شرح مبسط لاسباب عدم تشغيل الكلينت بالتفصيل

[ahmedzizoa]

بسم الله الرحمن الرحيم
اعضاء المنتدى الكرام
سلام الله عليكم ورحمته وبركاته

حشرح لكم انهارده سبب مشكلة الكلينت بتاعت البوت
بس عشان تعرفوا المشكله لازم تعرفوا وظيفة كل حاجة على حده


اولا وظيفة الميديا باتشر: ربط مكونات البوت باللعبة
ثانيا وظيفة اللودر: اعطاء امر للجهاز بفتح اللعبة مرة اخرى وربطها بمخرج خاص بالبوت -سواء كان IBot او كان AGBot - وتجاهل اللانشر
ثالثا وظيفة الهاك شيلد: وهى استقبال الاوامر من الهاك شيلد الاصلى للعبة وارسالها للبوت والعكس
رابعا البوت : وهو ارسال الاوامر واستقبالها من الهاك شيلد المساعد للبوت

نيجى بقى للمشكلة وطريقة حلها
اولا النسخة اللى نازلة للبوت دى مش الاصلية بتاعت Isro انام هى لـ SroR
بس صاحب البوت اكتشف انها ممكن تشتغل على Isro عن طريق عمل شورت كت
واضافة LS:1 وطبعا محدش عارف ده معناه ايه
اللى انا اعرفه ان LS ده امر فى نظام ليونكس بيساوى امر Dir فى نظام الويندوز
وبرضه فى شرحه للبوت قال لو عاوز تشغل SroR تضيف LS:6 .
من هنا نستنتج ان فى ملفات مخفية مساعدة للبوت وانا مش عارف اوصلها ولا حتى صاحب البوت عشان يعدل عليها بدل ما نعمل الحركة الخايبة دى
وممكن كمان يكون ناسى بيعدل عليها ازاى لانه من زمان مشغلش البوت
ثانيا برضه لسه فيه مشكلة فى البوت وهى الخانتين بتوع الفون نمبر والسيريال نمبر التانى وده سهل انه صاحب البوت يعملهم بس المشكلة انه ممكن يكون ناسى اسطر الربط بينهم فى البرنامج APP - الابليكيشن وهو مشروع الفيجوال بيسك- وبين ملف الداتا اللى هو Ibot.del وكمانا بقيت الملفات اللى فى الأى بوت نيسوسيرز
لانه ببساطة من اكتر من 3 سنين مش عدل عليهم فأكيد نسى فى اى سطر فى اى ملف داتا فيهم؟ وبكده نستنتج انه لسه فى فترة طويلة لما تتحل المشكلة
ثالثا المشكلة الاكبر الهاك شيلد وده مشوار طويل جدا وبعد ما الشركة تعدله يجيى صاحب البوت يرجع يعدل عليه تانى عشان يتم ربطه ببرنامج البوت

ملاحظات هامة
1/ تم عمل برنامج اى بوت عن طريق برنامج فيجوال بيسك
2/ تم استخدام لغة C++ and C. and وتم استخدام Autoit
3/ تم ربط البرنامج بقواعد بيانات حسابية معقدة بامتداد .del تشبة الـ Axel بس نظام سيرفر سيكول SQL

.
.
.
.


عند اصدار الهاك شيلد من جوى ماكس لمحاربة البوت لم تسمح بتشغيل اى برنامج اوامر زاتية مثل Autoit وعمل DC فورى
لذلك كان الحل الوحيد هو اصدار هاك شيلد مضاد حتى يتم التغلب على هاك شيلد اللعبة
وكان ده يعتبر اسهل لصاحب البوت من انه يعدل على البوت وترجمة اوامر Autoit الى اوامر فيجوال بسيك

