نقآش حول شخصية الـ Wizard .. يرجى من الجميع الدحول ..

[P.HaCkEr]

السلام عليكم ورحمة الله وبركاتة ..

جت ف دماغى فكرة النهاردة حبيت احطها بالمنتدى ..
فكرة جميله جدآ ومفيدة جدآ وان شاء الله الكل هيستفيد منها ..

انا ملآحظ ان أكتر الشخصيآت بالسيرفر وكمآن ف المنتدى وصحآبى .. كتير أوى منهم Wiz
فقولت أحط موضوع هنآ عن الويزآرد هنتنآقش فيه حول الشخصية ..
وكل وآحد هيقول حآجة أو طريقة للعب أو سكيل معين جآمد ..
سكيل من اللى بيكتب عليه مش مهم ف الشرح بتاع الويزارد ف أى مكان وفيه واحد بيستخدمه بإتقان ف اى حآله من الاحوال يقولنآ عليه ..
شرح معين لحآجة جديد ..
خدعه أو فكره من الأفكار اللى ممكن الوآحد يستخدمهآ مع الويزآرد بإعتبارة سآحر ويستخدم الخدع ف المهآجمة ..
حاجة زى اللبس مثلآ .. كله بيلبس للويزآرد روب أو الاكثر .. لكن فيه نآس ليهم نظرة فى ال Light Armor ..

أهم حاجة ف سلاحك أية واللى دآيما بتحافظ عليهآ ..
كلام كتيرأوى كلنا هنستفاد منه ..

النقآش مفتوح حولين الويزآرد بالكآمل وطرق لعبه وسكيلاتة ..
ياريت اللى يتنآقش مش يرد على أسئلتى بس لأن دى مجرد امثله ..
اتكلم ف حآجة انت شايفها ف الويزآرد وعايز تستفسر عليهآ او تستفسر عن أهميه سكيل أو تضيف معلومة جديد عن أى حاجة ..

افتكر دة هيبقى أقوى فهرس وأقوى جيد للويزآرد الكل يرجع ليه علشان يستفآد من خبرة الآخرين ف اللعب ..

مطولش عليكم ومستنيين حد يبدأ النقآش ..
أتمنى نتابع الموضوع بصفة دآئمة ..

شكرآ ليكم ..
تقبلوآ تحيآتى ..
أحمد

[No_PrOMiSseS]

هههههههههههههههههههههههههههههههه احلى حاجة اخر جملة في التوقيييييييع عههههههههههههههههههههههههههههههههههههههههههه

[P.HaCkEr]

You Welcome

[hish]

يا كنج أنا ومع احترامى ليكوا مش بعترف بالويزارد دول كبيلد
الويزارد أخروا يتعمكل علشان تعمل بيه اكونت تانى وتعملوا فارم على كيفك
وأخروا تاكس غير كده فيه حاجه اسمها delete character
واللى مش مصدقنى يجيى يبص بصه عندنا فى أورانوس ويسأل على واحد شاعر هناك اسموا sniper_4_spy
ويسأل على القصيده اللى كاتبها فى الويزارد


أرجو مكونش خنأتك
تقبل مرورى

[P.HaCkEr]

منور يا برنس :d

أنت كواحد من الناس مش بتعترف بالويزارد كبيلد وانا واحد من الناس مش بعترف بالكروس بو كبليد وكل واحد ليه اسبابه ودى ازواق وافكار شخصية
انا عن نفسى مش بعترف بالاكس بو لسببين
السبب الاول انه بارد جدا ومش فيه اى متعة ف اللعب ..
بمعنى ان عندك كل البليدات الصينى من اول الجليف والبليد والبو والنيوكر ليهم متعه ف اللعبة وخصوصا البليد والجليف مثلا
والاوربى عندك الداجر متعة متعه بجد والون هاند والتو هاند والديول اكس كل دول بردو متعه
الكروس بو بقى بيضرب من مدى بعيد ووهو واقف ف مكانه كدة بكل بردو ..

