أبــــــتــســــامه فــــضـــحــــــكـــــه رغـــــــم أنـــــفـــ الــــهــــــمـوم

[!_ToGoO_MorY_!]

الزملاء الأعزاء أعضاء المنتدى

طبعا احوالنا مش تمام اليومين دول يمكن بسبب امتحانات الثانويه

او بسبب الى شايفينه من تعب الدنيا او غيره

بس ايه رأيكم نتخلل الحاجات دى كلها بأبتسامه ؟!



أكيد دخولنا الأنترنت
بتأثر علينا سلبيا و بدل ما ندخل نفرفش لأ - نتنكد أكتر

طيب ليه الجو الوحش ده - هوه كله كده

و فجأه أكتشفت ان النت زى ما كله أخبار وحشه فيه ناس لسه بتضحك طيب ازاى و ليه رغم كل القرف و العيشه اللى مايعلم بيها الا ربنا



قال ايه فيه حاجه أسمها نكت و مقالات فكاهيه و كتب ساخره
قمه الضحك وسط بحور من الدموع - يبقى لسه فيه أمل حتى لو مختفى
سمعتوا عن أحمد رجب و محمد عفيفى و عمر طاهر و الجاحظ و جحا و ...و .... الخ

الناس دى بيقولوا انهم بيقدروا يضحكوك رغم انفك و همه ميضحكوش أبدا
طيب ما نييجى نحاول - مجرد 10 دقايق قبل ما نشوف الأكتئاب مجرد حتى نبتسم علشان نقدر نكمل الطريق



طب الفكره ؟

ندخل على اى محرك بحث زى جوجل و لا ياهو و نكتب
عايزين نضحك - ضحكه - نكته - ابتسامه
نحاول حتى و أكيد النتيجه هتبقى تغيير و لو بطيئ بس للأحسن أن شاء الله



كل واحد يحاول يبتسم - اما بقى لو ضحك يبقى من حقنا عليه يضحكنا معاه و يكسب فينا ثواب
يجيب اى حاجه أو لينك لكتاب أو مقال
و بما ان عددنا مش قليل يبقى نعمل الموضوع



أيه رأيكم نجرب على الأقل - لعل و عسى
يمكن لما نروح الشغل او الأمتحان او غيره تانى يوم نفتكر ان لسه فيه مكان فى حياتنا لأبتسامه و لو خفيفه
بالتأكيد الأبتسامه دى هتخفف توتر العمل و العيشه



فى انتظار مشاركتكم