هيجيلك الضغط من سيلك رود و عندك مشاكل الدنيا أتفضل عندنا !

[airforce]

----------------------------------------

بسم الله الرحمن الرحيم

يا مرحبتين بيكم
الموضوع ده مفيهوش برامج ولا لوادر ولا جرارات زراعية حتي
كل الموضع أني حبيت أمسي علي كل واحد قرب يجيله الضغط زي حالاتي
من اللعبة ... و أسمحوا لي أتكلم شوية ماهو طالما مش عارفين ندخل السيرفرات
يبقي نتكلم مع بعض أحسن بدل ما الواحد يتهبل هههههههه .:p:p

اللـــودر loader :

هو شيء ما الهدف منه أنه يدخلك اللعبة بسرعة في أقل وقت ممكن أو هكذا أخبرونا
و الحقيقة و الشهادة لله كان زمان كده لغاية لما قلب نو دي سي No DC مش عارف ليه !!!!!

برامج البوت :

دي الحاجه اللي بيعذبونا بيها مع وعد انك أن شاء الله مش هتعمل حاجه غير أنك بس تشغل اللعبة
و هو هيتكفل بالباقي هياخد الكراكتر يجيبلها دم و باور و حصان و هيرضعها و يهشكها
و يوصلها لمكان الضرب و هتضرب و تقتل و تفجر و تسحب و تخترق الجدران و الأشجار و الصخور
و تمسح كل وحش اللعبة و ترجع المدينة محملة بالجولد و اليتمز و كل ما لذ و طاب من sos و sun
علشان تحط الحاجات دي في خزاين قارون بتاعتك و ترجع تاني بعد التصليح تبدأ من الأول .
ههههههههههههه بس ليس كل ما يتمناه الــ >> فاهمين الباقي ! و عجبي !!

الأسكامرز scamers :

1 - في ناس بتتعب ولا تكسبش !!
2 - و ناس بتكسب ولا تتعبــــش !!
---
و السكامرز دول ناس ماشية علي الطريقة التانية و قد قرروا جعلها أسلوب حياة و ياعني أذا كان
كانت اللعبة عاملة كده في البشر و معذباهم ليل و نهار طيب أحنا هنكون أحن عليهم من اللي عملهم
اللعبة هو بيبلكهم مباشرة و أحنا بنحطهم في حكم المتبلك بس بأسلوب غير مباشر !!

الجــــــ أم ــــــــي --l GM l -- :

ده شخص مسئول في اللعبة مصمم دائما أنه العدد في كل سيرفر ما يوصلش للمليون بأي طريقة كانت
لذا يقوم بين الحين و الاخر بعمل تنظيم أسرة أجباري للسيرفر و أنت وحظك مش كل البويته باخدوا بلوك
بس فعلا مش كل اللي أخدوا بلوك بويته* ياما في البلوك مظاليييييييييم و عجبي !!

* ملحوظة كلمة( بويته ) تعني الشباب الجميلة اللي بتستخدم بوت Bot في اللعب ! حقيقة علمية !!!

الجلوبــــــــــــــال :-

أسهل طريقة للردح في السيرفر و كمان بتعملك برستيج أكيد طالما انت بتستعمل جلوبال تيقي
شاحن سيلك ! و كمان ممكن تشتهر في السيرفر و كله يعرف أسم الكراكتر بتاعتك !!!!

الدسكونيكت Deconect _ DC _ :

هو امر عادي جدا يحدث غالبا بعدة ألالاف المحاولات الأسطورية للدخول الي السيرفر
او عند أنقطاع الكهرباء بسب أبو لمياء او بسبب الكائنات الفضائية التي تقرر أنك أنت السبب
الوحيد في عدم دخولها الي اللعبة !! لكن طبعا بتوع الكهربا دول ناس لطيفة و زي الفل
و مالهومش دعوة خالص !! براء الذئب من ...

ليفل 90 levl 90 :

يقال و العلم عند الله أنه شيء أسطوري يصل اليه فقط الفرسان الصامدة في وجه الوحوش و البلوكات و الدسكونكتات و البلاوي الزرقا اللي هاتقابلها في مشوارها الطويل و يقال برضه و الله أعلم أن
مفيش حد وصل له ألاو قد حدث له تغييير جذري أما بالفصل من الشغل أو الهبل المنغولي أو التخلف
العقلي و قلة هم من أحتفظوا بعقولهم سليمة حتي وصلوا اليه .. و ربنا معاكم .

أنتهــــــــــــــــــــــــــي
و لكم مني خالص الود و التقدير
و ميرسي لكل الناس اللي أطلعت علي الفضفضة ديه
و مستني فضفضتكم و أدينا بتسلي مع بعض .