انما دلوقتى اللعبة لم تجدد فى الهاك شيلد وانما جددت طريقة الدخول
راح صاحب البوت عمل حاجة زكية عشان يريح دماغه انه استغل الامر بتاع الدخول التلقائى للأكونت وخلها يتخطى حكاية الباسورد التانى مستغل ثغرة فى طريقة الاتصال بالسيرفر بتاع اللعبة وده ممكن شركة جوى ماكس تعدله وبعدها نتنفخ احنا تانى

نيجى بقى للمشكلة الرئيسية وهى الكلينت
طريقة تشغيل الكلينت ان اللودر بيدى امر تشغيل للعبة مرة تانية مع تجاهل ان اللعبة شغالة قبل كده بعد كده اللعبة تشتغل معتمدة على البوت اللى المفروض مرتبط باللعبة عن طريق الهاك شيلد وبيكون داخل مجلد اللعبة عشان الهاك شيلد يعمل الربط بين السيرفر من ناحية والبوت من ناحية تانية
لما صاحب البوت ضحك على الدنيا كلها بما فيها الهاك شيلد المساعد فشغل الكلينت ليس عن طريق الشورت كت واختراع الـ LS:1 انما لما حبينا نشغل الكلينت اللى لازم ساعتها يكون البوت داخل مجلد اللعبة الرئيس عشان الهاك شيلد المضاد ساعتها بيعمل ربط ما بين الهاك شيلد الرئيسى للعبة وما بين كل من البوت والكلينت بالتساوى يقوم طبعا اول ماتجى تدخل على اللعبة كلينت تدخل ميه المية لحد ما توصل كلمة ستارت يقوم يجى الكلينت يعطى الامر للدخول يقوم الهاك شيلد المضاد يبعت الامر لكل من الهاك شيلد الاصلى والبوت بالتساوى فيلاقى الهاك شيلد الاصلى وميلقاش البوت
تقوم تظهر الرسالة الرخمة دى
Critical eror - Gitting training.................



path not found
ودى معناها المسار غير موجود



وبكده الحل يكمن فى تعديل الهاك شيلد وهو الاسهل بس ده حل مؤقت وشركة جوى ماكس ممكن تخذوقنا تانى بسهولة غير ان ده ممكن حيعوز تعديلات كل شوية مع كل تحديث واعتقد ان ده اللى احنا نقدر نعمله دلوقتى مؤقتا

انا الحل التانى وهو الاصعب انه صاحب البوت يهتم شوية ويبدأ يراجع قديمه ويعدل على البوت عشان مش نرجع نستخدم الشورت كت ونرجع زى زمان وده حياخد منه وقت طويل وممكن يزهق ويطنش /// او انه يفتح المصدر - يعنى يدينا ملفات الداتا اللى عنده اللى انتج عن طريقها البرنامج بتاع البوت- واحنا نعدل عليها براحتنا -وده طبعا من رابع المستحيلات - لان بكده حيضيع مجهود كبير فى صناعة بوت محترم زى ده واى حد ممكن يعدل على الحقوق اللى هو واضعها على البوت بتاعه.



نيجى بقى لشوية ملاحظات هامة كل شوية اكتشفهاوانا بجرب:

1/ LS:1 دى اختصار لـ Login Server 1
وطبعا احنا عارفين ان سيلك رود اون لاين ليها 5 سيرفرات وهم: Server 0 Server 1 Server 2 Server 3 Server 4
وسيلك رود ار سيرفرين : Server 5 Server 6

وبكده لو حبينا نجرب ونضيف LS:0 او LS:1 او LS:2 او LS:3 او LS:4 يدخل مباشرة على سيرفر سيلك رود اون لاين
ولو جربنا LS:5 او LS:6 حيدخل سيلك رود ار

وطبعا البوت اصلا معمول لـ Sro R عشان كده الـ Default بتاعه S5 and S6
عشان كده لو تفتكروا زمان لما كنا ندخل كلينت ليس والسيرفرات تكون تقلية يقوم البوت يفضل يغير السيرفرات مرة Login server 0 ومرة Login server 1
ومرة Login server 2 وهكذا..........

وممكن تجربوها



الموضوع متجدد ان شاء الله