للمصريين فقط

[Dolar]

السلام عليكم ورحمة الله وبركاتة

بعد السلام والتحية......

حضرتك كاتب مقال جميل جدا ولكن يعرض أكثر من فكرة فى موضوع واحد وهى (مصر) اول الموضوع جميل جدا وفية كلام سليم أن الانسان مهما يحصل لا يتباها بعيوب بلدة او عيوب حكومتوة لأن اذا كان صاحب الارض والبلد يسب ويلعن فيها أومال عايز الغريب يعمل أية وانا معا حضرتك فى الكلام دة كلة لكن الحدث الجديد الذى طراء علينا وانا أسمية فى نظرى (الامل الجديد) وهوا البرادعى انا عن نفسى أرشح الراجل دة هتقولى لية هقولك الراجل دة جاى يغير النظام راجل عاش بالخارج زى ماحضرتك قولت يعنى شاف النظام بالخارج وأهمية الانسان كشخص أدمى يعنى من الاخر راجل واخد طابع من بالخارج تانى حاجة حضرتك بتقول أنك هتنتخب الرئيس محمد حسنى مبارك تقدر تقولى انتا بقا على اية تنتخب هذا الراجل على اية على الناس اللى همها يعنى أنها تنام شباعة على الناس اللى ميتدخش حقها فى بلادها ولا على الناس اللى فى الخارج وحقهم المهدور ودة كتير جدا وأبرزها أخر حادثة فى لبنان هذا الناس العبث الذين تجردوا من مشاعر الرحمة والانسانية وفعلوا بما فعلوا بة ولا على الناس اللى واخدا أعلى الشهادات وقاعدين على القهاوى ولا عن الناس اللى مبتعرفش تكتب أسمها ويبقوا فى أعلى المناصب ولا اية ولا اية ولا اية..... يا راجل حرام عليك تقول أنتخبوة يا راجل أنظر أول حاجة للشعب المفحوم اللى متاكل حقة متجيش تقولى سياية واقتصاد تقدر حضرتك تقولى ما هيا فائدة الاقتصاد ومفيش شعب ياراجل أنزل الشارع واتفرج على الناس يصعبوا عليك وكل هذا فى عهدة بعد كل هذا أية اللى يخلينى أنتخب راجل زى دة قولى بالله عليك.

هذا رأى ووجهة نظرى لك كامل الحرية فى تقبلها او رفضها, أسف على التطويل فى الرد

[ahmd2010]

[QUOTE=mig25;2301842]


انا مش عايش فى مصر بس مؤمن بنظرية








الجزء الثالث :- ظاهرة البرادعى


سؤال للمناصرين ؟

البرادعى دا عاش فى مصر ؟ حاس بالناس اللى فى مصر ؟

حتقولى اه

حقول عليك كداب على طول الراجل من ساعة ما مسك الوكالة الدوليه ماجاش مصر ومفتكرش مصر و حريتها غير لما قالولوا كفاية عليك كدا


و طلع البرادعى يقول انا معايا شهادات مش مع رئيس عربى

من الاخر الشهادات بتاعتك دى ولا ليها لازمة معانا

حد يقدر يثولى لو حصل حرب حنلاقى البرادعى فين ؟

الاجابة جينيف

حد يقولى لو امريكا اقترحت مرة تانيا تتولى مسئوليات قناة السويس مقابل زيادة فى المعونات ايه حيكون رد البرادعى؟

القبول

حد يقولى لو حصل حرب مع اسرائيل تانى مين حيخطط للحرب عسكريا ؟

لو البرادعى الرئيس يقى عليه العوض

اولا انت بردو زيه مش عايش فى مصر عشان كده مش حاسس انت بس عايز مصر تبقى مظهرها حلو مش اكتر ميهمكش مصر من جوا على العموم ده رائيك و كل واحد حر

[mig25]

بص يا استاذ انا عايش بره مصر دلوقتى بقالى 3 سنين بس مش شغل بس دراسة و راجع على طول

فى فرق بينى و بين البرادعى

البرادعى اخد شهادته من مصر و اشتغل بره و مفتكرش مصر لما تقاعد او بالمعنى الاصح اتخنقوا منه و قالولوا بالسلامة


