فكرة هتقلل الهاك بنسبة كبيرة !

[uwk07]

بسم الله الرحمن الرحيم

طريقة هتقلل الهاك و ممكن تقضى عليه كمان

ايه هى يا عم ؟ هقولك بس خليك معايا واحدة واحدة

تلاحظ ان كل اللى جالهم هاك بنسبة كبيرة مصريين نادر لما تلاقى واخد تركى لبس هاك .. ليه ؟

علشان احنا بنكتب الباسورد بال common language .. يعنى ايه ؟

يعنى بنكتب الباسورد بالانجليزى بس مع كام رقم على كام رمز و دعاء الوالدين

الاتراك اذكياء لانهم بيدخلوا فى الباسورد بتاعهم كام حرف تركى فـ بيبقى صعب ان حد يجيب الباسورد بتاعهم

احنا بقى نبقى اذكى منهم ازاى ؟ بدل ما نعمل الباسورد انجليزى بس ندخل فيه كام لغة و على فكرة اللعبة سامحة بالعربية فى الكتابة بس بطريقة عقيمة شوية

ندخل كام لغة ازاى ؟ مثلا الباسورد بتاعك يتكون من حروف عربى و انجليزى و ارقام و رموز و لو انت ناصح تظبط الكيبورد بتاعم على كام حرف تركى تكون عارف ازاى تكتبوا

طب اكتب ازاى الحروف التركى دى ؟ بسيطة تضيف اللغة التركية للغة الكتابة فى الكيبورد و تكون مظبط اللغة

مثلا اللغة الاولى انجليزى .. التانية عربى .. الثالثة تركى ... كدة بحيث انك لما تيجى تكتبوا فى اللعبة تكون ايدك واخدة على الكيبورد فى ال 3 لغات

مع العلم انك لما بتكون على الديسكتوب و مغير اللغة و تيجى تفتح الجيم اللغة مبتتغيرش فى الجيم بتبقى اللغة الاساسية يعنى انت برة الجيم اللغة رقم 1 عربى جوه الجيم هتكون رقم 1 انجليزى لازم تغير اللغة و انت فاتح الجيم

الباسورد اخروا 16 رقم و انت كدة معاك 5 حاجات ( انجليزى عربى تركى ارقام رموز ) يعنى حوالى كل حاجة 3 ارقام

تخيل الهاك هيتعب قد ايه علشان يجيب الباسورد بتاعك ؟ مش هيجيبو اصلا

و البرنامج اللى بيجرب بيه على ال id بتاعك بيجرب بالانجليزية و الارقام و الحروف

كدة بقى عنده 3 لغات و بقى الموضوع اصعب ده ممكن يخليه يعمل برنامج غيره علشان يجرب ال 3 لغات يعنى علشان يجيب باسورد اكونت قدامو فترة طويلة

طب لو افترضنا انو مش بيجرب ولا حاجة و بيجيب الباسورد عالجاهز هيبقى صعب عليه انو يكتب الباسورد بتاعك

لو هو تركى مش هيعرف يكتب عربى و لو هو مصرى مش هيعرف يكتب تركى و لو هو اجنبى و ياريت مش هيعرف يكتب لا تركى ولا عربى

ولا هيعرف يعمل لوجين من البوت

ده ال sbot نفسه الحرف ال i الى هو من غير نقطة الى بيكتبوه الاتراك ال sbot بيكتبوا 1

و لو تلاحظوا ان جوى ماكس جابت اخرها خلاص فى الحماية و ان الباس كود ده لا ليه اى لازمة اذا كان بيعرف يخترق الباسورد الى فيه حروف و رموز مش هيعرف يخترق ارقام ؟

و لو حاد شايف ان الحوار صعب و خصوصا للغة التركية يخليه فى العربى و الانجليزى

الفكرة جاتلى يا جماعة بعد ما واحد صاحبى حصلوا هاك فى items ب 20b كان واقف بيهم stall ب noob acc و دايما فاتح 24/7 ده حتى بيفتح بعد الابديت ب 10 دقائق و يوم ما البوت يجيلوا crash و يكسل يفتحوا نص ساعة بالظبط و جيه يفتح اول اكونت بص لاقى الnoob acc حاد فتحوا و ماشى بيه من قداموا و بيقلبوا عادى جدا !

كنت هخلى الفكرة لنفسى بصراحة بس قولت افيد بيها الغير يمكن امنع أذى عن حد و انا اسف لو كنت طولت عليكوا و رغيت كتير و حوارات بس انا حبيت اكتب بالتفصيل اللى جوايا علشان كلوا يبقى فاهم وجهة نظرى و ياريت كلوا يشارك مش هنخسر حاجة

والسلام عليكم ورحمة الله وبركاته