الشــرح الــكــــامـــل لــبـــرنــــامــج Ashampoo Snap 5

[youssef13]

الشــرح الــكــــامـــل لــبـــرنــــامــج Ashampoo Snap 5

أولًا : الـتسطيب والتفعيل [ Setup & Activation ]



الشرح :-

1. حنفتح البرنامج ashampoo_snap_5_e5.1.1_sm



http://im61.gulfup.com/4LzaY8.png



2. نختار اللغة [ English ] وندوس [ OK ]



http://im61.gulfup.com/QcvT8X.png



3. ندوس [ Next ]



http://im61.gulfup.com/IfWCjt.png



4. نعلم علي [ I accept the agreement ] وندوس [ Next ]



http://im61.gulfup.com/KnYRQ3.png



5. نعمل زي الصورة .



http://im61.gulfup.com/FUVCaf.png

نختار [ Custom installation ( for advanced users) ]



6.

http://im61.gulfup.com/SYPmtc.png



7. ساعات بيطلب ريستارت وساعات لأ
لو طلب اعمل لو مطلبش خلاصـ ..



http://im61.gulfup.com/svoQR9.png




8. افتح الـ Registration.reg



http://im61.gulfup.com/7PEAkw.png



9. دوس [ Yes ]



http://im61.gulfup.com/sIODN6.png




10. ندوس [ OK ] وكدة تم التسطيب والتفعيل



http://im61.gulfup.com/EXN46y.png





ثانيًا : شرح البرنامج نفسه .
اول لما نفتحه بيظهر شريطة خضراء فوق



http://im45.gulfup.com/DDhtJ2.png

حنشرح حاجة حاجة في الصورة ..



1. Capture a Video ودي لتسجيل فيديو جديد

فيها اكتر من حاجة كله حيتشرح



http://im63.gulfup.com/aiktbU.png

مبدئيًا فيه حاجات حتمشي في كل اللي في الصورة
اللي هي :

1. لو عايز توقف التسجيل مؤقتــًا .. دوس علي [ Shift + Pause ]

2. لما تخلص تسجيل وخلاص عايز تعمل [ Save ] دوس علي [ Pause ]
أو دوس علي Capture a Video تـانـي ..

نبدأ شرح كل حاجة

1. A Single Window
دي لتسجيل نافذة فردية
اول لما تختارها وتدوس [ Start ]
كل ما تقف بالماوس في حتي حيعلملك البرنامج عليها بالاخضر
تدوس كليك شمال علشان تبدأ التسجيل او كليك يمين للإلغاء ..



2. Desktop
مجرد ما تدوس [ Start ] حيتم تسجيل شاشة الكمبيوتر كاملة فيديو



3. A Rectangular Region
تصوير مربع معين من الشاشة انت بتحدده
اول لما تبدأ تحديد الشاشة كلها لونها بيبقي اغمق معادا الحتة اللي انت محدد تسجل فيها
كليك شمال علشان تبدأ تسجيل ( الشاشة طبعًا حترجع لونها الفاتح الطبيعي )
لو كليك يمين للإلغاء ( الشاشة طبعًا حترجع لونها الفاتح الطبيعي )




4. Fixed Region
دي البرنامج فيها بيديك اختيارات لمساحات مختلفة شوف المساحة المطلوبة واختار الجزء اللي عايز تسجل فيه بالمساحة دي
كليك يمين للإلغاء او كليك شمال لبدء التسجيل



5. مجربتهاش لكن اعتقد ان دي الـكاميرا لو عندك ..

6 و 7 دي الجودة
الفرق مش كبير لكن 7 لو اخترتها حتاخد وقت كبير جدًا جدًا جدًا علشان تعمل Save
اختار 6

8. دي لبدء التسجيل اتقالت في كل اللي فات

9. للإنهاء

10. لما تدوس عليها حتظهر نافذة تانية ودي صورتها ..



http://im76.gulfup.com/bLEhv9.png

1. [ Show Mouse Cursor ]
لاظهار الماوس في الفيديو

2. [ Cursor Effect ]
تأثير الماوس في الفيديو وبتختاره من القائمة اللي جنبها

3. [ Left-Click Effect ]
تأثير الماوس في الفيديو لما بتدوس كليك شمال ، وبتختاره من القائمة اللي جنبها

4. [ Right-Click Effect ]
تأثير الماوس في الفيديو لما بتدوس كليك يمين ، وبتختاره من القائمة اللي جنبها

5. Hotkey لو عايز تعمل ZOOM في الفيديو في المنطقة اللي حوالين الماوس
لما تدوس F10 حيعمل ZOOM وبيبان الجزء اللي حيبان في التصوير ( بيعلملك حواليه اخضر )
لما تدوس F10 تاني ترجع طبيعي ..




