شــويــه فرفشه

[deeeesha]

بعد اذنك ممكن احط النكت دية
مره واحد بلدياتنا سافر امريكا فراح يحجز فى فندق فراح مالقاش غرف فاضيه راح نام فى الحديقه العامه فطلع عليه
ثلاثة حراميه سرقوا كل اللى معاه وحلقولوا شعره قم صحى من النوم بيحط ايده فى جيبه مالقاش الفلوس قم قعد يعط وبيحط ايده على دماغه بيبص اتلقى نفسه اقرع قال الحمد لله مش انا


في مرة أغبياء عيزين يفجروا عمارة حطوا القنابل في الدور الأول و طلعوا
يستنوا فوق السطوح

مرة اربع صاعيدة داخلين امتحان فاجلهم سؤال فى الامتحان وهو كام عددارجل المعزة فكلهم سألو صاحبهم حسنين وما كنش
بيرد عليهم فالما خلص الامتحان قالولو انتا ما قولتيلناش لية قالهم المراقب كان جنبى ومعرفتيش اطلع المعزة

ليه السمك بيخاف من فودافون علشان
فودافون اقوي شبكة في العالم

مره اتنين مجانين اتفقوا انهم يهربوا من المستشفى واحد قال للتانى لو لاقينا السور عالى هنهده لو لاقيناه واطى هنط من فوقيه التانى قاله ماشى راحوا مالاقوش صور خالص قالوا يخساره المهمه فشلت

مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى

واحد راح يشتري عربية .لقى كل العربيات غالية عليه.بعدين لقى عربية قديمة و عليها تراب كتير بس سعرها مناسب.صاحب المحل قال له العربية دي فيها ميزة هايلة.بص كدة ..وقام مسح بإيده التراب اللي عليها قام طلع منها عفريت .قال له :شبيك لبيك تطلب إيه؟ قال له هات شاي للبيه حالاً..في لحظة كانت كباية الشاي قدام الراجل .قام اشترى العربية فوراً و ساقها و طلع بيها على حتة أرض فاضية و قام نزل و مسح التراب اللي علي العربية. قام طلع له العفريت. قاله عايزك تبني لي هنا قصر كبير فيه جنينة و حمام سباحة و ملعب تنس و..... قام العفريت قال حيلك حيلك إنت فهمت غلط .. أنا شاي و قهوة بس .

واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل."

في صعيدى سأل واحد بالشارع فين الرصيف التاني
قاله: قصادك
قالوا الصعيدى: سألت هناك قالولي هنا

صعيدى راح لضابط بوزارة الداخلية قاله
عايز اترشح لرئاسة الجمهورية , قله الضابط إنت مجنون ؟
فأجاب الصعيدى : هو شرط يعني


صعيدى راح يشيع بجنازة
سأل واحد: كان بيشتغل ايه الميت
قال:يحفر قبور
قال الصعيدى
سبحان الله من حفر حفرة لاخيه وقع فيها

صعيدى راح للدكتور قال له الدكتور امشي كل يوم 5 كيلو ، اتصل الصعيدى
بعد خمس ايام قال للدكتور انا الوقتى فى ليبيا اعمل ايه !؟


يارب النكت تكون عجبتكم