تحرش ومعاكسه وقلة أدب ... والعيب فى الولد وفى البنت ..طب ليه انت بتقول كده ؟

[!_ToGoO_MorY_!]

تحرش ايه وزفت ايه ؟ وعيب ايه فى بنت ولا واد ؟

ما اتقى ربنا وامشى عدل

بمعنى اخر : انا شاب عندى 17 او اكتر كمان يعنى لو ربنا كتب ليا العمر بأذنه سبحانه
ممكن فى يوم من الأيام اتجوز واحده
الواحده دى او مراتى فى المستقبل لو ربنا اراد
اكيد هى لما اجى اتجوزها هتكون لسه مخلوقه ليا حالا فى وقت الجواز

بمعنى تانى برده : هى هتكون دلوقتى عايشه زى زيها بس انا معرفهاش وهى برده بتتنفس زى زيها يمكن تكون بعيده او قريبه بس انا معرفش ربنا الى بيوفق ومش هقدر ولا احميها ولا اشوفها من التحرش وغيره بس فيه حاجه طب وايه الحل ساعتها ؟

الحل سهل انك كما تدين تدان
ليه ما احافظ على الأمانه الى ربنا كاتبها ليا فى المستقبل الى مرداش انها تكون حصل ليها تحرش او معاكسه او غيره
يعنى اتقى ربنا فيها واحافظ على الأمانه بنفسى انى ولا اعاكس ولا اتحرش ولا اعمل حركه من حركات السفاله الى منتشره فى الحتت كلها دى
وزى انا برده مش برضى على اى واحده انها تلبس لبس زفت كده هى كمان ربنا هو المسؤل عن حفظ الأمانه واكيد برده زى ما انا اتقيت ربنا هو هيحافظ عليها ومش هيخليها تلبس كده سبحانه

لأن ربنا بيقول (( الطيبات للطيبين والطيبون للطيبات والخبيثات للخبيثين والخبيثون للخبيثات )) صدق ربنا المتعالى على كل شىء

فكل واحد وواحده لو بدأت من نفسها ربنا هو الى هيبقى المسؤل عن تأدية الأمانه وهو سبحانه تعالى فوق كل شىء خير من يؤدى الأمانات على الأطلاق

ده رأى لو احب اسمع اراء الناس لو سمحتم

Ahmed