مرحوم يا نواف

[.a7la-smile.]

آقول . . .

يالله يامنشي المزون الصحاح
تنشي على قلبي صبر فقد نواف

والحمدللي قدر أفراح وأتراح
ربي عظيم الملك في كل محراف

الله لا يسقي علي ذاك الصباح
جوني يقولوا لي سلامته نواف

هاج الحزن وصحت بالصوت ياصاح
وينه وتين القلب عسى مابه خلاف

قالوا وتين قليبك اليوم رواح
ولجوار ربه صار ضيفن وميلاف

عجزت اصدق وصفقت راحن على راح
و ونيت ونه وصارت اضلوعي تلاف

وانهل دمعي فوق الأوجان سفاح
والقلب ينزف جرحه بجود وإسراف

زهرن حصده الموت وتو العطر فاح
الله من دنيا خلا منها الأنصاف

لا وَ أهني اللي قبل عيله راح !
ماشاف روحه تنحمل فوق الأكتاف

ماجرب انه يقضي الليل نياح
ولا انذكر طاريه جرى الدمع ذراف

نواف نجمن معتلي بالسما لاح
خيرة شباب ألـــع يا زين الأوصاف

ربي عطاك أخلاق وطباع(ن) ملاح
للطيب تبّاع(ن) وللشين عيّاف

مرحــوم يا غالي وفي قبرك ارتاح
راضي عليك القلب يانسل الأشراف

و يالله ياللي جابـرن كسر الأرواح
اجبـر كسر قلبي على فقد نواف