النداله اسلوب(تعلم النداله وحافظ على مظهرك العام)

[محسن الكاشف]

النداله علم اصيل من علوم التنفيض وكبر وانا اكبر......

وكأخ ليكم احب انى انوركم ببعض مما جاء فى الكتاب الشهير

((استندل واعملها مع اخوك وانسى كل اللى يحبوك))


اولا: ابعت صاحبك وقله ان فى بنت كلمتنى عليك على النت وبتموت فيك.......

وافضل معاه فى الخروجات اللى رايحه واللى جايه

على قفاه -وغوص فى العزومات براحتك يامعلم - طبعاااااااا مش لازم تحكيله على حبيبة القلب!!!!





ثانيا:اوعى تصرف حاجه من جيبك وعيش على فلوس اصحابك...واعمل بمبدأ

((اللى صاحبك يوفره انت تنطوره))

وحذارى اخى العزيز واؤكد على هذا المبدأ...الفلوس اللى تستلفها دى ملكك والا ماكنش صاحبك ادهالك ولا ايه؟؟!!!!





ثالثا: الحب لا يعرف المستحيل.......فليس مبررا على الاطلاق ان من يحبها صديقك لا تستطيع ان تحبها وتتزوجها
(وصاحبك فى الزحاليييييق) فما اجمل الحب! وما اعظم الاحباء!.....





رابعا: الصحة مافيش زيها والجرى للجدعان والخناق للراجل الشكمان.....مبدأ اكد عليه علماء النداله .....

صاحبك بيتخانق سيبوا واجرى......يعنى صحبك بيضيع نفسه وعايز يضيعك معاه تمشى وراه؟؟

يا عينى عليك من اصدقاء السوء.........





خامسا: يا صاحبى تبقى ليك وتقسم لغيرك...وبنطبق المبدأ ده فى حالة ان واحد صاحبك بيديك الكانز وبيقولك خد كده على ما

ارد على الالو ده......او ساب مفاتيح عربيته وانتوا قاعدين فى كافيه وراح الحمام....ايووووووه بتاعتك خلاص

ما اعظم الصداقه وما ألطف الاصدقاء!!!!!!!





سادسا: الاوك فى التيتا والشد فى الشيشه..... وده ببساطه معناه ان انت بقدر الامكان تبقى صديق شيشه بس

يعنى تعد معاه قاعدتك الحلوه و تخليه يعزمك على المشاريب طبعا وتعمل الدماغ التمام وتقضى الليله وتفرطه....

واوعى وبركز عليها اوعى تكلمه الا وانت نازل الكافيه تانى

هوه الانسان ايه غير مزاج وتهييس وحبة حاجات فوق بعض!!!





سابعا : المبدأ العام الذى تقوم عليه النداله وبسقوطه تسقط النداله....لا للامانه فى وجود النداله= مفيش امانه للابد