![]() |
|
بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
مشاهدة نتائج الإستطلاع: هل الموضوع حلو ؟ و يستاهل التثبيت ؟ | |||
نعم و يستاهل لتثبيت |
![]() ![]() ![]() ![]() |
4 | 26.67% |
لا |
![]() ![]() ![]() ![]() |
2 | 13.33% |
نعم ولاكن مش لدرجة التثبيت |
![]() ![]() ![]() ![]() |
9 | 60.00% |
المصوتون: 15. أنت لم تصوت في هذا الإستطلاع |
|
أدوات الموضوع | انواع عرض الموضوع |
![]() |
#1 | ||||||||||
![]() ![]()
|
ترجمة إنجليزية لرسالة باللهجة المصرية >> بس مش أي ترجمة (مسخرة) << dear Friday عزيزي جمعه ( واحد صاحبه ) when I was in the lady first yesterday i saw a piece of girl اول امبارح وانا ماشي في السيده شفت حته دين بنت she was egg and sweet بيضه وحلوه i said: ya earth keep what on you انا قلت: يا ارض احفظي ما عليكي a hundred evening on your eyes ya beautiful ميت مسا علي عيونك يا جميل she said : poison قالت : يا سم i said : poison from your hand is poison poison ya moon قلت : السم من ايدك يبقي سمسم يا قمر she shouted in me : yes yes your mother soul. صرخت : نعم نعم يا روح امك do you remember me one of them انت فاكرني واحده من اياهم collect your self or i will collect the street on you ya omar لم نفسك ولا الم عليك الشارع ياااااااا عوووووومر the girl entered my brain البنت دخلت دماغي i said : why like this ya daughter of people قلت : ليه كده يا بنت الناس i want you on the book of god and his profit انا عاوزك علي سنه الله ورسوله the boon on me i write my book on you tonight ندر عليا اكتب كتابي عليكي الليله she laghed and said on your slow on your slow ضحكت وقالت: علي مهلك علي مهلك write the book one piece? not talk on me first تكتب الكتاب مرة واحده؟ مش تتكلم عليا الاول(يعني تكلم أهلي) i shouted: i die in the cream ya thousand whites morning زعقت: اموت في الحلاوه يا الف نهار ابيض i am going to talk on you right now and writ my book on you انا رايح اتكلم عليكي حالا واكتب كتابي عليكي ---------------------------------------------------- لقاء مع واحد مخنوق جداااااااااااا مرة واحد مخنوق من الدنيا كلها رن جرس الباب الساعة 10 صباحا فتح الباب لقى وحدة مذيعة بتقوله ممكن نعرف بتعمل إيه لما تقوم من النوم قال أنا بقوم من أم النوم بنزل أم رجلى أروح أم الحمام أفتح أم الحنفية أغسل أم وشى أروح أم الأوضة أقلع أم الترنج ألبس أم البنطلون أنزل من أم الشقة أركب أم الأتوبيس أنزل من أم الأتوبيس أروح أم الشغل وبعد ما أخلص أم الشغل أرجع أم البيت وخلاص فقالت المذيعة شكرا يا فندم ويحرق أم البرنامج اللى خلانا نشوف وش أم حضرتك ------------------------------------------------- واحد عصبى عمل منتدى وبقى مدير خش شوف القوانين 1-عضويتك تبقي بأسم محترم و ابن حلال و يا ريت تكون بالعربي مش هقرف نفسي و أقعد أترجم انا و إلا هتتوقف و أي حد مش عاجبني اسمه هيتوقف 2-أي رد مفهوم أو غير مفهوم هتتوقف 3-تشارك من سكات 4-قسم الفرفشة تكتب تعليق و انت ساكت و مش عاوز ضحك 5-قسم