6. [ OK ] لحفظ التغييرات في الاعدادات

7. [ Cancel ] لإلغاء اي تعديلات اتعملت في الاعدادات

كدة تم شرح كل حاجة في Capture a Video




2.- Capture Scrolling Window - Freestyle

لو عندك فولدر في ملفات كتير وطبعًا مش باينة كاملة ( بمعني انك بتقلب في الملفات بالسكرول )

صورة مثـال :



http://im63.gulfup.com/8nxBfZ.png

لو انت عايز الملفات اللي في الفولدر دة تبان كاااملة
بتستخدم الـ Capture Scrolling Window Freestyle

بتعلم علي الجزء اللي في الصورة بس

مش بتعلم علي الشاشة كلها ( خلي بالك حكاية تعلم علي انهو جزء بتفرق خاالص في النتيجة )

لو علمت علي الجزء اللي انا مصوره كدة

حتبقي دي النتيجة



http://im76.gulfup.com/YJ2YVK.png


الفولدر كله ظاهر !



3. - Capture Scrolling Window - Website

زي اللي قبلها لكن دي لصفحات النت ..
لكن متجيش تجرب في صفحة زي Silkroad4arab لأنها كبيرة جدًا والبرنامج مش حيعملها

جرب كمثال في صفحة زي www.gulfup.com
+ فيه اختلاف بسيط بينها وبين اللي قبلها
دي هو بيحددلك المنطقة انت مش بتظللها بنفسك زي اللي قبلها




4. التقاط صورة لـ [ Menu ] زي قائمة [ File ] مثلًا .. !
بتختار [ Capture Menu ] وبتفتح قائمة [ File ]
بيحددلك حواليها بالاخضر
دوس [ Enter ] علشان تصور او [ Escape ] علشان تلغي التصوير
( ملحوظة )
لما تدوس [ Enter ] لو انت واقف علي حاجة متفتكرش انه حيدوس عليها
بمعني انك مثلًا في الـ [ Menu ] بتاع [ File ] واقف بالماوس علي [ Close ] وعايز تصور
لو دوست [ Enter ] مش حيعمل [ Close ]
مجرد انه حيصور بس



5. [ Timed Capture...]

ودي تستخدمها لالتقاط شاشة بعد مرور مدة زمنية محددة او كل فترة زمنية محددة

نشرح اكتر

اول لما تختارها حيظهرلك الشاشة دي



http://im73.gulfup.com/hShG5g.png

1. يصور الشاشة بعد مرور X ثانية

طبعًا انت اللي بتختار كام ثانية
..

2. يفضل يصور كل X ثانية لحد ما تدوس علي [ Pause ] في الكيبورد وبتكون دي آخر صورة لما تدوس [ Pause ]

3. 4. 5. نوع التصوير

3. شاشة فردية بتحددها
4. الشاشة كاملة
5. منطقة معينة مربعة بتحددها

6. يبدأ
7. للإلغاء



6. [ Capture Single Window ]
تصوير شاشة فردية مجرد انك بتحددها وهو بيصورهالك
لو دست عليها ورجعت فكلامك دوس كليك يمين للإلغاء
كليك شمال للتصوير



7. [ Capture Free Rectangle Region ]

بتصور منطقة مربعة انت بتحددها

بعد ما تحددها بتدوس كليك يمين للإلغاء او كليك شمال للتصوير ..




8. بتحدد منطقة عشوائية تصور فيها



9. [ Capture Fixed Region ]
البرنامج بيديك مساحات لو عايز تصور في مساحة معينة من اللي موجودة
بتحدد المكان بتاعها وكليك شمال للتصوير
او كليك يمين للالغاء



10. فتح صورة والتعديل عليها من خلال البرنامج من خلال شاشة الـ [ Edit ]
حشرحها بعدين



11. [ Configure ... ]
ودي شاشة الاعدادات



http://im46.gulfup.com/XppqGh.png

1. اظهار شاشة التعديل علي الصورة من البرنامج وعدم حفظها وبتختار انت تحفظها او لأ

2. عدم اظهار شاشة التعديل علي الصورة من البرنامج وحفظها اوتوماتيكيًا الي هذا المسار

C:\Users\X\Pictures\Ashampoo Snap 5

بدل X دة الـ Username بتاع الجهاز عندك ،

3. اضافة تأثير الظل في الصورة

( زي الاحمر اللي موجود في كل صور الموضوع )

