بـــيــــقــولـــوا صــــوابـــــعــــك مــــش زى بــــعــــضــــها

[!_ToGoO_MorY_!]

بيقولوا صوابعك مش زى بعضها

بص كده حواليك هتلاقي المثل ده فعلا صحيح



الشخصيات بتختلف

العقول بتختلف

المبادئ بتختلف

التربية بتختلف

القلوب كمان بتختلف

مفاهيم الحياة بيختلف معناها من شخص لشخص



مثــــــــــــــــــــلا

بلاقى امهات كتير بتعلم ولادها الرقص والغنا

والاقى ام اولى اولوياتها انها تعلمهم القران

الاقى اب اول ما ابنه ينطق يعلمه الشتيمة وطولة اللسان

والاقى اب اول ما ينطق يعلمه يقول الله حبيبى :)

الاقى بنت فارس احلامها يكون شبه الممثل الفلانى

وتلاقى بنت فارس احلامها رجل زى رسولنا الكريم فى اخلاقه

تلاقى بنت نفسها لما تجيب ذرية هتقول انا اعلمهم الصياعة عشان يعرف ياخد حقه فى الدنيا الغابة دى

وتلاقى بنت نفسها لما ربنا يرزقها بالذرية تكون ذرية صالحة قلبها معلق بالقران

رجليها واخدة على المسجد
كل الناس بتحكى وبتنحاكى عن اخلاقهم:)



تلاقى الواحد لما بيصاحب بيصاحب فلان عشان مصلحته وبعد المصلحة لما تخلص تنتهى صلاحيته هو كمان معاه

وتلاقى واحد تانى لما يصاحب يحب صاحبه ده فى الله ويحاول ياخد بايده للجنة



يا ترى انت مين فى الشخصيات دى ؟
او بتتمنى تكون مين ؟:)