أنا عاوز حقي يا GM من Dragon_WiZ

[AbdAllahOmar]

بسم الله الرحمن الرحيم



دلوقتي أنا اتظلمت في السيرفر كذا مرة و كل ما اشتكي ما أخدش حقي زي العادة غير مرة واحدة بس من شخص شتمني و مش هذكر اسمه طبعا احتراما ليه علشان أخد جزاؤه بان يومين



لكن



للاسف اتظلمت كتييير جدا بعدها و محدش جابلي حقي

ليه؟ مش عارف



طيب نبدأ نتكلم على الموضوع الأساسي اللي أنا بشتكي منه (في 3 مواضيع تانيين اشتكيت فيهم و ما أخدتش حقي ) لو حد عاوز يفتحهم معنديش مانع بس الجزاء يكون جاهز



خلينا زي ما قلت في موضوع الشكوى





أنا عاوز حقي المرة دي من Dragon_WiZ علشان أحس إن في عدالة و مساواة



طبعا كلنا عارفين إن في مسابقة اسمها يونيك رانك و أنا كنت بنافس فيها منافسة شريفة مع Dragon_WiZ لكن للأسف اتقلب الوضع من منافسة شريفة إلى صراع محموم .



طيب



تبدأ القصة من إن الأخ Dragon_WiZ دخل عليا في مرة EVENT AREA اللي بينزل فيها اليونيك و معاه شخصية تانية بتاعته اسمها _DonJuan_ و ده (دجر وارلوك ) و كنت في event area لوحدي مستني نزو اليونيك



لما لقيتهم 2 روحت فاتح 2 أكونت تاني و عملت بارتي أنا كمان راح هو جاب صحابه في الجيد علشان يساعدوه (لحد كده مفيش مشاكل ) لكن لأسف المشاكل بدأت مع ظهور اليونيك (كل ما يونيك ينزل يروح Dragon_WiZ يعملي stun بالدجر بتاعه اللي هو _DonJuan_ و طبعا Dragon_WiZ نفسه شغال بوت و بالتالي كان بياخد معظم اليونيك ) بس بطريقة غير شريفة و غير قانونية



علشان سيرفرات اليونيك ممنوع فيها pk أثناء قتل اليونيك و في ايفنتات اليونيك و بعض السيرفرات مانع ال pk بنسبة 80% علشان محدش يعمل عليك pk في يونيك





لما Dragon_WiZ عمل كده روحت مكلم ال GM _JO_ و قلتله هاي و حاولت أتواصل معاه لكنه كان لأسف مش موجود و في اليوم ده حصل MURDER عليا من واحد صاحب Dragon_WiZ اسمه Azazel و معرفتش اكلم ال gm علشان كان afk و مش موجود





انتهى اليوم و أنا دمي محروق لإن في الوقت ده أنا كنت متقدم عليه في الرانك لمدة مش قلية تقريبا أسبوع لكن بأسلوبه الجديد في اللعب .





في اليوم التالي :



حصل نفس الأمر و تغيرت بعض الأسماء لكن بدأ برضه Dragon_WiZ يعملي stun مع كل يونيك ب الوارلوك بتاعه



حاولت أكلم _JO_ و نجحت المرة دي علشان رد عليا و دار بيني و بينه الحوار التالي :



أنا قلته : هاي

يا باشا تعالى شوف اللي بيحصل في ايفنت أريا بنفسك / شوف الIP بتاع Dragon_WiZ و ال IP بتاع _DonGuan_ علشان أنا بشك إنهم شخص واحد



و قلتله : و ده لو ثبت شوف مين بيستفيد من ال stun اللي باخده لما اليونيك بيظهر



هنا رد عليا GM_JO_ و قالي



هاي أنا آسف / أنا مش فاهم هو بيعمل إيه بالظبط



قلتله (شوف اللي بيحصل في ايفنت أريا)

قال لي ( انا هنا / إيه بقى ؟)

قلتله (راقب و انت هتعرف الآن)

قال لي ( يعني ده PVP و لا ده إيه)

قلتله ( لا / يونيك ايفنت أريا / صراع على اليونيك رانك)



