![]() |
|
مـنـاقـشـات عـامـة حـول سيلك رود أون لايـن [ خاص بمناقشات احوال اللعبة وعن كل شىء جديد يتم طرحه فى اللعبة مؤخراً ] |
مشاهدة نتائج الإستطلاع: هل يستحق الموضوع أن يثبت في كل قسم من الأقسام لما هو فيه من نصيحة ؟ | |||
يستحق |
![]() ![]() ![]() ![]() |
305 | 93.56% |
لايستحق |
![]() ![]() ![]() ![]() |
21 | 6.44% |
المصوتون: 326. أنت لم تصوت في هذا الإستطلاع |
|
أدوات الموضوع | انواع عرض الموضوع |
![]() |
#11 | ||||||||||||
![]() ![]()
|
ف البدايه احب ارحب بكاتب الموضوع وكل الاعضاء اللي شاركوا بارائهم اولا :- انا احب اقول طبعا انا معاك ان لو حد سرق او عمل حاجه غلط علشان يجيب بيها فلوس ![]() طب السبب ايه:- بصوا يا شباب :eek: 1-انت لما تيجي تلعب اللعبه اه انت عايز تبئي ليفل عالي وعايز تبئي ليفل قوي بس دا مش معناه انك تبيع هدومك:D 2-اوعي تكون فاكر انك لما تسرق فيزا ولا حاجه ولا تسرق اكونت عليه جولدات وملايين دي شطاره لا انت بص علي اللي انت سرقته,:o اللفيزا اللي اتسرقت دي شوف صاحبها هيعمل ايه لما كل شويه يلاقي فلوسه رايحه بالسلامه بدون سبب ولو سرقت اكونت شوف الانهيار اللي ممكن يكون فيه صاحب الاكونت:( خليك عادل في تصرفاتك لو عايز تصرف اصرف من جيبك وهنتكلم ف موضوع المصاريف كمان شويه ثانيا :- انا عايز اقول حاجه كمان اللي بيقعد بال5 وال6 ساعات علي اللعبه ![]() كل دا غلط وسبب دا هقولكم ايه هوا السبب :- 1- لازم نكون فاهمين ايه هيا سيلك رود سيلك رود بتخليك تعيش في زمن غير الزمن ![]() هقولكوا يعني ايه:) يعني دلوقتي مبرمجين اللعبه لازم يخلوك تعيش اللعبه يعني باختصار دا سيناريو بيتكتب ومش واحد بس اللي بيكتبه دا فريق متخصص واطباء ف علم النفس بيدرسوا نفسيه اللاعب اوعي تكون فاكر ان اللعبه مجرد تصميم جرافيك لا دا فريق كبير فيه مصممين ومخرجين واطباء نفسيين علشان يقدروا يخلوك تحس انك عايش ف الزمن دا يخلوك حاسس انك لو قفلت اللعبه تلاقي نفسك مخنوء هقولكم امثله :- 1-جرب كدا اطلع تريد وتكون لفل 30 مثلا والتريد 4 ستار ومفيش حراميه لاعيبه الحراميه اللي ف برمجه اللعبه هيا اللي بتهجم عليك شوف كدا العصبيه اللي هتكون فيها او يا عيني بئي لو جالك dc وانت في نص التريد ![]() 2-انت دلوقتي مش فاهم طب ليه بيعملوا كدا اولا لازم تكون فاهم حاجه سيبك بئي من موضوع الغرب عايز يدمرنا وامريكا عايزه ترفعنا والكلام اللي مبيجبش همه دا انا لما كنت ف لوس انجيلوس فيه هناك العاب صدقونياجمد لعبه نزلت هنا ف الوطن العربي بالنسبه للالعاب هنا ماريو:eek::D والعاب فعلا انت لو لعبتها ساعه وحصلك حاجه ف اللعبه ممكن تلاقي نفسك عيطت بسبب اللي حصلك بسبب الاثاره اللي فيها المهم اولا لازم بئي ننسي جييل ماريو و كلاو والالعاب اللي ملهاش لزمه دي خلينا ف جييل الالعاب الجديد اللي اسمه دلوقتي المحاكاه زي مثلا gear of war << kingdom under fire >> silkroad << call of duty الالعاب دي قايمه علي الزكاء الالكتروني وبيتعمل دراسات عليها علشان ينزلوا التجديدات اللي انت كل شويه تلاقيها ف اللعبه مره وحش مش عارف ايه نزل مدينه جديده اتضافت حضاره ايه بقت جامده كل الاكلام دا مبيتحطش من فراغ طب والحل ايه :::::::::::: ![]() ![]() ![]() اولا الفلوس:- بصوا يا جماعه ممكن يكون فيه ناس مش معايا ف الرد دا بس هقولوا لان دي وجه نظري انت دلوقتي جيت ف يوم لاقيت نفسك مخنوء ومش طايق نفسك بتنزل وتخرج طيب لو مثلا خرجت شوف انت بتصرف كام لو رحت رحله دريم ولا جير شوف انت بتصرف كام لو رحت اسكندريه بردو شوف انت بتصرف كام لو اللعبه ممكن تغنيك عن الحاجات دي اشحن سيلك بس اهم حاجه تكون الفلوس خارج عن الحاجه ليها يعني متجيش اخر الشهر وتتخانق مع بابا ولا ماما ولا زم تشحن والكلام دا لا انت لو هتشحن حوش وهات من مصروفك انت شوف انت بتصرف كام ف اليوم وشيل معاك شوف رحله طالعه امته وحوش وشيل معاك ومش عيب ولا حرام انك تصرف في حاجه