نيجي للسبب التانى .. انه بيختفى زيه زى الويزارد يعنى بيخدع ف الضرب بردو ودى من اسباب قوتة
ويمكن اقولك ان الكروس بو من اقوى شخصيات الاوربى ..

هرجع تانى للموضوع من الاول
ان دى ازواق وافكار شخصية

اقولك اللى مفروغ منه بقى
الجوى ماكس لما عملت الجيم دة معملتش ولا شخصية اضعف من التانية
واللى لازم تعرفة ان كل شخصيه ليها طريقة لعب وخفايا وخبايا الواحد فينا بيطلع مواهبه بيها
تقدر تقولى ليه لما الويزارد هفق واخرة ليفل اب وتاكسى وفارم نص الشخصيات بتعمله
مش هقولك بيعملوه علشان هو جامد .. الويزارد فيه حاجات حلوة جدا وحاجات تعبانة جدا

اكمل كلامى
الفكرة ف دة كله ان الواحد يستغل ذكائة ف تظبيط الشخصية بتاعتة يا جميل
انت علشان بتلعب مثلا جليف او بليد او او او .. ودخلت قدام 500 ويزارد وموتهم ولقيتهم تعبانين
دول ناس عاملين الشخصية كمنظر مش اكتر
انت شايف كدة لانك عارف تهتم بشخصيتك

لكن لو دورت على اضعف شخصية نسبيا مثلا واللى محدش بيلعب بيها كتير
انا عن نفسى مش هقدر احدد شخصية معين بس هقولك ليكن الكليرك كسلاح اساسى او البراد او غيرة
ممكن واحد دماغة شغالة وجامد جدا وفاهم اللعبة كويس يخليه اقوى شخصية ف السيرفر ..
يهزم البليد والنيوكر والويزارد وديفينس واتاك جامد وطرق جديدة وملهاش حل ف اللعب

اللعبة دى اتعملت علشان كدة .. علشان كل واحد يشغل دماغة ع الشخصية اللى اختارها ويعرف يلعب بيها صح
انا عن نفسى ياما بلاعب شخصيات str صينى واوربى وبكسبهم ومن غير خدع ومن غير ما اختفى
وكمان ببقى مشغل لايف كنترول وهما ف نفس الليفل بتاعى واحيانا اعلى منى بأتنين وتلاتة ليفل ومش بضربهم من بعيد
بالعكس باخد منهم ضربه واتنين وبموتهم بردو

مش معنى كدة انهم تعبانين ..
مهو ممكن واحد مظبط نفسه زى مانا كنت مظبط نفسى قدام اللى هزمتهم .. يجي يكسبنى
مش معنى كدة انى تعبان بردو او ان الويزارد دة هفق وملهوش لزمة

ياريت تكون فهمت وجهه نظرى يا كبير ان اللعبة بتعتمد على ذكاء الشخص اللى بيعلب مع شخصيتة ..
مش بتعتمد انت بتلعب بيلد اية .. يبقى خلاص البيلد دا تعبان
والا كان هيبقى فيه بيلد معروف انه اقوى بليد والباقى محدش هيختارة ..

اتمنى تكون فهمت وجهه نظرى .. وبالنسبة للشعر ابقى هاتهولى اقراه لانى شوفتة قبل كدة بس مش ركزت فيه ..

