علامات الساعة ياناسسسسسسسس

[HAYTHAM_333]

شكرا على المجهود اللى بذلته فى عمل الموضوع بس فيه شوية ملاحظات:

1-الكاتب عمل حساباته تقريبا فى سنة 2000 واستنتج ان فى 3 علامات على الاقل حتحصل قبل 2010 وده محصلش لان احنا حاليا فى 2009

2-الكوكب المقصود انه حينشر الفوضى لما يقرب من الارض تاريخه فى 2003 والصراحة انا بتابع الاخبار كويس وعمرى ماسمعت عنه وكده كده التاريخ بتاعه عدى من مدة

3- الله سبحانه وتعالى قال انه انشاء الارض فى 6 ايام وعلمها عنده المقصود ان ال 6 ايام عند الله سبحانه وتعالى مش زى الايام بتاعتنا ودى حاجه من الغيبيات لكن الكاتب افترض ان الازمنة المقصودة فى الاحاديث النبوية واللى بناء عليها استنتاجاته زى الازمنة بتاعتنا يعنى نفس الايام والسنين وده اعتقد انه غلط لان زيه زى ال6 ايام اللى ربنا انشىء فيهم الارض يعنى من الغيبيات وعلى ما اذكر ان فى ناس بعد موت الرسول عليه الصلاة والسلام حاولو يعملوا الحسابات دى علشان يوصلوا لميعاد قيام الساعة لكن محدش عرف

4-من اللى اتعلمته اقدر اقول ان محدش حيقدر يستنتج مواعيد العلامات الصغر والكبرى اطلاقا لان فى نهاية العلامات سيغلق باب التوبة ولو حد قدر يحدد ميعاد اول العلامات فده حيبقى سبب كافى للناس كلها انها تنتبه وتؤمن وتستغفر ربنا قبل مايتقفل باب التوبة وده مش حيبقى عدل بين الناس اللى فضلت حياتها كلها مؤمنة وموحدة بالله اللى اقصده ان ربنا خلق الانسان مخير الى قيام الساعة وحتى بعد ظهور بعض علامات الساعة محدش حيقدر يحدد ميعاد ظهور العلامة التالية علشان ده حيعتبر اختبار للناس مين اللى حيفضل على ايمانه ومين الى حينشغل باللهو والتفكير فى الملذات

5-نصيحة للكل محدش يفكر فى ميعاد الساعة وفى حديث يقول ما معناه اعمل لدنيتك وكانك تعيش الى الابد واعمل لاخرتك وكانك تموت غدا فمتشغلش نفسك بالتفكير فى اشياء غيبية وفكر ايه اللى ممكن تعمله علشان تخلى دنيتك احسن

لا اقصد التهكم او الاساءة لصاحب الموضوع او للكاتب ولكنى اناقش الموضوع بعقلانية فقط وارجو قراءة اراء اخرى لاعضاء المنتدى حتى اذا كان بها نقد شخصى لى