دعوه لكل مصرى

[mahmoudaraby]

انا بصراحه كنت عاوز اقول كلمتين بخصوص الموضوع ده

اولا خير الكلام ما قل ودل وده اللي مش موجود خالص والناس كلها بتتكلم وخلاص

ثانيا والله هي فكره حلوه جدا ولو اتعملت هتلاقي كل الناس المصريين بتنضم ليكوا حتي لو في ناس مش هتنضم فهيبقوا

مش كتير

ثالثا ودا الاهم والله انتو بتتكلموا في منتدي ليه وكل واحد بيرمي رد وخلاص مع احترامي لكل الناس

والله الفكره دي لو انتو عاوزين تعملوها اتفقوا علي معاد كلكو واتكلمو عملتوها يبقي تمام محصلتش يبقي خلاص

ولا هتحصل مشاكل ولا اي خناقات كل ماستر جيلد يتكلم بالنيابه عن الناس اللي معاه بعد ماياخد رايهم طبعا

وكلكو تتكلموا وفي الاخر هتوصلوا اكيد لحل حتي لو مش هتعملوا يونيون بس هتوصلوا لحل

لكن كل واحد يخش يقول كلمه هنا وكلمه هنا طب و ليه

واحد يقول مش عارف مين ديول للتير دروب والتاني يقول اللي كانوا في ايجلز راحو التيوب سناك وهما الديول

طب مانا كنت في ايجلز وروحت التيوب سناك ومش شايف خالص ان انا ديل زي مابتقول يا اسشتاذ ادهم مع احترامي

ليك

اللي انا اعرفو ان اليونيون ده انا فيه من زمان ولما جيلد انهار روحت جيلد تاني في نفس اليونيون

لكن انا لو كنت روحت اي جيلد في التير دروب ومنهم طبعا جاست دريم وانا فعلا كنت حابب اني اروح تاني لصحابي مش اكتر

كان ساعتها هيتقال انو ساب التيوب عشان الوار مع التير دروب دلوقتي زي ماحصل بالظبط اباام هيل ميكرز

وساعتها هبقي ديل بجد حتي لو انا مش قاصد زي ما في ناس كتير جدا جدا عملت و بعدين استاذ احمد عصمت

ماهو كان في يونيون التيوب سناك وسابها وراح التير دروب لكن الكل بيقول كلام وخلاص

وانا من رايي كل واحد يعمل اللي يريحوا وفي الاول والاخر دي لعبه مش اكتر دانتو مبتعملوش كدا في الحقيقه

ومع ذلك انا اول واحد اسيب اي جيلد واروح يونيون مصري من غير تفكير زي ماعملت مع جاست دريم

ايام ماكانت ايجلز من اقوي الجيلدات ويونيون التيوب هو اللي معاه الوار ومكنش في حاجه اسمها التير دروب

ومع ذلك مترددتش دقيقه واحده وطلعت انا و كل الناس اللي اعرفهم قولتلهم ووافقوا

اخر الكلام والله اللي عاوز يعمل الفكره دي يجمع الناس كلها مع بعض حتي ولو 5 دقايق

لكن كلام ونجيب في سيره الناس واللي عمل واللي راح واللي مش عاوز واللي بتاع مصلحتوا

الكلام ده والله مابيجيب نتيجه غير اخرها تمسكوا في بعض زي كل موضوع

وده يقول د دا انت مش عارف بتكلم مين والتاني يقول دانت اللي مش عارف انت بتكلم مين

وشكرا علي كدا الموضوع يتقفل بخناقه

اللي هيقدر يجمع الناس ويخليهم يتكلموا مع بعض يبقي هو البيدور علي يونيون بجد مش مصلحه

لكن كل واحد يدخل يقول انا موافق وفكره حلوه ويرمي الحوار علي اي حد يبقي مفيش نتيجه

معلش لو كنت طولت عليكوا ومعلش لو كنت رديت في موضوع ميخصنيش عشان انا مش ماستر جيلد وربنه يوفقكوا