Guild _EGYPT_Back

[zoroo2006]

المشاركة الأصلية كتبت بواسطة adham sabry

بسم الله الرحمن الرحيم

السلام عليكم ورحمة الله وبركاتة

انا مش هتكلم بلغة البلاغة اللى متعود عليها والخطابة والردود الدبلوماسية انا هتكلم وهقول كل اللى فى قلبى

مش هحكى قصة حياتى ولا هقول كلام ملهوش لزمة مش هيستفاد بية عضو المنتدى

القصة كلها ابسط ما اى شخص يتخيل

حلم بسيط بحلم بية من ساعة ما دخلت السيرفر انى اشوف جيلد يجمع المصريين زاى اى سيرفر تانى دة اكبر حلم ليا واكبر طموح ليا دة ابسط شئ الواحد يقدر يطالب بية

وكان ساعتها الجيلد المصرى الوحيد اللى جامع المصريين هيل ميكر واتبنى على انقاض اجيبت

طيب انقاض لية واتهد لية من اساس ؟؟ وكان الرد علشان المصالح الشخصية والطمع

محبتش اعرف الموضوع لأنة مش يخصنى وكان حلمى انى ادخل هيل ميكر وحلم جميل لكن كان صعب المنال

كان هدفى انى اعرف كل شئ عن جيلد ايجيبت وجبت ارشيف المنتدى وتابعت كل مواضيع جيلد ايجيبت من ساعة ما اقترحوا بتنفيذوا لاغيت ما اتهد بسبب فعلا الأطماع الشخصية

اقرب انسان ليا فى الفترة دى ميدو ولاغيت دلوقتى طبعا

يا ميدو انا عايز ارجع جيلد ايجيبت واجمع المصريين من جديد وكان رد ميدو اعقل يا ادهم علشان دة مش هيحصل

وسنة عدت كاملة ومحلك سر وكنت كل شوية اتابع المواضيع القديمة علشان اعرف الجيلد انتهى فعلا لكن مع مين

وفى يوم فتحت ميدو بكل صراحة وقولت لية يا ميدو انا عايز جيلد ايجيبت بأى تمن وانا مصمم برضوا على تجميع المصريين

ميدو قالى حاضر هريحك وهعملك اللى انت عايزوا ولو عايز تبتدى صح اسئل زياد محمود او مسلم ايجى او جولدن بوى او تايجر او تاتو او او او او وقائمة كبيرة

لاغيت بالصدفة فى يوم ميدو قالى تايجر عندى يا ادهم لو عايز تسئل على جيلد ايجيبت وفعلا جريت واتصلت بية على الموبيل وكلمت تايجر

انا عايز جيلد ايجيبت ودة كان طلبى الوحيد وارجع اقول اقصى طموحى والله العظيم

الراجل تكرم وقالى حاضر ومفيش مشكلة بس هشوف مع مين لأنى مش فاكر هو اخر واحد وصلوا مين

وانتظرت وكنت تملى أزن على ميدو انة يتابع الموضوع وهو فعلا مقصرش معايا نهائى

لاغيت ما اتوجد الجيلد وايه ياميدو الكلام قالى تايجر رافض المقابل يكون جولد وهيكون فلوس يا ادهم واعتقد ان السعر كان 100 جنية وهو كدة كدة مش مستفاد بية الجيلد فى شئ

واقسم بالله العظيم قولت انا ما معترض لو بأى شئ

و أنتظرت كتير وكل شوية اسئل لاغيت ما اخر مكالمة وبعدها مات الحلم ان الجيلد مع واحد وهو فى الجيش يعنى قداموا شهور عقبال ما يخلص جيشوا

ومات الحلم لكن كل مرة بقول فى أمل انة يحصل واقدر اوصل للجيلد

وبدئت اتكلم مع بريتى كلير أحمد مليجى على فكرة انشاء جيلد مصرى قوى لان لقيت هيل ميكر على وشك الأندثار بعد ابتعاد كورابيكا لفترة وهو يعتبر روح الجيلد و انشغال ابو زياد بأعملة

وفعلا ابتدى الحلم يتحقق ولقيت ناس كتير وقفت جنبى منهم ابو زياد وغيروا علشان منساش حد على رأسهم ميدو و بريتى كلير و عصام هيفون ونادر الله يرحموا

ونجحنا اننا ننشئ الجيلد وفى اسرع وقت قياسى بعد 48 ساعة فقط الجيلد اصبح على قمة rev6 واصبح اقوى جيلد مصرى ومن اقوى الجيلدت فى السيرفر

وبعد اسبوع من انشائة اخدنا البانديت وقدرنا نحافظ عليها الوار اللى بعدها

وسبنها وخرجنا من يونيون ديث صول علشان ندخل مع ديستنى شيلد علشان جنجان وفعلا حققنا اللى متحققش لمدة سنة ونص كاملة

دخلنا جنجان وكسرنا برجين اللى مكنش حد اصلا يقدر يقرب من الأبواب بتاعتها واسمنا سمع جدا وعند رجوع تيردروب

وبدأ انزيمى البحث عن جيلدات اليونيون كان اول ناس جاست دريم وديستنى شيلد لكن مشكلة ديستنى انهم كانوا ماستر يونيون ورغم كدة رحبوا بفكر تفكيك اليونيون الخاص بيهم وطلبهم ان ايفلوشن يجوا معاهم وفعلا انزيمى رحب

