التعليق العام على المسلسلات التركية

[Fire Dragon]

بسم الله الرحمن الرحيم

تحية طيبة و بعد .


طبعا الموضوع قبل ما ابدأ اتكلم فيه واضح من عنوانه وفيه ناس كتير اتكلمت فيه بس انا حعمله بطريقة مختلفة شوية .

طبعا الكل عارف المسلسلات التركية زي (نور - سنوات الضياع - لحظة وداع ......... الخ )

المهم انا من ساعة اما المسلسلات دي بدأت تيجي على التليفزيون و كان طبعا اولها نور محطتش بال فيها و قلت عادي زي بقية المسلسلات الاجنبية .

و انا دلوقتي حتكلم عن مسلسل نور بس عشان ده اخد شهرة كبيرة جدا جدا جدا .

اولا : انا لاحظت ان معظم ستات و بنات مصر اعجبوا بالمسلسل ده و مدمنين تفرجة عليه على كل القنوات الا من رحم الله .
ملحوظة :(من بينهم اختي):D

المهم سألت قرايب بنات لية عن سبب الحب الشديد لهذا المسلسل التافه جدا و لقيت اجابة تافهة اكتر انه مليئ بالحب و الرومانسية (السبب الحقيقي من وجهة نظري وسامة مهند وحلاوته رغم ان انا احلى منه:p)

انا كبرت دماغي و قولت ياعم اهم بنات و عالم فاضية و بتاع .

لكن من ساعة اما المسلسل نزل على القناة التانية الارضية قولت لازم اتكلم شوية .

ايه اللي يخلى قناة مصرية تحط مسلسل تركي و عمرها محصلت من ساعة اما اخترعوا التليفزيون .

اكيد ده وراه سبب و السبب ده من وجهة نظري هوا التفاهة اللي وصل المجتمع المصري اليوم .


الترك تلاقيهم لقو المصريين مش لاقيين حاجة يتفرجو عليها راحو منزلين كام مسلسل يقطعوا بيهم بقية المسلسلات.


ايه اللي يخلي واحد يسيب اللي بيعملو و يروح يتفرج على حتة مسلسل لا راح ولاجه و قال ايه دي نور و مهند شويةيحبوا بعض و شوية يضربوا بعض و حاجة قرف .:eek:

الترك تلاقيهم لقو المصريين مش لاقيين حاجة يتفرجو عليها راحو منزلين كام مسلسل يقطعوا بيهم بقية المسلسلات.

معلش طولت عليكم و انا مش طالب منكم غير تلعيق على اللي بيحصل ده .

واختم بكام بيت شعر الفتهم :

اكحم اكحم



كم من مسلسل تركي قال لصاحبه تعالى قعد و تنح و ازداد برادة
و رُب مشاهد قال قرب ياد شوف الرومانسية و شوية عياط
مشاهد محزنة على مشاهد مضحكة انا مش حتفرج على شوية بمبكة :D

ملحوظة صغيرة :( الكام بيت دول الفتهم وانا بستحمى :p)


انتهي و مستنى الردود و التعليقات الجميلة منكم .