انا بقى رايح اخد علمهم اللى سبقانا بسنين و حرجع مصر اطبقه مش حروح دوله اجنبية

من واقع دراستى فى سنتين تأكدت ان حوالى 17 محافظة منهم العاصمة و ما حوالهم محتاجة اعادة تخطيط شامل يعنى

و انت بتقول عايز مصر شكلها حلو برة

اكيد انا سمعت كلام من جميع الجنسيات كله سب و شتيمة فى مصر و لما ترد عليه يقولك جرايدكو و شعبكوا هوا اللى بيقول مش احنا

و انا بقولها تانى جزء من المصريين فى الخارج بيرخصوا تمنهم مش الحكومة انا شفت عينة لايف قدام منى لغاية لما انا اللى كلمت اهله فى مصر و قولتلهم دا يرجع و فعلا رجع لما كترت مشاكله

الفرق بين المصرى اللى ممكن يعمل اى حاجة عشان الفلوس و المصرى اللى عندو كرامة

الشخصية الاولى :- استحقار تام من جميع ما حوله

الشخصية التانية :- احترام تام من الجميع لانه شخصية ترفض المتاجرة بسمعه بلده و كرامته


انت شفت العرب بيعملوا ايه مع المصريين و بتقول الحكومة هى السبب ؟

احب اقولك ان اى شخص مصرى بيروح يشتغل بيروح من ورا وزارة القوى العاملة بفيزا سياحة و بعدين بيقلبها عمل و يختم ورقه من السفاره

يعنى بدون علم الحكومة المصرية فى البلد الام


انا شم حتكلم كتير بس من الاخر زى ما قولت مشاكل بيتك تحلها فى بيتك مع اهل بيتك مش على القهوة مع اصحابك و الناس الغرب

[وائل شكرى]

على فكره انت كلامك منطقى جدا جدا جدا و يا ريت تكمل موضوعك ده و لو الاداره سمحت انه يتثبت و لو لمده اسبوع بس يبقا كتر خيرهم اوى علشان كل الاعضاء يقدرو يطلعو على الموضوع ... شكرا لصاحب الموضوع

[dodoss]

اهدوا ياشباب اهدوا

المسألة مش البرادعى ولا ايمن نور ولا غيرهم

الموضوع كلة بيضور فى كلمتين هيلخص كل دة


الشعب المصرى عموما او بنسبة 90 % منهم

ماسكين فى ديل الحكومة كأنها امهم التى خلفتهم

تانى حاجة

بردعى ايمن نور غيرهم لو حتى الجنزورى او عمرو موسى

او مهما ان كان
اللى عيزاة الحكومة هوة اللى هيتم

واقولك فى الاخر واللى يعيش يفكر التانى لو الرئيس محمد حسنى مبارك

لم ينجح فى الدورة القادمة فلك ان تتوقع ان ابنة موجوووووووووووووووود

اما عن حكاية اللى بيغلط فى مصر ويقول مصر فيها فساد مصر زبالة

والرد جاهز وهقول الية

هوة مين اللى بيرمى الزبالة احنا ولا مصر

ويبقى السؤال ؟ هل العيب فينا ام العيب فى مصر ؟؟؟

سؤال يطرح نفسة

العيب فينا ام العيب فى مصر ؟؟؟؟

ولو هنقول عن الفساد اللى فى مصر

هرد عليك واقول اليك الفساد فى كل مكان حتى فى امريكا نفسها

وارجع واقولك
مشكوووووووووووووووور اخى على فتح باب المناقشة فى هذا الموضوع

بس عندى ملحوظة

احنا محتاجين ( عمر بن الخطاب )


تانى


عشان كلمة واحدة قالها

( لو تعطلت دابة فى الشام احاسب عليها )

[TiTO__TiTO]

انت راجل مية مية و كلامك كلو مظبوط

[noty2009]