فعلا بتسليك وبتفرحك مانت كدا كدا بتصرف اصرف بئي ف حاجه فعلا تحس انك لو عملتها هتفرحك وهتغنيك عن السفر والخروج والكلام دا تاني حاجه الوقت الوقت يا جماعه اهم حاجه وزي ما انا قلت احنا بنلعب لعبه محاكيه للطبيعه يعني كانك عايش بالظبط ف اللعبه طب ازاي نتغلب علي المشكله دي ![]() ![]() ![]() هقولك انت خلص مزكرتك وابتدي اللعب من اول الساعه 12 واسهر لحد الساعه 3 مش مهم 3 ساعات حلو والصبح افتح اللعبه والعب ساعه والاتنين مش مشكله وبعدها زاكر او روح درسك نظم وقتك انت اللي مساول عنه احنا مش نضيع ف الوقت ونقول اللعبه هيا اللي وحشه اللعبه معموله للترفيه زي اللي يركب لعبه ف ملاهي وتكون صعبه عليه ينزل منها ويسب ويلعن طب ركبتها ليه الوقت يا شباب اوعي يضيع منكم وزي ما انا قلت اللعبه لو حلوه زود انت حلاوتها لما تفتحها للترفيه مش تفضل فاتحها وتقول هزاكر وهيا شغاله وحياتك انت لو ال gm نفسه جالك وقالك هلعب مكانك ابئي قابلني لو قمت طب فيه ناس بيلعبوا اللعبه ومبيستفيدوش منها وفيه ناس بيقولوا احنا هنستفيد ايه ف الاخر ![]() ![]() والله يا شباب اللعبه كلها مبادء وافادات جميله جدا وهقولكم ايه هيا وبالنوع كمان وانت شوفوا واتعلموا منها :::::------ 1- دينيا:- شوفوا يا شباب اولا كلنا عارفين مسلم مسيحي يهودي كلنا اخوات وكل الكتب بتدعوا للمحبه والتعاون ...الخ طب ايه اللي دخل دا ف اللعبه هقولكوا شوفوا الشخصيه cleric شوفو مكتوب ف الاسكيلز ايه طبعا معظم الناس كل اللي يعرفوه الاسكلز دا بيقوم اللي مات ودا بيرجع hp ودا بيعمل كذا وكذا طب جربت تقرا اللي مكتوب علي كل اسكلز ![]() طبعا معظم الاجابات لا صدقوني ف دي كل اسكلز مكتوب عليه انك بتدعي للاعب دا عند ربنا علشان الاتش بي بتاعه يزيد ودا بتصليله علشان يعمله riss ودا بتعمله كذا وكذا عن طريق الدعوا صدقني انت لو قريت كل حاجه مكتوبه علي الاسكلز هتلاقي انك عمال تدعي كتير :D طب ودي مش هتعلمك انك تصلي وتدعي للناس وتطيب جراحهم والكلام الجميل دا تاني حاجه اجتماعيا :- انت ف اللعبه داخل بارتي والبارتي كله اصحابك شوف كدا لو وحش فكر يجي علي صحبك شوف انت هتعمل ايه ف الوحش هتنفخه ;) طب انت بتعمل كدا ف اللعبه طب متعمل كدا كمان ف حياتك العمليه ![]() مثلا لو لقيت ليفل قليل بيجري زي الاهبل وسط وحوش ليفل عالي :D ![]() اكيد هتعمله رس ![]() طب دي مش بتعلمك انت تخاف علي الناس وتحميهم وتحترمهم وتساعدهم تالت حاجه اخلاقيا : انت ليفل 4 وواحد ابن حلال خلاك ليفل 30 بتحصل يا شباب :D وخدك معاه ف الجيلد ودا حصل معايا والله طب دا اللي علاك عمال يعملك تكسيات وخدك معاه ف الجيلد جه واحد من الجيلد شتمه هتعمل انت ايه هتطلع عينه طب مش دي هيعلمك انك تشيل الجميل وترد الجمايل وتعلمك انك تحب اللي ساعدك وتحميهم وكل لما تلاقي حد بيشتم بتقول عيب ومش عيب وبتخليك تتحمل المسؤليه لو صاحب الجيلد وخلاك تعلي ليفلات ناس معاك ف الجيلد مش دي بتعلمك انك تتحمل المسؤليه طبعا دا غير انها بتعلمك التجاره والكلام دا كله يا شباب صدقوني انتوا لو حبيتوا اللعبه صدقوني لما تستفيدوا منها اخلاقيا ودينيا شوفوا ربنا هيحبك ازاي لما انت تصلي وتدعي لواحد بالشفا ولا واحد تدعيله ان ربنا يهديه شوف ربنا هيحبك ازاي شوف لما انت تعامل الناس حلو زي مانت بتعامل الناس ف اللعبه حلو شوف الناس هتحبك ازاي استفيدوا من كل حاجه وربنا معاكوا انا اسف علي الاطاله وشكر :).............. |
||||||||||||
|
يتصفح الموضوع حالياً : 1 (0 عضو و 1 زائر) | |
|
|
![]() |
||||
الموضوع | كاتب الموضوع | المنتدى | الردود | آخر مشاركة |
Ψψ¯−ـ‗_ φj تم أفتتاح سيلكرود 4 عرب كافية نتمنى لكم قضاء وقت ممتع φjj _‗ـ−¯ψΨ | ToxiCity | بـعـيـدآ عـن سـيـلـك رود | 82 | 31-08-2009 09:01 AM |
Ψψ¯−ـ‗_ φj تم أفتتاح سيلكرود 4 عرب كافية نتمنى لكم قضاء وقت ممتع φjj _‗ـ−¯ψΨ | ToxiCity | بـعـيـدآ عـن سـيـلـك رود | 13 | 30-08-2009 07:08 PM |