Made in china << !!

[The_Mask]

القسم الدينى من اهم اقسام المنتدى فحاول ان تشارك به بقدر المستطاع .

لا تنسى ابدا ان تصلى على النبى .

لا تكن من الحقودين و المتمردين على قضاء الله .

اذا حدثت لك كارثة فقل انا لله و انا اليه راجعون .





Made in china << !!

زى ما هو واضح بالعنوان



Made in china

صنع فى الصين



دى جملة الواحد لما بيشوفها أحيانا بيهرب منها

يعنى ايه يعنى لما بنلاقى حاجة صينى مبنحبش نشتريها

وخصوصاً لما تكون مثلا جهاز كهربائي أو اى حاجة مهمة بتشتريها

لإن الصينى بيبقى أى كلام والحاجة بتبوظ بسرعة

يعنى اللى بيجي يشتري سيارة بيفضل يشتريها ألمانية الصنع

اشمعنى !!!


لإن ألمانيا مشهورة بتصنيع أنضف أنواع السيارات فى العالم

ولما الواحد بيحب يشتري جهازه بيدور على أنضف الماركات علشان بيبقى عاوز حاجة تعيش وتبقى قوية وما تبوظشي على طول

يعنى لما هتشتري الخلاط هتتحر إنك تجيبيه ماركة كويسة وصناعة يابانى مثلاً

ليه !!


لإن اليابانى حاجته نضيفة واليابان مشهورة بجودة الاجهزة الالكترونية

المهم اننا بندور على حاجة غير الصينى

وخصوصاً لما تكون حاجة مهمة وغالية

تعالوا بقى أقولكم ليه المقدمة دى


هل تحبي توبتك تبقى Made in china

توبة صينى يعنى توبة مش قوية ومش صادقة

يعنى بتتوب وترجع على طول للذنوب

وكأنك معملتش حاجة



ولا تحبي تبقا توبتك تبقى توبة يابانى او ألماني

يعنى توبة صادقة نصوح
{يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَّصُوحًا عَسَى رَبُّكُمْ أَن يُكَفِّرَ عَنكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِن تَحْتِهَا الْأَنْهَارُ يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ نُورُهُمْ يَسْعَى بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا إِنَّكَ عَلَى كُلِّ شَيْءٍ قَدِيرٌ}



اه شفت بقا فين المشكلة

اللى بتخيلنا نرجع تانى بسرعة

انها مكنتش توبة قوية لو كانت قوية بجد وصادقة

مكنتش هترجع ولو رجعت لإننا كلنا مذنبين

مش هترجع بسرعة زى إذا لو توبت توبة ضعيفة
رجوعك هيبقى أسرع مما تتخيل


طيب نعلم ايه فى الموضوع دة

التوبة محلها فين ؟؟




القلب


النية محلها برضوا القلب

الصدق والاخلاص محلهم القلب

الحب والعطاء محلهم القلب

الخشوع لله والتذلل ليه محلهم القلب

ربنا عاوزك تسجد بإيه قبل ما تسجد بجسمك

برضوا القلب

اكثر دعاء الرسول عليه الصلاة والسلام كان إيه

يا مقلب القلوب ثبت قلبي على دينك



يعنى أهم حاجة تشتغل عليها لما تحب تلتزم او لما تحب تتوب إلى الله

أو لما تحب تغير من نفسك من كل النواحي

يعنى لو فيك صفات وحشة وعاوز تغيرها علشان تبقى قدوة حسنة للإسلام اللى انت بتمثله

محل كل الحاااااااااااااااااااااااااااجات دى

القلب



علينا أولاً الاستعانة الله


ودى تحتها خطوط كتير لأهميتها

لإن انت مش هتعرف تتوب ولا تعمل اى حاجة الا بالاستعانة بالله أولاً

ثم حسن التوكل عليه والثقة واليقين بأن الله لن يتركك

ثم بإصرارك على التغيير

إنك تصلح قلبك وحالك كله مع الله
وتصدق نيتك ربنا هيصلح لك قلبك


وبلاش الحياة الروتينية اللى انت عايشها دى



ادينى بقوم من النوم اصلى اللى عليا

وبعدين اعد عالكمبيوتر وألف فى المنتدى شوية

واهزر مع الرجالة شوية وخلص اليوم على كدة


يوم وراح منك ومش هيرجع تانى

يوم القيامة هتندم عليه وتقول


{رَبِّ ارْجِعُونِ، لَعَلِّي أَعْمَلُ صالِحاً فِيما تَرَكْتُ}




ووقتها خلاص انتهى كل شيء ولا رجعة ولن ينفع الندم



يا ودود يا ودود
يا ذا العرش المجيد
يا فعالا لما يريد
اسألك بعزك الذي لا يرام
وملكك الذي لا يضام
ونورك الذي يملأ اركان عرشك
ان تنصرني نصراً يليق بجلال وجهك وعظيم سلطانك
وتسخر لي جنداً من جندك يثبتوني على الايمان
ويدفعوا عني الاذى والسوء
واكفني اعدائي بما شئت وكيف شئت انك على ما تشاء قدير
اللهم تولى امري وانصرني
انت نعم المولى ونعم النصير
ودبر لي امري فإني لا احسن التدبير



و السلام عليكم ورحمة الله و بركاته