قال لي ( تمام إيه المشكلة ؟ / في بف لما يونيك ينزل ؟ )



قلتله (Dragon_WiZ بيعملي STUN ب _DonJuan_ ده / و امبارح Azazel اتمردر عليا ) طبعا في نفس المكان



راقب ال جي إم الموقف بدون ظهور حتى رأى بنفسه




و هنا



ظهر ال جي إم في event area و تكلم مع الجميع قائلا :



Hi all

يا جماعة ممنوع إنك تفتح pk على حد في اليونيك أو أي شيء (طبعا يقصد stun )



و قال :

أنا بحذر أهوه

علشان بعد كده لما حد ياخد بان ما يسألش (أو يقصد ما يزعلش)



Dragon_WiZ اتكلم و قال : (ممكن أتكلم يا _JO_ ؟ )



قال الجي إم ( من غير أي كلام )



قال Dragon_WiZ : (أقول حاجة بس)



قال ا ل جي إم :

Good Luck All

و انصرف ال جي إم بعد أن راى و حذر و شكرته على تقديره و سكت على اليومين اللي فاته و قلت خلاص الموضوع انتهى ما دام الراجل قدرني و حذرهم خلاص الموضوع انتهى .





لكن للأسف



من يومين أو 3 أيام كان في ايفنت امام بوابة مدينة جانجان و انا دخلت بالصدفة لقيت GA Doctor بيتكلم فقلتله فين قالي أمام جانجان قلتله بس يا رب حد فيهم يديني pt قال لي إن شاء الله هيدوك



روحت و طلبت pt محدش رضي يديني علشان العلاقة مش كويسة مع بعض كلمة واحد صاحبي في الجيم كان فاتح 2 أكونت و فتحت أكونت بافر و أكونت أتاكر و عملنا بارتي و الحمد لله أخدت منهم 2 يونيك



طبعا دراجون مكنش موجود ب الأكونت الأساسي لكن ما هي غلا لحظات و دخل دراجون ويزارد و دخل معاه البارتي و البارتي 8 على 8 تقريبا و إحنا 4 أتاكر بس و الدفيل بتاعي كان وقته خلص فتح درجون الدفيل و الزيرك و أخد اليونيك حقه طبعا محدش يزعل )



لكن اللي يزعلني



إنه يعمل murder عليا في إيفنت بحجة إيه إني بموت mano أنا فاتح بوت و اليونيك بيتحسب رانك قفلت البارتي بتاعي و وقفت لوحدي في رانج صغير و البوت كان بيموت الmano اللي بينزل في الرانج بتاعه من غير ما يتحرك و أنا كنت و اله العظيم afk و مش بقرأ الشات العام أصلا



بس فوجئت إني موت إزاي معرفش لا بس +22 fb and stat 100% و مت طبعا رجعت من الafk على إني ميت روحت مصحي نفسي بسكرول في نفس المكان وقلت أشوف إيه اللي بيحصل ..... لقيت Dragon_WiZ فتح موردر عليا و موتني



في الحظة دي أنا ذهلت و منتش مصدق عنيه حاولت أتكلم مع الGA لكن للأسف يبدو إنه كان مشغوول جدا فقلت أكلم ال جي إم





و فعلا تاني يوم أو في نفس اليوم بالليل مش فاكر كلمت جي إم SmSM و قلتله



هاي / انت هنا ؟ / كلمني لو فاضي

قال ال جي إم smsm

اوك ثانية



لما لقيته اتأخر شوية قلتله طيب أنا هرفع الصور للأستاذ محمد على s4a على ما تفضى



قال لي : w8

انا حذرت دراجون لو في أي مشكلة منه تاني يا ريت تقولي



قلتله

(آسف أنا عاوز حقي )

قالي من مين ;D



حقك خدته يا باشا و لو حصل أي شيء تاني كلمني .



