رسالة الى كارهى تامر

[ROAD_KILLER]

ربنا يهدى الجميع
بس انا عايز اقولك على حاجة
انت بتقول ان لو تامر حسنى صد بنت من البنات وهى بتحضنه هيبقى شكله وحش
اعتقد انه يبقى شكله وحش فى الدنيا احسن من الأخرة
وبعدين انتم بتحبوه قوى خلاص يا ريت تنصحوه يبطل الحاجات دى

[osama_husien]

السلام عليكم ورحمة الله وبركاته

فى الأول أحب أوضح إن معظم اللى مش بيحبوا تامر ( مش بيحبوه كشخصيه ) لتصرفاته وحركاته الأوفر اوى اللى بيعملها

واللى طبعا بتأثر على اللى بيتفرجوا عليه من الجيل الجديد ( مش حكايه بقه عشان شعبيته و البنات اللى بتترمي عليه والحجات دي )

تامر كصوت ممتاز وليه أغانى كتير حلوه لكن لما يجي حد وينتقده مش هاينتقد صوته بس لإن هو بيعمل كليبات للأغانى بتاعته

زيه زي كل المغنيين فمينفعش أنك تقول أنتقده كصوت طيب ازااي ؟؟؟ الكلام ده لو مفيش كليب للأغنيه فيبقه تصرفاته اللى بره

الأغاني هو حر فيها بقه لكن أى تصرف فى كليب بيعملوا لازم طبعا يبقه فى تعليق ونقد عليه

أما حكايه المقارنه بين عمرو دياب و تامر حسني طبعا مينفعش نقارن بينهم خالص

مش عشان تامر وحش ولا عشان عمرو بيغني بقاله 30 سنه لاء طبعا

تامر ليه شعبيته وعمرو ليه شعبيته بس مينفعش تقارن بينهم مش هاعرف أوضحلك وجهة نظري بس هاقولك مثال

ينفع تقارن بين (( محمد أبوتريكه و شيكابالا )) مع إن الأتنين مهاريين وكل واحد فيهم ليه شعبيته ( ياريت تكون فهمت قصدي )

وتقبل مروري