وبدأ تكوين تيردروب ومش كدة وبس مع اول هجوم لجنجان حصلنا عليها

وجاست دريم الاسم بيسمع يوم عن يوم وبمعرفة الكل ان جاست كانت الأقوى وانها هتاخد جنجان لولا الأتفاق مع انزيمى اننا نوقف تكسير علشانهم

واصبحنا الجيلد الوحيد اللى فى راف 6 لمدة 6 شهور كاملة الأول دون تغيير وسمعتنا تزداد قوة

ورجع الحلم يراودنى تانى احياء جيلد ايجيبت ومع عمل نشرة اخبار السيرفر بالصدفة بقلب لقيت جيلد ايجيبت ان ماستر الجيلد مسلم ايجى 2

وهو معايا فى جاست دريم واستغربت جدا وجريت علية وقولت لية جيلد ايجيبت معاك ؟؟ الراجل قالى ايوة بقولوا انا عايزوا بأى تمن تقولوا قالى مقدرش اتكلم فى شئ ميخصنيش كلم ابو مروان

جريت على مسلم ايجى تليفونات واميلات ويمكن فعلا بعترف انى قرفتوا جدا والراجل استحملنى جدا جدا جدا فوق طاقتة

وجية معاد الجد وهو مخاطبة تيردروب ان جيلد ايجيبت هيحل مكان جاست دريم والناس معترضتش نهائى شرطهم اننا نكون معاهم تحت اى اسم ومسمى

خاصة انهم عرفوا ان فى فكرة انشاء يونيون مصرى واننا راحيين رايحيين سواء بجاست دريم او بجيلد ايجيبت

وجية معاد تسليم الجيلد ليا والمقابل ؟؟؟؟

لا شئ

اقسم بالله لا شئ

مع وجود محاولات كتيرة ان احمد يقبل اى شئ مقابل الجيلد وكان رد الراجل ان دة جيلد ايجيبت جيلد المصريين اكبر خطأ المتاجرة بأسم جيلد مصر وانة تحت أمر اى مصرى فى اى وقت

اجبرنى على احتراموا اكتر من الأول وجريت على بجاتو وشرحت لية الفكرة وجولدن بوى احد مؤسسى ايجيبت قديما واحمد عزت وهانى الكدوانى وكل واحد وقتها كان اون لاين على الميل المخصص للجيلد

رغم ال 30 سنة وهو سنى كنت عامل وقتها زاى الطفل الفرحان جدا بنجاحة فى المدرسة واللى زدنى فرح لقيت الناس كلها جنبى وبدعمنى

الأجانب نفسهم دعمونى حتى ال 20 اجنبى وتركى فى جيلد جاست دريم اللى مصريهم الطرد فرحوا وقالوا مش مهم كفايا علينا الفترة الجميلة اللى قضنها فى جاست دريم

انا معملتش غلط ولا ارتكبت جريمة اعاقب عليها علشان اتهم ان خدت حق مش حقى

وعلى فكرة اخر كلامى مع ماستر اليونيون ان سهل جدا ارجع جاست دريم اليونيون تانى ولا ان حد يتهمنى بسرقة جيلد او ان يحصل شوشرة على اسم الجيلد

لية كل شئ جميل بنحاول نهدوا ؟؟

لية كل ما نتجمع يحصل مشكلة علشان نتفرق

لصالح مين كل دة ؟؟

المستفاد الوحيد الأجانب اننا منكنش قوة فى السيرفر

جيلد ايجيبت زاى ما قال كورابيكا هيرجع اقوى من الأول واقوى من جاست دريم وزاى ما عملنا جاست وخلناه قوى ايجيبت هيكون اقوى واقوى

اعضاء جاست دريم ضحوا بحجات كتير ومش منتظرين منى كلمة شكر لأنهم بيعملوا اللى بيرضية عليهم ضميرهم

جاست دريم قبل ما تتهد كان فيها 30 واحد لفل 100 و 8 لفل 99 والباقى بالكامل 96 + ما عدا واحد لفل 93

يعنى جيلد قوى جدا جدا جدا ورغم كدة ضحينا بكل دة علشان نبتدى من الصفر

برجع اقول ان جيلد ايجيبت مفتوح للجميع

لكل مصرى فى السيرفر

لكل مصرى فى المنتدى

ومهما لقيت من عراقيل هكمل وزاى ما حققت حلمى مع جاست دريم هيتحقق بأمر الله الحلم مع جيلد ايجيبت

وهنجح والناس كلها هتنجح اللى شركونا بأذن الله والسبب

ان المرة دى الجيلد مش مبنى على اطماع شخصية لأن رجالة جاست دريم عندهم وعى وخبرة كبيرة جدا انهم يلموا الشمل مش يفرقوا

وبحمد ربنا ان اعضاء جاست دريم محدش فيهم بيدور على مصلحتوا الشخصية ودة السبب الحقيقى لنجاح جاست واستمرارة الفترة الماضية حتى كتابة السطور دى

طولت عليكم انا اسف جدا

احب اشكر كورابيكا لأنة اول مرة فعلا من فترة كبيرة يرضى يستمع ليا وبعتذر لية انى سهرتوا لاغيت الفجر وكان همى ان اقنع كل الأطراف

زاى ما جيلد جاست دريم تحت أمر اليونيون المصرى فأجيبت برضوا فى خدمة اليونيون المصرى

لا اله الا أنت سبحانك انى كنت من الظالمين

سلام عليكم ورحمة الله وبركاتة

بجد حرام عليك اعصابك :d

الجيلد دةكان ملك لـــ 3
جولدن بوى
مسلم
تيجر

معاك مسلم وجولدن فكك بقة من اى طرف تالت