روج كليرك كروس بو وعايزك بجد تصورلى الاسكلز الى المفروض انزلها فى الروج علشان انا مش منزل حاجه خالص بليز بسرعه علشان انا كده مش فاهم فى الروج اى حاجه |
||||||||||
|
|
|
23-06-2011, 07:16 AM
|
#5 | ||||||||||
 
|
على فكرة موضوع تحفة خد ال 5* دووول .. |
||||||||||
|
|
|
23-06-2011, 07:27 AM
|
#6 | |||||||||||||
|
اقتباس:
اقتباس:
اقتباس:
تحياتي ليكوا |
|||||||||||||
|
|
|
23-06-2011, 07:29 AM
|
#7 | |||||||||||
|
اقتباس:
وبالنسبة لموضوع الروج انا مش حاقدر افيدك فيه اوي لاني ملعبتش بيه قبل كدا بس اقدر افيدك بالرابط دا من المنتدي هنا واكيد حيفيدك كتيير شوفوا وقلي ايه النظام معاك عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] |
|||||||||||
|
|
|
23-06-2011, 07:42 AM
|
#8 | ||||||||||
 
|
مع احترامى لكلام حضرتك بس فية غلط صغيرة كدة وهى 2 Warrior .. بوص يا معلم انا كنت على Isro والحمد لله كنت لفل 103 و 108 .. وعارف انا بتكلم ازاى وبقول اية .. البارتى السليم بيكون كالاتى : .. 4Wiz + 2Bard + 1Warrior + 1Cleric ومتقوليش غير كدة عشان انا بلعب من 5 سنين وعارف بقول اية بس عشان 70% من اللى بيلعب معانا فى سيرفر Elite كانوا من السيرفرات الخاصة مثل Sjsro , Swsro , Zszc , Mysro فا عمرهم ما لعبوا Euro اصلا ^_^ بس تقول اية بقا .. فرحانين بية .. ودة اللى مخليكو تقولو لازم 2 Warrior عشان الكليرك ياخود Warrior بف .. وال4 وزردات كمان ماشى الصح ان الوزردات تاخود بف .. انما الكليرك لا .. وشغلهم كالاتى : .. 2Bard .. عشان يعملو الDance والTambour والMana للبارتى كلة 4 Wiz .. عشان يضربوا الوحوش .. 1 Cleric .. بيدى الStr & Int لل4 وزردات .. والباقى بياخود Phy & Mag 1 Warrior .. بيدى ال4 وزردات بفات .. 2 منهم بياخود الPQ و 2 لا هتقول طب واللى لا دة يعمل اية هقولك مهو بيديلو Phy & Mag و ساعات بيديلو Screen او Protect هتقولى طب والبارد فين بفاتة ؟ هقولك البارد عندة الNoise ودة بيخلى الوحوش متجيش نحيتة اصلا ^_^ بس كدة .. ارجو انك تكون فهمت كلامى .. وتفهمه للناس اللى فاهما غلط -.- .. تحياتى .. |
||||||||||
|
|
|
23-06-2011, 08:29 AM
|
#9 | ||||||||||
  
|
شكـرا ليك يا برنس |
||||||||||
|
|
|
23-06-2011, 09:00 AM
|
#10 | |||||||||||
|
اقتباس:
بس مش في الموبات العالية اوي وروح عند موبات اعلي منك ب5-6 لفلات وقلي ايه اللى حيجرا معاك مستحيل الكلام دا دا الكليريك ذات نفسو بيموت بسهوله لو كان int ولو كان str والبارد مش مظبطوا بيموت برضو وغير كدا لنفترض ان فكرتك نجحت اكيد مش حتجمع نفس كمية الموبات زي ما الواريور التاني عامل اللفلات العالية ممكن اطبق فيهم كلامك بس في اللفلات القليلة اللى فيها الويزارد بياخد ضربه ويريح مستحيل دا يحصل ومنتظر رايك |
|||||||||||
|
|
|
23-06-2011, 10:08 AM
|
#11 | ||||||||||
 
|
lمشكور |
||||||||||
|
|
|
23-06-2011, 10:21 AM
|
#12 | ||||||||||
|
 |
||||||||||
|
|
|
23-06-2011, 10:28 AM
|
#13 | ||||||||||
|
لا فعلا موضوعك رائع |
||||||||||
|
|
|
23-06-2011, 10:37 AM
|
#14 | ||||||||||
 
|
مشكووووووور على الشرح |
||||||||||
|
|
|
23-06-2011, 11:40 AM
|
#15 | ||||||||||
|
مشكور |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| لبيع 8 اكوانتات اوربى من لفل 101 الى 114 بارتى كامل | مصر2 | Feronia | 22 | 06-11-2012 05:12 PM |
| طلب تكوين بارتي 102 | Shatto | Bellona | 1 | 04-04-2011 09:19 PM |
.gif){kind=icon}
العرض العادي
