فزوره سمعتها........................ والجدع اللي هيحلها

[Angelic_Wizard]

الاول كده بنصبح ونمسي علي المنتدي ورجالة المنتدي

طبعا دلوقت قسم "بعيدا عن سيلكرود" اصبح اكثر نشاطا من قبل كده عشان محدش بقي طايق سيلك رود خلاص والواد الفرود اللي ملوش حل هو اللي بيعرف يدخلها دلوقت. :d

المهم يعني عشان ماطولش عليكم

دي فزوره انا سمعتها وبيني وبينكم مش عارف حلها فاقلت استشير فيها رجالة المنتدي

اسمعوا بقي....................

بيقولك مره 3 شباب زي الورد كده بس حالتهم الماديه ماكانتش أد كده وكانو عاوزين يشحنوا تليفوناتهم فاشتركوا هم التلاته عشان يجيبوا كارت شحن ب 30 جنيه. فقام كل واحد فيهم دافع 10جنيه.

بعد ما أشتروا الكارت ومشيوا قام الراجل صاحب المحل افتكر ان الكارت ثمنه 25 مش 30 جنيه.
قام الراجل منادي علي الواد اللي شغال عنده وقاله خد ال5 جنيه دي وروح بسرعه اديها للجماعه اللي كانو هنا.

لكن علشان الواد كان بيئه وواطي قام ضرب 2 جنيه في جيبه وراح ادالهم 3 جنيه.
وكده يبقي كل واحد من الشباب دول دفع 9 جنيه بس صح؟

تمام لحد دلوقت؟؟؟؟؟؟؟؟ في مشاكل؟؟؟؟؟؟؟؟؟

طب دلوقت ال3 شباب كل واحد دفع 9 جنيه يبقي 3 * 9 = 27
27+2(اللي الواد ضربهم) =29

طب فين الجنيه بقيت ال 30؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