الحقوا نفسكوا يا شباب

[sharkash]

يا جماعه والله انا كنت ممكن انفض و مكتبش الموضوع ده بالاضافه الى انى اصلا نادرا اوىىىىىىى لما اكتب موضوع على منتدى بس صدقونى يا جماعه الموضوع مهم
ياجماعه انا من قريب متزامنا مع احداث غزه سمعت ان لعبة سيلك روود دى لعبه يهوديه و انا من نوع اللى ما بيصدقش اى كلام فقعدت افكر مع نفسى
هو انا ايه اللى اتغير فيا من اول ما لعبت اللعبه عما كنت قبلها لقيت
1/كنت قبلها ما بقعدش على الكمبيوتر الا ساعه او اتنين فى اليوم و بعدها بقيت اقعد عليه اكتر من ست سبع ساعات و اكتر كمان فى ايام العطلات
2/كنت متفوق و دخلت كلية الطب بمجموع يعدى ال 99فى الميه و بعد ما بدأت العبها فى سنه اولى كليه الحمد لله جبت مقبول و شلت ماده كمان..................بسم الله ماشاء الله
3/كنت دايما بزور قرايبى و جدى و جدتى ..............و بعد مالعبتها ما بقتش اشوفهم غير فى العيد وهى دقيقه واحده عشان الحق التاكسى اللى ببلاش اللى عملاه الجيلد بتاعتى
4/كنت بلعب كوره و بنزل اخرج مع صحابى ............وبعد مالعبتها بقت هى وسيله الترفيه الوحيده فى حياتى ............. دنا حتى بقيت اصلى فى بيتى و ما انزلش الجامع اللى هو لازق فى بيتنا
بقى بأختصار my only activity beside playing silk road is to play silk road
ففكرت يا جماعه ... هو فعلا اسرائيل عايزه ايه اكتر من كده ؟؟؟؟؟؟؟؟؟؟
تضييييع فى الوقت / والمجهود الفكرى / قطع صلة الارحام / تضييع حق الله فى الصلاه / فشل فى الدراسه / ده طبعا الى جانب تنمية فكر النصب و الاحتيال داخل اللعبه
وانا يا جماعه والله ما بوجهش امر لحد انا بس عايزك تقرا الموضوع و تفكر فى حالك انت و تشأل نفسك
هو أنا لو ماكنتش بلعب سيلك رود ياترى كنت هقضى الوقت بتاعى فى ايه ؟
مذاكره / صلاه / قراءة قرآن ......... وبلاش ده ولا ده يا عم انزل اخرج مع صحابك . روح العب كوره
و يا جمااعه اللعبه دى من رايى صنع يهودى بالفعل بالرغم من عدم وجود دليل مادى بس هى فعلا يا جماعه مخصصه على انك يا اما ماتلعبهاش خالص يا ماتعملش فى حياتك حاجه غير انك تلعبها و انا والله ما كنت هبطلها لولا انى فى لحظه جريئه مسحتها من على الهارد ديسك وكنت فاكر انى كام يوم و هرجع اجيبها لقيت الحياه من غيرها لها طعم تانى
و بس كده يا جماعه انا خلصت كلامى و كان عندى كلام اكتر من كده بكتير عشان اوصلهولكم بس الموضوع طول و خايف تزهقوا و ما تقرهوش خالص
و ان وفقت فمن الله و ان كان بكلام خطأ او سهو فمن نفسى و من الشيطان
اخوكم
محمد
الفرقه التانيه طب بشرى طنطا
و مش تبع الاخوان المسلمين والله...............ههههههههههههههههههههههههههههه