المسابقات تلعب من غير أي هزار 6-ماتقعدش فاتح المنتدي طول اليوم عشان متضغطش علي السيرفر سيب فرصة لغيرك عشان يتنيل يدخل 7-أي موضوع مكرر أو منقول أو حتي جديد يحذف فورا 8-قسم الشكاوي مشوفش فيه موضوع واحد و إلا تتوقف 9-تخليك في حالك و متتكلمش مع حد من الأعضاء جوة المنتدي أو برة المنتدي 10-ممنوع أي هزار أو تعارف أو تهنئة بالتوفيق مع أحترامى للمنتدى :D --------------------------------- مرة واحد حب يسكر فقرر الذها إلي اقرب بار و في البار حدث ما لم يكن في الحسبان جلس صاحبنا علي البار و أستمع إلي حوار يدور بين أثنين سكرانين تعالوا نشوف ايه اللي سمعه 1: مساء الخير 2: مساء النووور 1: هو الأستاذ منين ؟ 2: انا من القاهرة 1: يا محاسن الصدف اصل انا كمان من القاهرة 2: هو حضرتك منين من القاهرة 1: انا من المطرية 2: يا محاسن الصدف اصل انا كمان من المطرية 1: هو حضرتك منين من المطرية 2: ش التحرير 1: معقولة ؟ اصل انا كمان من ش التحرير 2: يااه مش ممكن 1: ليه ؟ 2: مش عارف 1: ان شاء الله طبعا ً صاحبنا استهتر بالحوار و قال عادي اي اتنين سكرانين ممكن يقولوا اي كلام لكن تعالوا نشوف بقية الحوار 1: هو حضرتك منين من ش التحرير 2: انا من عمارة رقم 40 1: مش ممكن اصل انا كمان من نفس العمارة 2: هو حضرتك ساكن في الدور الكام 1: انا في الدور الثالث 2: مستحيل دا انا كمان في الدور الثالث 1: يااااااااااااااه شوف الصدف يا اخي تبقي ساكن في نفس المنطقة و الشارع و كمان نفس الدور في العمارة و مانعرفش بعض 2: اه والله حاجة غريبة فعلا 1: هو حضرتك في اي شقة بالظبط 2: اللي جنب السلم 1: مستحيل دانا كمان ساكن في نفس الشقة و طبعا صاحبنا في اللحظة دي كان هايتجنن جه صاحب البار و قال له : ياعم ماتخدش في بالك ده واحد و ابوه بيجوا يسكروا هنا كل يوم :D ----------------------------------------------- إزاي ترخم على جارك تواصلا مع مسلسل رخامة عرض مستمر اقدم لكم اليوم كيفية الترخيم علي الجار يلا بينا مع بعضينا نبقي رخمين ده الشعار اللي الكل لازم يتخذه ويجعله لواء وراية له في عمله ( عمله في الرخامة طبعا ) مش في العمل التاني لاني مضمنش ايه العواقب وانا مش مسئول نخش بقي علي المهم اول حاجة لما تبقي مخنوق من جارك ومش طايقة وخلاص هتولع منه تعمل ايه؟! نعمل ايه نستخدم الاساليب السريه للرخامه عليه وانصحك بانك تلعب ازاي تخنق جارك الجزء التالت ( هوا في اصلا جزء تالت يلا مش مهم ومش موضوعنا ) المهم ندخل في الخطوات اول حاجة تجيب عيال من الشارع وتخليهم يرنواالجرس بتاعه كل شويه ويطلعوا يجروا هههه الراجل سعتهها ياعيني هيعيط وخليهم كل يوم ع الساعه 1-2 كده يرنوا الجرس ( كله بحسابه محدش بيعمل حاجة لوجه الله والوطن ) لحد ما يجري وراهم ويمسكوهم في مره والعيال يتعكشوا وبعديها تخلي برده نفس العيال ترميه باكياس الميه في البلكونه ولو ساكن في عمارة فخمه تخليهم يتفوا ع الباب بتاعه الخطوه التالته انك تعلي التلفيزيون ع الاخر وتجيب سماعات اللي هي بتاعت الدي جي وتخرم ودنه ويجي يكلمك قول كل واحد حر في منطقته وبعديها ....... يجي وقت قشر الموز كل يوم تحطله قدام باب الاسنسير او ع السلم قشرة موز عشان ينزل في السريع ههههههه وبعديها لما يجي