عيادة سلكويه النفسية

[omar007]

قبل اى شىء بسم الله الرحمنالرحيم
القوانين
اولا مواعيد العمل من الساعه 1صباحا الى 1.5صباحا
ايام الاجازات كل ايام الاسبوع ماعدا الاحد هو اللى هنشتغل فيه
مش عايزين وجع قلب
المريض يجى لوحدوا ميجبش معاه ولا مراتوه ولا عايلوا
يحجز قبليها بشهر
لو جه دقيقه زياده او دقيق متاخر هيدفع 20 جنيه
الاستشاره ب 100 جنيه
الكشف ب جنيه ونص
ممنوع شرب الحشيش و البانجو كل واحد يشرب فى بيته قبل ما يجى

ونقووووووووووول الوووووووووووو

ياحبيبي ده احنا عندنا فلاسفة نفسيين واحنا مش داريين :eek:

وحفيد افلاطون وحفيد انشتاين ومؤسس علم النفس كمان :eek:

طب دي فرصة وجت لعندي

وهبقي اول صاحب مشكلة جاي يشتكي عندكم يااباطرة العصر :d

وعاوز شوية نصائح في حوار الامتحنات علي السريع كده

عشان اخوكم عنده اول يوم في امتحناته النهاردة

ونفسه يذاكر بس المشكلة انه مش قادر يذاكر :eek: عشان هوا مش عاوز يذاكر :eek: مع انه مفروض يذاكر :eek:

فالازم اذاكر عشان انجح بس المشكلة مش عاوز اذاكر وعاوز انجح

فاياريت كده نصيحة حلوة وتقولولي ازاي انجح من غير ماذاكر :d

وشكراً !!

كانا معاكم مؤسس علم طب الاسنان وحزب المعارضة ولف :d

يا فتاح ياعليم يا رزاق يا كريم
اصبحنا واصبح الملك لله وياترى مين اول مريض معانا
المراقب العام فى يوم الافتتاح انا شكلى هستقيل
واتلغت كل القوانين اللى انا قلتها


الحل ياعم انت حلك الوحيد انك تغش
وعلشان تغش فى طرق كتير ولها فوائد بردوا والله
متخفش يعنى

اولا الفوائد
1 بقوى روح الصداقه بينك وبين اصحابك اللى انت متخانق معاهم وواخدينك علئه فى الفصل وجايبين وشك سبعات فى تمنيات
2هتتعرف على ناس كتير وعلى مراقبين وده ب العافيه علشان تغش يعنى تجبر نفسك انت تتعرف عليهم زوق عافيه على كل المدرسين اللى عليك وتعرف هما ساكنين فين كمان يمكن يطلع معرفه وده الغرض
3هيبينلك الاصدقء الجدعانت ازاى يعنى ممكن واحد يضحى بنفسوا وهو اللى يتمسك بدالك علشان انت تخلص وحركات جرائه ممكن ياخد ورقه اللى بتغش فيها ويحطها فى بؤوووو قبل ما المدرس ياخدها ويدبسهالك وابقى قبلنى

الطرق
البرشام يعنى فكك من المذكره وهات الملزمه قبل ما تخش الامتحان وروح عند المكتبه اللى قبل المدرس بساعه علشان تلحق اصلها زحمه اوووووى ما انت مش لوحدك يا حبيبى يعنى اللى هتغش اه ده نص المدرسه بغش والنص التانى بغشش وادفع 3 جنيه وصغر الملزمه وطبعا انت بتتفتش وانت داخل اه بس مالهاش لازمه مع اللى هقولهولك ده اول حاج الملزمه هتكون 4 ورقات مانت صغرتها بقى ولازم يكون ماعك عدسه مكبره اصلك مش هتشوف
تمسك اول ورقتين وافتح السوسته بتاعت البنطلون وحطهم من قدام
فاضل ورقتين فك رباط الجزمه
واقلع الجزمه بس بعيد علشان الريحه والنبى وحط الورقتين اللى فاضلين فى الشراب والبس الجزمه تانى

بعد ما تتدخل اللجنه اقلع على طول فى وسط اللجنه متخفش مش لوحدك اللى هتعمل كده وطلع الورق وحطه فى الكم ومحدش قالك البس بنص كم مالناش فيه اول ما تستلم الورقه اعمل نفسك انك بتسمى واكتب اسمك ورقم جلوسك ومتنساش اوعى تكتب اسمك مكان رقم الجلوس اه فى ناس كتير بتعملها
وطلع من الكم طرف الورقه واقل دور
عارف طباعه انك مش شايف حاجه
حل صح وغلط الاول
صح صح غلط صح غلط
علشان متقولش انى حرمك من حاجه اهو

وبعدكده اطلب من الرجال المراقب انك تنزل الحمام ومتنساش اعدسه المكبره هيقولك بس ياض استنى شويه من اولها
انت تفضل تزن وتشوشر على اللى حواليك
هيقولك انت منين ياض تقلوا من كذا شوف انت باين ليبيا منعرفكش احنا
هيقولك ايه اللى جابك مصر هتقولا العب بيلى هيقول منين فى ليبيا رد انت عليه فى كذا كذا هيفتى ويقولك تعرف
معمر القذافى هتقولوا الريس هيقولك اه
تقلوا لا معرفوش
هيفتى معلش يقولك ده كان عندنا فى المدرسه هنا
هتقولوا انت اخلص عايز انزل الحمام بدل ما اعملهم فى الدرج هنا
هينزلك اوعى تنسى العدسه
انزل الحمام بس بسرعه علشا الريحه
طابعا انت مش هتلاقى مكان تخش فيه زمايلك كلهم جوه عادى ادخل عليهم هنا روح الصداقه بتبان وحل الاسئله واحفظ واطلع وقلوا تصور يا استاذ معمر القذافى كان فى الحمام هينزل تكون انت حليت للى انت عايزوا
اى خدمه ياعم ^^
وكام ممكن تغشش اللى حواليك تكتب اللى الاجابه فى ورقه الاسئله نفسها اه انت فاكرنى بهزر وتقوم مبدل
لو حد جاى يقفشك ابلعها على طوووووووووووووووووووووول
سلاموز ربنا يستر على عضويتى