4. بتخلي الماوس يبقي ظاهر في الصورة
( عن نفسي مش بحبها )

5. حفظ الاعدادات

6. خيارات اضافية مجرد ما تدوس عليها حيطلعلك شاشة الـ Settings

بتيجي مفتوحة جاهزة علي Capture من ع الجنب
لكن حشرحها كاملة من اول General
Skin Language
و Capture
Output
و Edit Mode
Tools
Import / Export

اول حاجة General



http://im89.gulfup.com/jyOvZp.png

1. بدء تشغيل البرنامج مع الويندوز

2. splash screen دي زي شاشة كدة Logo للبرنامج
بتظهر لكدة 5 ثواني لما تفتح البرنامج
لو مش عايز تخليها تظهر شيل العلامة من عليها

3. لما بتصور حاجة بيعمل صوت الكاميرا
لو عايز تلغي الصوت شيل العلامة من عليها

4. دة الـ Hotkey بتاع تصوير الشاشة كاملة وهو Print
ساعات بيبقي حد دايس Print علشان الـ Paint ويروح البرنامج مصور
لو مش عايز البرنامج يصور لما تدوس Print متعلمش عليها

5. اظهار او اخفاء الشريط الاخضر اللي بيبقي في الشاشة ،،
لو اخترته اظهار بتحدد مكانه اذا كان فوق تحت يمين شمال ،،

6. بتغير شكل الشريط كدة حاجة بسيطة جربها وانت تعرف ،،

7. دي الـ Hotkeys


كل الكلام دة شرحنها العناوين ،، مجرد انك بتحدد بس الـ Hotkey سهلة يعني مفهاش حاجة

8. ارجاع الـ Settings او الاعدادات زي اول ما بتسطب البرنامج

9. لما بتسطب البرنامج كل حاجة بتعملها بيشرحهالك
لو انت اخترت Do not show again
وعايزها تظهر تاني
من الزرار دة

10. لحفظ الاعدادات

11. لالغاء اي تعديلات عملتها

كدة تم شرح الـ General

بالنسبة للـ Skin


http://im89.gulfup.com/YE7XE3.png

كل حاجة بتعدلها بيبان
لأن فيه شاشة معينة
عمومًا هو كل دة مجرد اشكال يعني
شوف شكل البرنامج اللي يعجبك واختاره

و Language دي اللغات مش محتاجة صورة ،،


بالنسبة بقي لـ Capture

1. خلفية للصورة
2. ظل الصورة
دي الالوان اللي حوالين الصور بتاعت الموضوع كله ،، باين مين الخلفية ومين الظل في الصور

3. 4.

علشان يبقوا شغالين لازم تعلم علي Include mouse cursor in Capture
دي انا شارحها من قبل ما ندوس علي More Options !

مجرد اعدادات للماوس يظهر ازاي في الصورة بتختار ليه شكل معين عادي يعني ،

5. شكل الصورة
و هي None مش حيبقي فيها اي تاثيرات
لكن مثلًا Effect ZigZag
بيخلي الصورة عاملة شبه الـ ZigZag كدة ^^

6. بتحدد اتجاه التأثير لو عايزه كل الاتجاهات اختار All

7. تأثيرات وحشة جدًا بس اللي عايز يجربها عادي

8. لاظهار علامة الـ (C) في نص الصورة ( علامة مائية )

9. علامة مائية مكتوبة وانت اللي بتختار الكتابة
لحفظ حقوقك علي الصورة

10. علامة مائية بصورة مش كتابة

11. شفافية العلامة المائية

هي بتبقي مظبوطة علي انسب حاجة يعتبر

OK لحفظ الاعدادات

Cancel لإلغاء التعديلات

نروح بقي لـ Output



http://im71.gulfup.com/P8pJdN.png

ملحوظة : انا عامل تأثير الـ ZigZag في الصورة دي ^^


1. صيغة الصورة

2. مسار حفظ الصورة

3. سيبوها زي ما هي كدة

4. حفظ الاعدادات

5. الغاء اي تعديلات اتعملت

كدة تم شرح معظم الاعدادات واهمها في الــ [ More Options ]

لو خفيتوا البار اللي فوق في الشاشة تظهروه ازاي ؟
حتلاقي البرنامج مفتوح جنب الساعة
كليك يمين عليه
واختار [ Show Capture Bar ]
















لا يسمح بالنقل للمنتديات الاخري بدون ذكر المصدر !!!