بجد محتاجلكم...مش عارف امشي ولا لا..الى انتوا هتقولوه همشي عليه

[™Kamatcho™]

ياجماعة بجد انا بحبكم كلكم اللفل الصغير قبل الكبير
والى شايف عكس كدة فى اللعبة يقولي وانا من دلوقتي هعتزل الجيم

انا بجد حاسس انى ماليش اي لزمة فى السيرفر
حتى صحابي مابقوش معايا زي الاول مارجعناش نعمل كومينيتي مع بعض زي الاول

واحسن جيلد دخلتها طلعت فطشة....

فى ناس فعلا حسيت انها بتحبني وقالتلي ماتمشيش من السيرفر
وكان اولهم Theghost و Rock OF Roll

حكاية انى كنت عاوز ابيع الاكونت دى مش عشان انا محتاج فلوس ^^
بس عشان انا مش جاهز اظبط اي حاجة فا حبيت اروح ليسرفر تاني يكونوا كل صحابي فيه
وهو اودين

كل الناس شافت الحكاية دى حست انى عاووز مساعدة بس انا عمري ماطلبت مساعدة من حد
^^
ويوم مالاكونتين اتهاكوا..الحمد لله كله اتخلي عني...

الى هيقرا الموضوع هيفتكر ان انا مغرور وعامل لنفسي قيمة جامدة اوي فى السيرفر..
لا طبعاً الكلام عكس كدة خاااااالص بس انا مش عارف اعمل ايه..

لدرجة انى حسيت ان في ناس بتكرهني فى السيرفر..

ياريت الى هيقرا الموضوع ينسى تماماً ان انا مشرف القسم..
انا بكلكم بصفتي صديق مش اكتر

وشكراً ليكم كلكم