كلاكيـــت تــانى مره ...

[No_Rules]

بسم الله الرحمن الرحيم ..

انا مش عارف اقول إيه بصراحه من اللى بشوفه من الناس ومن عدم الصبــر

دلوقتى إحنا بنقول


أقسم بالله المشكله من الفى بى اس وان الروت مفصول يعنى متقدرش تعمل أى Update - Fix
لأى بتنجان فى السرفر غير انك تشغله وتفصله ..

محدش بيصدق اى حاجه يقولك ده عيب كلينت - الفى بس اس شغال مفيهوش مشكله !!

احنا بنتكلم علي حل البج مش بنتتكلم فى مشكله عامله

حل البج محتاج الرووت يشتغل علي الفى بى اس والبجز هتتحل فى ربع ساعه ...

الناس مش قادره تصبر علي اى حاجه عايزين الحاجه كن فـ يكون !

برضوا مش حاطين فى الاعتبار ان الناس اللى بتشتغل فى السرفر دى بنى آدميين وعندهم حياه بره
وشغل وظروف ومسئوليات ..

فاكرين ان الناس دى روبوتات قاعده علي الكمبيوتر 24/7

ياجدعان نكبر مخّنا شويه الله يرضى عليكم عشان منخلقش مشاكل من الهوا ..

ومحدش قال إن حضراتكم مش بتفهموا ومحدش فاهم كل حاجه

انت فاهم حاجات فى غيرك مش فاهمها والعكس صحيح ..

ومفيش حد معصوم من الغلط .

بس اللى بيضايق وبيخلى الواحد يزهق الكلام اللى يُستفز الواحد ويخرجه عن شعوره لمجرد ان واحد قال كلمه ملهاش لزمه ..

والناس اللى معانا دى علي فكره مش صغيره ! 26 سنه و 31 سنه و 37 سنه

يعنى اقل واحد فيهم أكبر منى

فـ لو طريقة الكلام تبقى احسن من كده شويه علي الاقل يبقى الكلام متاخد بصدر رحب

ويبقى فى مجال للنقاش

إنما متجيش تخش فى الناس شمال وتتكلم بإسلوب مش كويس

ورغم ذلك بيرد عليك بعكس إسلوبك .

فـ المشكله المره دى برضوا والله مش فى إيد التيم لأنها من الشركه بتاعة الفى بى اس

واللى كان فاتح الساعه 4.30 او 5 الفجر كان قرأ الكلام بتاع النوتيك اجى إم النهارده فى اللعبه

عشان محدش يقول إنى بكذب او بعمل حوار عشان لقيت الناس بتعمل مواضيع ..

ياريت نصبر لو سمحتم

وانا نفسى مواعد ناس كتير إن لو الجيم باظت تانى والاكونتات إتمسحت انا هسيب اللعبه ومش هلعبها تانى ...

عشان خاطر ربنا نهدى شويه ونصبر

كل سنه وانتم طيبين