^^ طيفية تميز الشاب الليبيى من اى شاب اخر ::

كيف تعرف الليبي ؟

اذا كان سمعت حد يقول شن الجو...صقع عليك...فهذا بالتاكيد الشخص ليبي

اذا كان لقيته شاذ مكياطة في يد وفي اليد التانية سبسي...فهذا بالتاكيد الشخص ليبي : مكياطه يعنى : قهوة سيبسى يعنى سقاره


اذا كان عطاك موعد وجاك بعد ساعة او ساعتين ...فهذا بالتاكيد الشخص ليبي

اذا كان قالك خمسة دقايق وقعد ساعتين...فهذاالشخص ليبي

اذا كان قالك شبوب والنبي ولعة...والنبي سبسي...فهذا بالتاكيدالشخص ليبي : ولعة دى ولااعا

اذا كان لقيت في ايده باكو مكتوب عليه رياضي...فهذا بالتاكيد الشخص ليبي الرياضى زى كيلوباترا السقاير صنع بلدى يعنى


وكان قالك شبوب ممكن العكشة...والا تعكشلي...فهذا بالتاكيد الشخص ليبي : يعنى اخر السقاره

كانك علي شط البحر ولقيت واحد رادم دلاعة علي الشط والا صندوق مشروب...فهذا بالتاكيدالشخص ليبي

كان بدي يبي ينكت...يقولك مرة في واحد...مع احتراميفهذا بالتاكيدالشخص ليبي

كان لقيت واحد يقول للبيجو 404 موديل75 عكارية او قلع...فهذا بالتاكيد الشخص ليبي

كان بدي يهدرز علي العائلة الكريمة وقالك الشيباني علي بوه...والعزيزعلي امه...فهذا بالتاكيد الشخص ليبي

كان طقطق عليك واحد من الجيران وقالك تسلم عليك امي وقالتلك حكة طماطم...ولا حكة زيت...شوية ملح...فاعلم ان جيرانك ليبين

كان لقيت بنية صغيرة تغني عيلة ياعيلة...هذي ماتحكش فيها راسك بكل ...بالتاكيد ليبية

كان سالت واحد وقلتله شن اكثر اكلة تحبها وقالك بازين...ولا مكرونة امبكبكة...فهذا بالتاكيد الشخص ليبي

واخيرا وليس آخرا افتخر باني ليبي والحمدلله اني جيت ليبي

وصدق اللي قال كان ماجيتش ليبي راهو فاتك الجو كله