حوار بين خاطب وخاطبته

[mr hacking]

يا سلام على الاتنين اللى بيحبو بعض شوفو الحوار اللى بيدور مابينهم وشوفو اللى بيدور فى نفسهم

ذهب في زياره لخطيبته وعندما بدأ الحوار مع خطيبته :
بحبك
(يا بااااااي)

وانا كمان
(داهيه تاخدك)

من اخر مره وانا بافكر فيكي
(يارب تغوري من وشي)

يا حبيبي وانا كمان ما بطلتش تفكير فيك
(الهي اصبح الصبح الاقيك متنيل يعيد عني)

امال فين حماتي مش شايفها يعني
(الحربايه الكبيره)

موجوده اندهها لك
(علشان تسم بدنك)

اه طبعا يا حبيبتي وانا اقدر استغني
(يارب تتكعبل في السجاده وهي جايه)

ماما تعالي كلمي
(علي الله تقولك حاجه ترفع لك الضغط)

اهلا يا حماتي ازيك
(الهي ما تكوني بخير)

اهلا يا خطيب بنتي
(بلا نيله)

عندي ليكو خبر حلو انا لقيت شقه
(الهي ما توعوا انتي وبنتك تشوفوها)

الف مبروك يا حبيبي
(ياما جاب الغراب لامه)

حنروح نشوفها بكره ايه رايك يا حبيبتي
(علي الله تتكعوري عالسلم وانتي طالعه)

وماله طبعا لازم نشوفها
(اكيد قد الحق وفي منطقه معفنه)

علي فكره يا حماتي
(جتك حمه)

ايه يا خطيب بنتي
(خطيب الشوم والندامه)

انا كنت عاوز اقابل عمي علشان كتب الكتاب
(عمي قال عمي قال ده انتي اللي عمي)

وماله يابني بس مش لسه بدري
(جتك نيله مستعجل علي ايه)

ما هو خلاص يا حماتي احنا قربنا
(يا ريت ترفض علشان افركش ام الجوازه دي)

طيب يابني لما يجي عمك حاقوله
(جتك نيله علشان نستريح من زيارتك الغلسه)

طيب يا حماتي انا حامشي دلوقتي
(افففففف انا اتخنقت من الوليه دي)

ماهو لسه بدري
(في ستين داهيه)

باي يا حبيبتي
(حبك برص)

مع السلامه يا حبيبي
(البلد اللي تودي)

كلميني في التليفون
(يا رب يقطعوا الحراره)

اكيد يا حبيبي
(غور بقي)