وياريت الناس تقولى رأيها ف كلامى دة صح ولا انا بهيس :d

سلااام

[kajo]

المشاركة الأصلية كتبت بواسطة hish عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يا كنج أنا ومع احترامى ليكوا مش بعترف بالويزارد دول كبيلد
الويزارد أخروا يتعمكل علشان تعمل بيه اكونت تانى وتعملوا فارم على كيفك
وأخروا تاكس غير كده فيه حاجه اسمها delete character
واللى مش مصدقنى يجيى يبص بصه عندنا فى أورانوس ويسأل على واحد شاعر هناك اسموا sniper_4_spy
ويسأل على القصيده اللى كاتبها فى الويزارد


أرجو مكونش خنأتك
تقبل مرورى

انا معاك ان الويزارد من اضعف الكاركترات في pvp وده لانه ملوش shield و كمان الdelaytime للpotion بس هو مميزاته كلها خارج ال pvp واكتر من اي كاركتر تانيه زي في

1. الtaxi وده هو افضل كاكتر ممكن تعمل بيها جولد
2. ال job بيكون مفيد جدا سواء كان hunter aw thief aw treader عشات الاتاك العالي
3. ال guild war aw Fortresswar وده مينفعش جيلد تدخل war او Fortress من غير Wizard والا مش هيموتوا حد غير بطلوع الروح
4. وطبعا الParty يوم ما هتقول البارتي دي مفيش زيها :D وياريتني اقعد فيها جمعه وسبت :Dده بيكون بسبب الويزارد كل ما يزيدعددهم كل ما البارتي تكون افضل.
5. واخيرا FArm هو يمكن مش الاسرع في الضربه بس لو معاك spot وانت لوحدك هو احسن من اي كاكتر تانيه ( يا ريت الناس تكون فهمت قصدي في النقطه دي ;) )

كلامي عن الويزارد مش بيقللل من الكاكترات التانيه بس كل كاكتر وليها مميزتها وليها استخدامها :)

[P.HaCkEr]

أصلى يا جوزيف :d
انا قولت كدة بردو ان كل كراكتر ليها فايدة ومهمه
والمهم ان كل واحد يشغل دماغة فيها
وللعلم فيه ناس بتلعب بالويزارد ف البى فى بى كأنه str
ومن غير ما يكون مهيبرة .. دة ذكاء ف اللعب
وانا بحاول اوصل للنقطة دى وحققت فيها شوية كدة وبتعلم لسة معاه

منور يا يوسف باشا

[JUMPER]

المشاركة الأصلية كتبت بواسطة kajo عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا معاك ان الويزارد من اضعف الكاركترات في pvp وده لانه ملوش shield و كمان الdelaytime للpotion بس هو مميزاته كلها خارج ال pvp واكتر من اي كاركتر تانيه زي في

1. الtaxi وده هو افضل كاكتر ممكن تعمل بيها جولد
2. ال job بيكون مفيد جدا سواء كان hunter aw thief aw treader عشات الاتاك العالي
3. ال guild war aw Fortresswar وده مينفعش جيلد تدخل war او Fortress من غير Wizard والا مش هيموتوا حد غير بطلوع الروح
4. وطبعا الParty يوم ما هتقول البارتي دي مفيش زيها :D وياريتني اقعد فيها جمعه وسبت :Dده بيكون بسبب الويزارد كل ما يزيدعددهم كل ما البارتي تكون افضل.
5. واخيرا FArm هو يمكن مش الاسرع في الضربه بس لو معاك spot وانت لوحدك هو احسن من اي كاكتر تانيه ( يا ريت الناس تكون فهمت قصدي في النقطه دي ;) )

كلامي عن الويزارد مش بيقللل من الكاكترات التانيه بس كل كاكتر وليها مميزتها وليها استخدامها :)

كلامك تمام أوى

[Al.Qanas]

منور التوبيك يا جميل

[Al.Qanas]

دة مرشد الويزآرد ..
أى واحد مبتدأ او محترف أكيد هيستفاد منه ..
فيه جميع شرح اللبس وطرق اللعب والسب كلآس وكمان الإسكيلات بالصور بتاعتها ..
افتكر فيه كل حاجة هتحتاجها عن الويزآرد ..

اتفضل حملوا وأن شاء الله تستفاد ..عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تحياتى

[hany mido]

جوزيت خيرا