بتاع الزباله ياخد الزباله تروح رامي غط الزباله بتاعته في المنور في الخباثه طبعا كفاية كده عليه هنعمل تاني فيه ايه ----------------------------------- نكتة رخمة مره واحد دخل مجمع قال للعمال اللي فيه انا عايز فراخ قالولوا عايزها مذبوحه و لا صاحيه قالهم مدبوحة قالولوا اطلع الدور اللي الفوق طلع الدور اللي الفوق قالهم عايز فراخ قالولوا عيزها بريشها و لا من غير قالهم لاء من غير قالولوا اطلع الدور الفوق طلع الدور الفوق قالهم عايز فراخ قالولوا عايزها في اكياس و لا من غير اكياس قالهم لاء عايزها في اكياس قالولوا اطلع الدور الفوق طلع قالهم عايز فراخ قالولوا و الله احنا ما عندناش فراخ بس ايه رايك في النظام ------------------------------------------- اجمل النكت لعام 2008 صعيدي قالوله بكره عيد الحب قال : يوووه ايه الورطة دى! وده صلاته ازاي ***** حشاش شاف سوداني لابس جلابية بيضة ... قاله دي اول مرة اشوف ثلاجة موتورها لفوق ***** صعيدي وامريكي الامريكى قال للصعيدي وصلتو فين بالتطور الصعيدي رد وقال ياعم تطور ايه دا اححنا رجعنا لورا، ثم سأل الصعيدي الامريكي انتو وصلتو فين بالتطور الامريكي قاله اححنا وصلنا بالتطور اذا القمر الصناعى عطل في السما نقدرنصلحه الصعيدي فكر شويةوقل يااااااااااااااه هو المفك بتاعكم طوله أد ايه ***** محشش بيحل الكلمات المتقاطعة مثنى صخرة : ح ج ر ي ن من اجزاء الجسم : د م ا غ رتّب : ر ص من ابراج الحظ : ا ل ج و ز ة يجيدها الترزى : غ ر ز ة لمعس مبعثرة : م ع س ل اداة استفهام : ك ي ف تجدها فى سمبوكسة : ك ب س ة ملقاط كبير : م ا ش ة من اوصاف الدنيا : غ ا ب ة يجذب : ي ش د جمع شهيق : ا ن ف ا س *****ايه أسرع ثلاث وسائلللاتصالات؟ Telephone Television Tell -a- Woman عشان راغيين:D ***** مره واحد صعيدى قابل واحده سالها : انتى منين قالتله: وات؟ قالها: اجدع ناس الوتاوته ***** حشاش بيقول لصاحب أنا حلمت امبارح أننا بقينا فناني أنت فنان تشكيلي ..... وأنا فنان أشكيلك ***** واحد في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور ***** مرة واحد مسئول بيفتتح حمام سباحة (للصعايده) فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم ياعوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملى الحمام ميه ***** واحد بلدياتنا واقف قدامه خمس شياطين .... واحد يوسوسله و اربعه يفهموه ***** واحد بشتكي لصاحبته قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد .....عرفني على محسن واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوي ***** واحد فشار بيحكي مغامراته لصاحبه الغلس الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها الغلس : يا كداب هو في الصحرة في عماره الفشار : اه اسف فضلت اجري اجري لغاية ما لقيت شجره طلعت فوقها الغلس : قال له يا كداب هو في الصحرة في شجره الفشار : اه اسف فضلت اجري اجري لغايه ما لقيت جراج دخلت فيه الغلس : يا كداب هو في جراج في الصحرة الفشار : فضلت اجري اجري لغاية ما أكلني ارتحت ؟ الغلس : يا كداب هو في اسد في الصحرة ***** بيقولك مرة واحد قرر يرشح نفسه رئيس الجمهورية، مسكوه بتوع أمن الدولة و قالولوا أنت عبيط ولا ايه، قالهم هو شرط؟ ***** مرة واحد راح السودان بالليل ملاقاش حد رجع بلده ***** صومالى ركبه عفريت العفريت مات من الجوع ***** مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورة: هذه صورة زوجتى مع القرود (ملحوظة: زوجتى الثالثه على اليمين) ***** المنتخب السوداني بيلعب ماتش كورا, فالمذيع بيعلق على الماتش و بيقول "المنتخب السوادني مكون من عثمان في حراسة المرمى و خط الدفاع عثمان و عثمان و عثمان و خط الوسط عثمان و عثمان و عثمان أما خط الهجوم عثمان و عثمان و عثمان و محمد !!! ايه ده مسيحي ده و الا اي ***** الاول : آبا .... انا حلمت اني دست على ازازه ورجلي اتفتحت الثانين : احسن علشان تبطل تنام حافي ***** واحد طلع برج القاهره .... وكان بيشب من السور وهو بيتفرج ... فطبعاً وقع .... وهو في السكه قال ابقى عيل لو طلعت البرج ده تاني كفايه كدة أنظروا المزيددد ولا أقولك شووف دى :p ------------------------------------ إزاى تغلس على واحد نايم (مهم) عزيزي الصاحي اذا كنت تعاني من أرق لأي سبب و حاقد على واحد نايم او اذا طق فيوز النذاله فجأه عندك أو عرق الرذالة بيوجعك وقدامك واحد نايم كأي بطيخة تحترم نفسها ماعليك الا ان تتبع الخطوات التاليه وصدقني ممكن يقتلك فيها 1) اذا كان في عز نومه وانت مانمتش أو مش جايلك نوم ادخل الغرفه وشغل النوووور واطلع بمنتهي البرود كأنك لم تفعل شيء. إذا كان نومه خفيف هايصحي وقولك ( إطفي النور يا حيوان ) طبعا إحنا إتفقنا إنك بارد لذلك لا تعره أي إهتمام و تذكر القانون الأول لنيوتن في التنفيض " لكل فعل له تنفيضة مساوية له في المقدار و مضادة له في الإتجاة " . أما لو كان نومه تقيل يبقي تستعمل الطريقة رقم 2 2 ) إكتشف إن في بيتكم سرير وعايز تتأكد إن كل حاجه تمام و إن السرير رجليه مظبوطة طبعا دا السرير إللي أخينا نايم عليه ويمكنك ساعتها القيام بالكثير من التخبيط و الدق وتحريك السرير ولكن إنتبه فقد يصحو من النوم فيجدك تحت السرير او رأسك في متناول يده فلا أحد يعلم ساعتها ماذا يمكن أن يحدث لو كان من هواة النوم وبجوارهم مفتاح إنجليزي .. لذلك أنصحك أن تهز السرير هزات عنيفة حتي يستيقظ وقبل أن يفيق تماما أركض بأقصي سرعة 3) اذا كنت مقهــــــــور من واااحد ناايم العصر او الظهر أدخل الغرفه وغطيه كويس و إقفل المكيف واطلع ولا تنسى أن تغلق الأبواب والنوافذ. واذا كانت في دفايه بالغرفه , ياعيني شغلها بقي علي أسخن حاجة وسيبه واطلع بره كأنك لا تعرف عن الأمر شيء . لسه ما قامش ؟؟ إوعي تيأس 4) لو كان لسه ماقامش !!! ماتعملش حاجة من اللي سبق ذكره إنما بهدوء حط ايدك على الراديو وشغل محطه خرباااانه و يا حبذا لو كانت بتاعت أغاني هابطة من نوعية ( حبيبي فوق حبيبي تحت حبيبي رايح حبيبي جاي ) وعلي الصوووت على الآخر و امشي إنت كمل مشاهدة التليفزيون . 