قلتله (لا ده مش حقي )

قالي ( هو دي حضرتك مسألة تقدير مش انت اللي هتقولي أعمل إيه؟ ) هو الراجل أول مرة يعمل حاجة و أنا حذرته و هو معترف بالغلط لو حصل و عمل أي شيء قولي / هياخد بان)



طبعا لاحظت إن طريقته في الكلام مش أد كده



و لاحظت إنه ما يعرفش حاجة عن الموضوع الأولاني ببتاع ايفنت أريا .

هو بيقول الراجل اول مرة يعمل حاجة ( طيب إزي و هو واخد تحذير هو و مجموعته قبل كده من JO )

و إزاي تقولي مسألة تقدير (يعني الجي إم هو اللي يقدر ) و الغلط واضح و هو اعترفلك بيه و كان واخد تحذير قبل كده .





المهم



قلتله W8

دي مش أول مرة يعملها

أول مرة عملها جاب اكونت ليه و كان بيعملي STUN و هو اللي جاب Azazel اللي اتمردر عليا في ايفنت أريا و انا كلمت jo و jo جاه و نزل event area و حذرهم و قالهم محدش يبقى يعيط بعد كده (أقصد يزعل)



رد عليا smsm و قالي هو حضرتك بتقول Dragon_WiZ صح؟

أنا مليش علاقة بحد تاني / انت اشتكيت من الشخص ده / والراجل ده محترم زي حضرتك كده بالظبط / يعني معنى كده لما حضرتك تعمل أي شيء حتى لو كان غصب عنك موافق تاخد ان؟ /



قلتله يا باشا دراجون ويزارد و azazel و كلهم لما عملوا عليا موردر jo جاه و حذرهم و دراجون جاه يتكلم قاله ما تتكلمش



قال smsm

تمام / و أنا حذرت دراجون دلوقتي / و اللي أقدر أعمله لو حصلت نفس الشكوى منه ياخد بان



قلت له:

طيب ما هو واخد تحذير قبل كده



و انتهى الحوار على هذا النحو بيني و بين smsm



علشان جيت أكلمه علشان نكمل الحوار لقيته مش موجود قلت يمكن الكهربا قطعت





انتهت الحكاية





أنا بقى عاوز حقي من دراجون ويزارد




مش كل ما يغلط يتم تحذيره و خلاص



أول مرة أخد تحذير هو و مجموعته و أنا سكت



تاني مرة لا مش هسكت

أنا عاوز حقي



دي لعبة و ليها قوانين و جو حذر الجميع و Dragon_WiZ كان فيهم و شوفتوا كان بيعمل معايا إيه





لكن تحذير بعد تحذير لالالالالالالالالالالالالالالالالا

مع احترامي لتقدير ال جي إم اللي جاه غلط المرة دي




كمان يعني إيه ترجع لتقدير الجي إم ؟



الكلام ده لو المشكلة مش واضحة لكن دي مشكلة واضحة وضوح الشمس .







طبعا أنا عملت الموضوع ده كامل علشان لو الصورة مش واضحة عن ال جي إم سمسم يبقى كده أنا عملت اللي عليا و وضحت الصورة و مستني رد على الموضوع



و بلاش إغلاق للموضوع أو حذف علشان لو اتحذف أو اتقفل هعمله لو كل ساعة طالما إني مش بخالف قوانين القسم اللي انا بكتب عليه .







أي كلمة أنا قلتها في الموضوع ده مسئول عنها و عندي كل الأدلة على كل كلمة بقولها بسكرين شوت



و أي استفسار أنا مستني و مستعد أرد بس يكون في موضوع المشكلة و بلاش نخرج برة المشكلة علشان نحلها .



أنا بطالب ب ban ل Dragon_WiZ علشان غلط أول مرة و تم تحذيره و بعد كده غلط تاني .









ملحوظة /



عاوزين صور بكل الكلام ده كلمة كلمة قلولي و انا هرفعها



بس ارفع لازم يكون بفايدة



و الأستاذ محمد عارف إني لما بقول معايا سكرين يبقى معايا سكرين



و لو تم حذف الموضوع بداعي الصور هرفعه تاني بالصور





شكرااااااااااااااا



مستني ردود و محدش يقلق عمري ما هشتبك بالكلام مع أي حد في الموقع حتى لو اتشتمت هقول الله يسامحك

Xd