دعوه للصداقه ولتوضح بعض الامور

[كورابيكا]

مش عارف إذا كنا خرجنا عن ميثاق الموضوع أم لا

لكن حسب متابعتي المتواضعة لبعض المواضيع لقيت موضوع لـ mega man فيه صور لناس بتغلط فى الذات الإلهية

حاجة مهياش جديدة .. حاجة حصلت قبل كدا من أشخاص كتيرة.. و كنا بنعمل مواضيع كل ما نشوف شخص زى دا
و كانت النتيجة ان الشخص دا بيكره اليوم الى دخل فيه الجيم
و زى ما جربنا و شوفنا كتير منهم ندموا بعد ما لقوا نفسهم فى دايرة يحيطها الكره و المشاكل بتواجههم من كل ناحية
أسماء لبعض هؤلاء
SpearOfTrust
اتعمله موضوع؟ نعم.

100m_Yeah
أتعمله موضوع؟ نعم و اتمسح بواسطتي بعد ما عرف غلطه و أتوقف عن الى بيعمله بعد كلامي معاه.

شخص تانى للأسف مش متذكر إسمه.

_Fafner_
اعتقد برضو اتعمله موضوع مش متذكر
ودا كان كل ما يحب يعمل اى حاجة بيلاقى 100 حاجز قصاده بسبب الى قاله
و دا كان بواسطة الترك + بعض المصريين.

و غيرهم كتير.....

لازم ندافع عن ديننا و نعرفهم ان دا خط أحمر لازم نبعد عنه فى تعاملاتنا سواء كانت بالخير أو بالشر
فالذات الإلهية بعيد عن أى شئ يخص حياه أو يخص لعبة

سواء كان هذين الشخصين داخل يونيون يحتوى على جيلد مصري أم لا
كان هيتكتبلهم موضوع زى ما ذكرت بالأعلى كما حدث مع البعض
و دا طبعاً لو كان الشخص الى شاف الشتيمه دى عنده إنتماء أو بمعنى أدق.. خوف على دينه.

شوفت كمان رد بجاتو كان بيقول ان المسلمين بدأوا بالغلط حسب كلامه مع ماستر اليونيون أو احد المسؤولين

همممم
مش عارف يعنى mega man جاب سكرين شوت علشان عارف ان ممكن ناس تقول أيش ضمننا ان كلامك صح؟

أعتقد فى الحالة دى لازم كلام ماستر اليونيون أو أيا كان الشخص المتحدث مع بجاتو يجيب دليل على كلامه

مش بصغر منه ولا بشكك فى مصداقيته لكن.. لا يصح إلا الصحيح

من ناحية أخرى

إحنا فى نظرنا كمسلمين مين هو رب يونيون TD كله من أكبر جيلد لأصغر جيلد؟

الله

طيب ازاى واحد مسلم هيسب رب واحد أيا كانت ملته سواء يهودى أو أو أو ..... ؟

هل من المعروف عن المسلمين ... سب الأديان الأخرى ؟

بصراحة عمري ما شفتها ولو كان حد شافها قبل كدا ياريت يعرفني.


و أخيرا لاحظت فى الصور zyadmahmoud1 كان موجود
متهيألى دا الحكم الى هيحكم و يأكدلنا مين على حق و مين على باطل


و أسف على الإطالة

[deathtooall]

يا كورابيكا انا الكلام الى وصلنى ان ايجلز استفزوحم بوقاحة و بعد كده شتمو الدين المسيحى راحو هما ردوا ده الى وصلنى انا عايز اى حد بيتكلم على الموضوع ده من ايجلز و عامل موضوع يروح يكلم ماستر ارش انجل