حكايتى مع سيلك رود... أدخل وشاركنا

[fathyhero]

البدايه كنت بروح سيبر واحد صاحبى وارقعد على جهاز وادخل الياهو او الكامفروج الشات مع الاصدقاء
ممكن العب ميدل اوف هونر شبكة وممكن فيفا شويه وهكذا

واتارى صحبى ده اللى هو صاحب السيبر بيلعب سيلك رود وكل يوم اجى ابص عليه الاقيه بيلعبها
ما حطيتش فى دماغى قلت هى اكيد لعبه جامده طالما هو بيلعبها
وفى يوم من الايام وانا قاعد راح مشغل اللعبه ومعلى صوت الصب او صوت اللعبه فانا قاعد
سمعت صوت ضربات وهجوم وصوت وحوش بتموت وصرخات بتاعت السكيلات

قربت منه وقعدت جمبه وديه بدايه الجحيم سكة اللى يروح ما يرجعش
هو مش طريق الحرير لا طريق الهلاك
قعدت جمبه اتفرج شويه وبعدين سالته

أنا: ايه اللعبه ديه؟
هو: ديه لعبة اسمها سيلك رود وبتتلعب اون لاين
أنا: طيب ايه الناس الكتير دول اللى بيجروا جمبك ؟
هو: دول ناس بيلعبوا زيي كل واحد فاتح جهاز
أنا:وايه اللى معاهم ده الحق ده راكب حصان وده مش راكب ليه وده معاه *** وده مش معاه ليه؟
هو:اصل الحاجات ديه بيشتروها بالجولد وانا مش معايا جولد
انا: يعنى ايه جولد؟
هو: فلوس
وهكذا بدات اتعرف على اول ملامح سيلك رود
سبته ورحت روحت وقعدت افكر فى اللعبه ناس معاها حصان وناس معاه كلاب اللى هو الولف بس انا كنت افتكروا *** فى الاول
وناس بتجرى وناس واقفه وكل دول كل واحد قدام جهازة فى سيبر او فى البيت
لازم اروح العب اللعبه ديه واشوف ايه نظامها
خلاص انشاء الله بكرة هاروح العبها

تانى يوم
انا: السلام عليكم ازيك يا محمد
هو: وعليكم السلام ازيك يا فتحى
انا: ايه انت لسه بتلعب من امبارح
هو: اه
انا: ايه مش بتزهق من اللعبه ديه يا بنى
هو: لا ديه لعبه جامده ومش بتزهق
انا: طيب بقولك ايه انا عايز العبها ممكن بتتلعب ازاى ديه
هو: ياه ده حوار كبير اوى لازم تعمل ايميل الاول وبعد كده تدخل تختار سيرفر وبعد كده تختار لاعب تلعب بيه وسلاح ولبس وليله طويله
هابقى اعلمهالك بس سيبنى دلوقتى
انا: اوكى
قعدت فى السيبر شويه وبعد كده نزلت رحت سيبر تانى عند واحد صاحبى لقيت 2 قاعدين جمبى وسمعتهم بيقولوا نعمل اكونت وايميل على سيلك رود كانوا قاعدين على الجهاز اللى جمبى
دخلوا الموقع وعملوا اكونت وبعد شويه سابوا الجهاز ومشيوا انا رحت قعدت مكانهم ورحت فاتح الصفحه اللى كانوا فاتحينها ولقيت مكتوب كريت نيو اكونت رحت اقعدت اكريت لحد ما ظبطت الليله
الكلام ده كله لما كانت سيلك رود بتفتح من مرة واحده وماكانش فى لودر وبوت والحوارات ديه
بعد كده رحت السيبر بتاع محمد صاحبى ما لقيتهوش شكله راح روح لقيت اخوه
فين محمد قالى ده روح وهييجى بالليل قلتله طيب بقولك ايه فى لعبه هو كان بيلعبها هنا اللى هو كل يوم بيلعبها اللى فيها حصان وكلاب وناس بتموت الوحوش قالى اه عرفتها سيلك رود قولتله ايوة هى ديه
فين انا عايز العبها قالى اوكى اقعد على جهاز 6 وهتلاقى ايقونه فيها واحد راكب فوق جمل

ايوه هى ديه وفتحت الايقونه وفتحت اللعبه وظهر لى سيرفرات كتير بس انا ساعتها ما ارعفش ايه دول
وما اعرفش محمد بيلعب فين بالظبط
رحت دوست على اول واحد
وكتبت الاكونت والباسورد اللى عملتهم ايام ما كانت اللعبه مش بتجيب الايمج كود زى دلوقتى
وما فيش دسكونكت تكتب اسم دخلت ماشى ما دخلتش بعد شويه تدوس انتر تانى
المهم ماعرفتش ادخل الجيم ولا اعمل حاجه رحت مستنى محمد لما ييجى
المهم محمد وصل

اهلا يا محمد ايه الاخبار على فكرة انا عملت اكونت وعايزك تعلمنى اللعبه ديه قالى اوكى ده انا هاعملك اكونت حكايه اكونت بيضرب بس مش بالسلاح بيطلع سحر كهرباء ونار وتلج
ورحت مكريت الاكونت واختارت اسمه وكان اول كاركتر العب بيه اسمه hero_66وكان بيقولى ارفع فى اللون الازرق مش الاحمر
وكل يوم اتعلم حاجه لحد ما ادمنت اللعبه بنت ال*** ديه

المطلوب : من كل واحد يدخل هنا برجاء يكتب حكايته مع سيلك رود وازى اتعلمها وفين شافها

وفى الاخير ارجوا التثبيت