5) اذا كان لسه نايم وانت شبعااان نوووم بس عايز تتونس: جيب ماء باااارد وقرب من النايم وقطر على جبهته قطره قطرة هايترعش ويمسح جبهته فاكرها نمله ولا حاجة . واقعد كده لحد ما يصحي أو يقوم يرزعك قلم محترم علي وشك ويكمل نوم 6 ) خذ منديل ولفها لحد ما يبقي على شكل العود... الغرض ان يكون نهاية طرفه حاد .. وبس يا معلم .. أخينا رأسه أصبحت ملعبا وأنت الهداف ممكن تحطها في ودنه ( الحركة دي مستفزة جدا ومجربة ) ممكن تحطها في فمه ممكن تحطها في أنفه بس مش لجوة أوي يعني لو صحي يبقي إحتمال إنه يفرجك علي عنبر الكسور في أي مستشفي قريب من بيتكم واذا مانجحتش كافه الطرق اللي فوق... تأكد انه مش آدمي . . خليه نايم واطلع بدل ما يجيلك شلل نصفي أنظروا المزيددد و لا أقولك شووف دى بردو حتفيدك :D ------------------------------- الغلاسه بعينها أو قمة البرود وخليك كووووول يا جماعة دي مبادئ علم الرخامة .... طبعا في ناس عندهم الحكاية دي بالفطرة ... و في ناس بيحبوا يتعلموا لما تسأل واحد وتقلوا أقول ولا مقولش ..يقلك قول ..قله قول وطعميه . لما تسأل واحد وتقله صح ولا غلط ..يقلك صح ..قله صح النوم لما تسأل واحد وتقله الكلام دا حصل ..قالك حصل ..قله حصل وطحينه لما واحد يقلك انا جيت نورت البيت قله ..لا دا نور الكهربه لما تسأل واحد وتقله دا احلى ولا دا ..وقالك سيان ..قله سيانى بتوجعنى انا لازم اروح لدكتور السيان لماتسال واحد ايه رايك فى حاجه ..وقالك جامده ..قله جامده برباط ... و لا جامدة ما بتتكسرش لما تلاقى واحد لابس شيك كده او عامل حاجه حلوة ..قله ايه الحلاوه ديه مافيش جبنه لما واحد يقلك انه بيعمل حاجه ومش راضيه تتعمل ..قله ما انت فقر .... اه فقر وقطه لما واحد يقلك طز فى اي حد .. قله طز بلبن لما واحد يقلك دا انا مفيش زييي واحنا اللى دهنا الهوا دوكو .. قله احنا اللى عملنا الهوا كروهات ... ولبسنا السمك مايوهات ... وخرمنها لما حبينا نغرقوا لما تلاقى شب بيستظرف قله : ايه يلا العسل ده مولود ف بالاص ولا امك نحله لو لقيت حد لابس قميص مكرمش قله ايه القميص الى طالع من بق *** ده .... ولو لون القميص غريب قله مافيش منه رجالى ده لو حد استظرف عليك قال على قميصك مافيش منه رجالى ... قله لا والله ده اخر واحد لو حبيت تخنق حد قله معاك ولا عه يقولك لا – ولا كبريت .... لا – ولا ظلتين عشان نولع بالشراره ... لا – طب معاك بوتجاز .... لا - ؟؟؟امال بتاكل الأكل نى ولا ايه .....الخ الخ لحد مايضربك ------------------- ياسلام على الرخامه مرة واحد ماشى فى الشارع فقابل واحد تانى شكله مش على بعضه ومستعجل أوى وبيقول لو سمحت من فضلك قلعنى الجاكتة فالأولانى قال له:نعم ؟ فالتانى قال: قلعنى الجاكتة بسرعة حاضر....حاضر وراح مقلعه الجاكتة لو سمحت بقه قلعنى الكرافتة ايه؟ الكرافتة.....الكرافتة بسرعة حاضر حاضر وراح مقلعه الكرافتة وهو مستغرب اوى من الراجل الغريب ده:ها ياسيدى أى خدمة تانية آه .معلش فكلى زراير القميص (الموضوع اتطور اهو ) لااااا دانت زّودتها أوى ..كده تاخد برد يقلب بنزلة شعبية حادة تاخد أجلك من فضلك فكها ....بسرعة أرجوك افففففففف... وأدى زراير القميص خلاص فكتها... دا كان يوم ايه المهبب ده، ها أى أوامر تانية؟ أيوه قلعنى بقه القميص (يانهار ازرق ) ياسيدى عيب مايصحش كده، دا احنا فى الشارع خللى عندك دم ..... لا حول ولا قوة الا بالله أرجوك أرجوك بسرعة.....مفيش وقت دى وقعت ايه المهببة دى، أنا كان ايه اللى جابنى من الشارع ده... وادى القميص..هااااا..ايه تانى ارسملى على ظهرى خطوط بالطول وخطوط بالعرض حسبى الله ونعم الوكيل...انت مجنون ياراجل أنت؟؟؟؟ من فضلك....أرجوك رسمتلك زفت بالطول وزفت بالعرض رقملى بقه المربعات للى اتكونت على ظهرى بالارقام من 1 الى 40 ياصبر أيوووووووووب .. بقه أنت معطلنى كل ده علشان تلعبنى سيجا على قفاك؟؟؟ بسرعة لوسمحت....ارجوك رقمهم ....من فضلك مش قادر أدينى رقمتهم لو سمحت بقى أهرشلى فى المربع رقم 33 (عمركم شفتوا رخامة بالشكل ده ) الحته دة للامانه منقول --------------------------- أخر حاجة إزاى ترفع ضغط المشرفين بتوعنا وتتطرد وشكلى حكون اولكم السلام عليكم و رحمه الله و بركاته أنا أسف أنا نقلت الموضوع ده من منتدى تانى بس قولولى رأيكم كيف ترفع ضغط مشرفين المنتدى مع تحياتي لكل مشرفينا .... عزيزي العضو عزيزتي العضوه اللي عاوز يرفع ضغط المشرفين يتبـع التعليمات التالية وسيجد نفسه مطرود مع التحية..... :: أولا :: أدخل آي منتدى واكتب او اكتبي أي موضوع ماله أي دخل في هالمنتدى <--- الموضوع في وادي والمنتدى في وادي مثال ---> اكتب موضوع رياضي في المنتدى الأدبي.... ويفضــل لو تكتـب عليه (( ارجــوا التثبيـت )) يكون لها طعم أحسن.. :: ثانياً :: خـذ او خذي لك موضـوع قديم من المنتدى ---> انسخـه واكتبـه باسمك مره ثانيه في نفس المنتدى ويفضــل تكتب عليـه ((( فكــره جديدة ))) (( هنا المشــرف يـدوخ.... مايعرفش فين المكـرر عشــان يحــذفه )) :: ثالثاً :: لا تشارك في أي منتدى ولا ترد على أحد وبعدين أطلب او أطلبي من الإدارة تحطك عضو فعال وكل يوم أرسل او أرسلي تظلّم إذا ماعطوك رد (( صدقني إذا ماقالوا لك اقلب وجهك ... اضمن لك بيرقونك إلى (سوبر عضـو ) :: رابعاً :: اكتب موضوع في منتدى الشكـاوي والاقتراحات (( الحقوناااااا ياشباب )) --> طبعـا بيحرك المشرف ساكناً واكتب في الموضوع )) واحــد صفــر )) وجبمها صـوره واحــد يضحــك (( وفي هذي اضمن لكم الطرد السريع )) :: خامساً :: شوف لك مشرف أو مشرفه وتلزق فيه ... كل يوم أرسله رسائل خاصة تقـول له وش رأيك في ذاك الموضــوع .. أحـس انه باااايخ احذفه تكفى .. ولا ذاك الموضـوع رهيـب ثبته تكفى ((( هنا المشـرف يكره اليوم اللي خلـوه فيه مشــرف ))) :: سادساً :: دقق في إملاءات المشرفين ... ورد عليهم فقط لتصحيح الإملاء ولا تجيب عن الموضوع نفسه :: سابعاً :: عند تعيين أي مشرف جـديد ... أبدا تكلم عن الواسطة وأنه ما يستاهل ولمح أن الإدارة ما عندها ....تيييييييييت (( هــذي تغنيــك عن كل الوســائل اللي راحــت )) ::ثامنا وأخيراً :: لو أى حد كلمكوا قولوا روح لعمو الشرس هو منبه علينا مانتكلمش فى غيابه ارجو المسمرة اصدى التثبيتتتتتتتتتتتتت هههههه |
||||||||||
التعديل الأخير تم بواسطة fernando89 ; 25-08-2008 الساعة 05:04 AM
![]() |
يتصفح الموضوع حالياً : 1 (0 عضو و 1 زائر) | |
|
|
![]() |
||||
الموضوع | كاتب الموضوع | المنتدى | الردود | آخر مشاركة |
تعالو نضحك شوية ههههههههههههههههههه :) | meso@elking | بـعـيـدآ عـن سـيـلـك رود | 15 | 16-06-2013 09:18 PM |
صور بزاوية حساسة و جامدة اخر تلات حجات | U Are Mine | بـعـيـدآ عـن سـيـلـك رود | 82 | 15-06-2010 03:17 PM |
تعالو يا جماعة بسرعة حجات هاتفيدكو اوى | omarxx035 | بـعـيـدآ عـن سـيـلـك رود | 2 | 07-10-2009 10:25 PM |