البلد الصراحه عايز واحد زى جمال عبد الناصر او محمد على وقت ما كان جمال عبد الناصر موجود ربنا يرحمه كنا دوله الكل
بيحترمها اولا العيب فى حسنى لان لما الرئيس هيكسل الشعب هيكسل شوف الشعب كان شغال ازاى وقت جمال عبد الناصر و بعدين الى عمال يشتم فى بلده دى لو البلد مش عجباك سافر و الناس بدل ما تشتم بلدها شوف هى عملت ايه للبلد انت شوف هدفك ايه لما تخلص علشان تشتغل و انا عن نفسى ليه هدف معين نفسى اشتغل فيه و ربنا يهدى الجميع و يصلح حال البلد و لو سمحت محدش يشتم مصر لان الى يشتم بلده ما يستحقش يعيش فيها :mat::mat:

[hmadaelmasrye90]

السلام عليكم ورحمة الله وبركاته

رد على الاستاذ اللى كاتب الموضوع

انا عاوز اقولك لحضرتك علىى حاجه حلوه

ايام الحروب والفساااد والكلام ده كله سعر كيلو اللحمه عمره ما وصل 60ج

وعمر رغيف العيش ما وصل 50قرش والعيش المدعم الناس ماكنتش بتقف عليه طوابير ولا بتستناه من الساعه 6صباحآ

ده ايام الحروب والفساد

تعالى بقى قولى هنا

من 30سنه واكتر

عمرك سمعت عن حاجه سعرها نزل ؟؟؟؟؟؟؟؟؟؟؟؟؟؟؟

يبقى مين احسن اعيش فى حرب واموت شهيد انا وكل اهلى بس عارف اعيش

وعايش بكرامه ولا

اعيش من غير حرب بس مش لاقى رغيف العيش

ولا عارف اتجوز والنداله بقى فى البلد بالكيلو

بصراحه انا مش قادر اقولك كل اللى جوايه لانه مش هينفع بس زى ما الراجل قالك

انت بتقول كده عشان انت مش عايش فيها

تعالى اقعد فيها وحاول تعمل رخصه لعربيتك شوف هيحصلك ايه

ولا تروح قسم شرطه وحاول تعمل محضر كده حتى لو انت مظلوم

او بلاش

نفرض ان واحد زى سلطه فى البلد اعتدا عليك راااااااااجل من ضهر راااااااجل اقف قصاده

قليل لو ما سجنكش انت وعيلتك كلها اسف فى التعبير بس انا عاوز اوصلط معلومه يارب تكون وصلتك

والسلام ختام

[mig25]

المشاركة الأصلية كتبت بواسطة noty2009 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

البلد الصراحه عايز واحد زى جمال عبد الناصر او محمد على وقت ما كان جمال عبد الناصر موجود ربنا يرحمه كنا دوله الكل
بيحترمها اولا العيب فى حسنى لان لما الرئيس هيكسل الشعب هيكسل شوف الشعب كان شغال ازاى وقت جمال عبد الناصر و بعدين الى عمال يشتم فى بلده دى لو البلد مش عجباك سافر و الناس بدل ما تشتم بلدها شوف هى عملت ايه للبلد انت شوف هدفك ايه لما تخلص علشان تشتغل و انا عن نفسى ليه هدف معين نفسى اشتغل فيه و ربنا يهدى الجميع و يصلح حال البلد و لو سمحت محدش يشتم مصر لان الى يشتم بلده ما يستحقش يعيش فيها :mat::mat:

طبعا جمال عبد الناصر عمل نهضة صناعية محدش يشكك و فى القت دا كان بيشغل الشغب و بيلاعبهم على الوتر الحساس بس ميمنعش انه على الاقل حاول

المشاركة الأصلية كتبت بواسطة hmadaelmasrye90 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السلام عليكم ورحمة الله وبركاته

رد على الاستاذ اللى كاتب الموضوع

انا عاوز اقولك لحضرتك علىى حاجه حلوه

ايام الحروب والفساااد والكلام ده كله سعر كيلو اللحمه عمره ما وصل 60ج

وعمر رغيف العيش ما وصل 50قرش والعيش المدعم الناس ماكنتش بتقف عليه طوابير ولا بتستناه من الساعه 6صباحآ

