ايه رايك في اللهجه الاسكندراني بعض الكلمات الاسكندرانية ادخل وقولنا كلمة

[Subway]

ايه رايك في اللهجه الاسكندراني بعض الكلمات الاسكندرانية ادخل وقولنا كلمة

بين شطين ومية عشقتهم عنية يا غالين عالية اهل اسكندرية اهل اسكندرية



شط اسكندرية يا شط الهوا روحنا اسكندرية ورمنا الهوا يا دنيا هنيا وليالي رضيا احملها بعنية شط اسكندرية


اللهجة الاسكندرانية

اهل اسكندرية ليهم لهجة مميزة كل اما بنروح في حتة بنعرفهم

ومعنا هنا في المنتدي غالبية الاعضاء من اهل اسكندرية

واتعرفو معانا علي بعض الكلمات الاسكندراني وقولوا

رايكم

اشهر كلمات اللهجة الاسكندرنية

(كولة ) ويقصد بها ياقة القميص

( منفيستو ) ويقصد بها الكتيبات الصغيرة جدا التي يستخدمها التلاميذ

( جومة) والمقصود بها الاستيكة

( مستيكة ) والمقصود بها اللبان او العلك

( كيس ) والمقصود بها الشنطة التي تحمل بها الاطعمة او المشتريات

(أيووووووة ) والتي تستخدم للتعجب والدهشة واصلها غير معروف حتي الان

( فلافل) طبعا كلنا عرفنها حبيبت الملايين ههههههه وهي اكلة شعبية تسمي باسم ( الطعمية )

(بنحبوة ) بنحبة

(نحطوة ) نضعة في مكان

( طياري ) بسرعة

( نولع النور ) انارة النور


( مشروع ) نوع من انواع وسائل المواصلات ويسمي ميكروباص

( شط ) شاطيء

( اني ) انا

( ع البحر ) المقصود بها علي الكورنيش

( والمرسي ابو العباس ) قسم يستخدمة اهل اسكندرية ، ويعود اصلة الي الامام المرسي ابو العباس وهذا القسم من انواع الشرك بالله

والموجود لة ضريح ومسجد

يضع اهل اسكندرية - فتحة في معظم الافعال الماضية مثل

مشي يمعني غادر تنطق مشا

[ شيبط ] بمعني تمسك تنطق شبط

بالاضافة الي كل ما سبق كلمة بمعني طلع اي صعد

[ ينطق ] بالعامية المصرية " طلع " بكسر أول وثاني حرف أما

باللهجة الاسكندرنية فيقال " طلع " بفتح الحرفين الاول والثاني

وبالمثل : نزل ، شرب ، أكل

علي فكرة الجاليات الاجنبية اللي عاشوا زمان في اسكندرية

لها تاثير علي اللغة

معظم الكلمات من اصل ايطالي ويوناني الجاليات دي

فضلوا العيشة في اسكندرية لقرب جوها من جو اوروبا

ولسة موجودين لحد دلوقتي وليهم محلات


تحياتي لاهل اسكندرية الي انا بعشقها وبعشق بحرها

اهداء للمنتدي باللهجة الاسكندراني

بنرموا التماسي من تحت الشماسي


للرجاله والستات

في بحرك و علي كل اما


أيووه يا جدعان داني كونت ناسـي


إن ابن جيهتنـا ده شاب راسي

و انا عمري ما انسى و لا كنت ناسي
يا اسكندراني أحلى التماسي

أيام جميلة عاشت معايا

نلعب و نضحك ضحى و تماسي

و البحر يسحر

لو فيه بنبحر

أو يوم قعدنا تحت الشماسي

تلاقيه بيضحك يا اسكندراني

و قلبي يرقص لو يوم ناداني

و بكلمة حلوة يملالي كاسي


وبنات جيهتنا ترمـي التماسـي


طعامة و حلاوه و الكـل راسـي


عيونهم تلاغي و يزيـد حماسـي


يا بنت بلـدي ياامي يا اختي


شيلي ميلايتك ولفي عبايتك


يا ماليه راسي


يا إسكندرية يـا كل ناسـي


المرسـي قالـي الدنيـا ديت


دنيا مقاسي


دا حبـي ليكي يا سكندريه


حب راسي


يدوم لي بحرك و قعده حلوه


تحت الشماسي

الفرق بين اهل الاسكندريه واهل القاهره

طبعا قولت نجيب فرق بين بلدى وبين القاهرويه والمصطلحات الى بيقولها

فى القاهره : (ايه ده) الحاجه دى "جامده اخر حاجه"
فى اسكندريه : (ايوووه) الحاجه دى (جامده اوى)


فى القاهره: الدنيا بتمطر
فى الاسكندريه : الدنيا بتشتى


فى القاهره : الارض فيها طينه
فى الاسكندريه :الارض مليانه زبط



ف القاهره: مومبار
ف الاسكندريه: عوصبان



فى القاهره : انا (مش نمت) من امبارح "ليه الكلام متقطع ؟؟؟!!!!"
فى اسكندريه : انا (منمتش) من امبارح "ناس جد الجد"


فى القاهره : انا (هشوف) الموضوع ده
فى اسكندريه : انا (حشوف) الموضوع ده


فى القاهره : (استيكــه) و(مسّاحه) "بلدى بلدى يعنى"
فى اسكندريه : (جومه) عادى خالص جومه

فى القاهره : (صُباعى) "ياعينى عليك يابنى"
فى اسكندريه : (صوبعى) اهى مفيهاش مشكله فله شمعه منوره اهى

فى القاهره : (جلابيه) "كلمه مبالغ فيها"
فى اسكندريه : (عبايه او اوفطان) "زى الفل"

فى القاهره : يقولك (ميكروباص) "ثقافتك انجليزى اوى يا عمنا MICRO BUS"
فى اسكندريه : بنقول (مشروع) "شجع لغه بلدك"

فى القاهره : "اوطه " "دى كلمه من السبيعينات اصلا واتلغت بقالها "100سنه
فى اسكندريه : طماطم "جايه من كلمه توماتوز يا جماعه لازم يكون عندك ثقافه انجليزى برضه "

فى القاهره : (خمسين قرش) "الرياضه واخده معاكم حقها اوى يا اخواتى"
فى اسكندريه : (نص جنى) "اهى يا جدعان فيها ايه زى العسل اهى"

فى القاهره : " لبان "
فى اسكندريه : مستيكه "الاسم كله مازيكا"

فى القاهرة: " يطردنى" أوفر اوى
فى أسكندرية: " يكرشنى" أحلى بكتييييير

فى القاهره : (سد الحنك) بيجيلكم نفس تاكلو حاجه اسمها كده ؟؟
فى اسكندريه : (حلاوه دقيق) شايفين الاسم متدلع ازاى يعنى دى الحلاوه بتاعه الدقيق

فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات
فى الاسكندريه : (جبنه مثلثات) عادى ماهى شكلها كده مش بنتفلسف احنا

فى القاهره : (جبنه رومى) دى على اساس انها بنت عم الديك الرومى
فى اسكندريه : جبنه تركى شوفتو المعنا جايه من كلمه تركى

فى القاهره : قال ايه (طعميه)
فى اسكندريه : (فلافل) معروفه طول عمرها زى ما فى روميو وجوليت فيه فول وفلافل

فى القاهره : يقولوا ايه فول بالزيت حار "
فى اسكندريه : فول بالزيت والليمون مش بنحب ننكر حق حد زي ما نقول الزيت نقول الليمون