ده ايام الحروب والفساد

تعالى بقى قولى هنا

من 30سنه واكتر

عمرك سمعت عن حاجه سعرها نزل ؟؟؟؟؟؟؟؟؟؟؟؟؟؟؟

يبقى مين احسن اعيش فى حرب واموت شهيد انا وكل اهلى بس عارف اعيش

وعايش بكرامه ولا

اعيش من غير حرب بس مش لاقى رغيف العيش

ولا عارف اتجوز والنداله بقى فى البلد بالكيلو

بصراحه انا مش قادر اقولك كل اللى جوايه لانه مش هينفع بس زى ما الراجل قالك

انت بتقول كده عشان انت مش عايش فيها

تعالى اقعد فيها وحاول تعمل رخصه لعربيتك شوف هيحصلك ايه

ولا تروح قسم شرطه وحاول تعمل محضر كده حتى لو انت مظلوم

او بلاش

نفرض ان واحد زى سلطه فى البلد اعتدا عليك راااااااااجل من ضهر راااااااجل اقف قصاده

قليل لو ما سجنكش انت وعيلتك كلها اسف فى التعبير بس انا عاوز اوصلط معلومه يارب تكون وصلتك

والسلام ختام

حضرتك ايام جمال عبد الناصر كان تعداد سكان مصر من 30:35 مليون شوف دلوقتى بقينا فوق ال 80 مليون

يعنى دبل

التنمية كانت شغالة لان الناس كانت بتراعى ربنا فى شغلها و مكنش فيه كسل

متجبش كل حاجة على الحكومة لان الحكومة وظيفتها تساعد مش تقوم بدورك انت لوحدك و انت تايم فى بيتك


تعالى بقى مين قالك انى محصليش مشاكل و بينى و ناس جامدة فى البلد حتى ساعات انى كنت حاسس انى انا صانع المشاكل الوحيد و الاسوأ حظا


خد عندك

بعد امتحانات الثانوية العامة بتاعتى كنت صايع انا فى اماكن كتير

لحد لما حصلت مشكلة معايا و اتخانقت مع واحد بعد ما روحنا القسم انا و هوا و الناس اللى معانا عرفت انه عضو مجلس شعب واتغيرت فعلا المعاملة بس صاحبك لسانه طويل لا بيهمه عضو فى البرلمان و لا رئيس وزراء

يعنى الظابط قاله يتفضل يقعد و قال الظابط يكرمنى انا و صحابى و اتاخدنا فى غرفة تانية خالص

اللى حيمد ايده عليا حاكسر ايده و رجله كمان و المخبر اللى عمل فيها برم اخد بالجزمة قدام ناس و كان طالع يجرى

و كملت بشوية حاجات والدى و عمى جم اخدونى ووالدى حلف انه الظابط دا مش حيعقد فى القسم دا اكتر من 4 ايام

وفعلا بعد 2 يومين كنا فى مكتب المحامى العام و اتكتب تقرير فى الظابط و اتحول للتحقيق

تعرف ليه

عشان انا قلت كلمه واحدة انا وكيلى ربنا


و على فكرة اتحبست 3 ايام و كان معايا ابن عضو فى مجلش الشعب و معرفش يطلعه غير لما والدى تنازل مفابل عدم تعرض ابنه ليا تانى وطلعت

مع انى كان اقل شئوالدى ممكن يقدر يعمله انه يكلم عمى و دا راجل بردوا واصل

و انا اساسا عيلة والدتى هما عيلة الفايد و اظن دول معروفين و والدى رفض اى تدخل من اى جهه

و اتعلمت حاجه

قلب جرئ + طاعة ربنا + مواجهه الموقف بروح عاليه + ثقة فى النفس= حقك حيفضل معاك



على فكرة انا والدى مستشار معروف جوا و برا مصر بس هوا راجل عادى عايز يربى اولاده و يطمن عليهم عشان يستريح




الخلاصة لا ابن غفير و لا ابن وزير يقدر يعملك حاجة طالما انت صاحب الحق بلاش كلام الافلام اللى من كترها صدقناها